Lɛvitikɔs 9:4 - Krio Fɔs Oli Baybul

⁴ wan man kaw ɛn wan man ship fɔ pis ɔfrin to PAPA GƆD, ɛn sid ɔfrin we miks wit ɔyl, bikɔs da de de PAPA GƆD go sho insɛf to dɛn.

Lɛvitikɔs 9:4 Referans Kwoze

Ɛksodɔs 29:43

Na de a go de mit mi pipul di Izrɛlayt dɛn, ɛn mi layt sɛf we de shayn go mek di ples oli.

Lɛvitikɔs 9:23

Mozis ɛn Erɔn go insay di tɛnt usay dɛn kin mit PAPA GƆD; ɛn wɛn dɛn kɔmɔt na do, dɛn ɔltu blɛs di pipul dɛn bak ɛn di brayt brayt layt we de sho se PAPA GƆD de wit dɛn bɔs pan dɛn ɔl.

Lɛvitikɔs 9:6

Wɛn dɛn ɔl dɔn gɛda, Mozis tɛl dɛn se na wetin PAPA GƆD se dɛn fɔ du, dɛn dɔn du ɛn dat go mek dɛn si di brayt brayt layt we de sho se PAPA GƆD de wit dɛn.

Izikɛl 43:2

Ɛn Izrɛl in Gɔd in glori bin de kɔmɔt na di ist; ɛn i bin de mek sawnd lɛk we bɔku bɔku wata de rɔn, ɛn di ath bin de shayn wit In glori.

Di Nɔmba Dɛm 16:19

Wɛn Kora dɔn gɛda in gɛŋ we de pan di kuskas na di Tɛnt usay dɛn kin mit PAPA GƆD in domɔt, PAPA GƆD in glori jɛs bɔsawt to dɛn ɔl.

Di Nɔmba Dɛm 14:10

We dɛn dɔn tɔk dɔn, di Izrɛlayt dɛn bigin tɔk se, dɛn fɔ ston dɛn te dɛn day. Wantɛm nain PAPA GƆD apia na di Tɛnt we in ɛn Mozis kin mit to ɔl di Izrɛlayt dɛn.

Lɛvitikɔs 2:1

We ɛnibɔdi de briŋ sid ɔfrin to PAPA GƆD, i fɔ bi fayn flawa ɛn dɛn fɔ put ɔyl ɛn frankinsɛns pan am,

Ɛksodɔs 24:16

Na PAPA GƆD bin de na di klawd ɛn i bin tan lɛkɛ layt. Di klawd kɔba di mawnten fɔ siks de. Dɔn di de we mek sɛvin nain PAPA GƆD kɔl Mozis na di klawd.

Ɛksodɔs 19:11

rɛdi dɛnsɛf fɔ di tɔd de, bikɔs na da de de a go kam dɔŋ na Mawnt Saynay usay ɔlman go si mi.

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Lɛvitikɔs 9:3

I se Erɔn fɔ tɛl di Izrɛlayt mek dɛn gi wan man got as sin ɔfrin wit wan yɔŋ kaw ɛn wan yɔŋ ship we nɔ gɛt bɔt as bɔn ɔfrin,

Lɛvitikɔs 9:5

So dɛn kɛr ɔl wetin Mozis se go bifo di tɛnt usay dɛn kin mit PAPA GƆD ɛn ɔl di Izrɛlayt dɛnsɛf gɛda frɔnt de bifo PAPA GƆD.

Lɛvitikɔs 3:1

If di ɔfrin we pɔsin de gi na fɔ di sakrifays fɔ gɛt wanwɔd wit PAPA GƆD, if i de ɔfa kaw ship ɔ got, di man yon ɔ di uman yon, i fɔ gi PAPA GƆD di wan we nɔ gɛt bɔt

Izikɛl 43:27

Ɛn wɛn dɛn dɔn dɔn dɛn de ya, frɔm di nɔmba et de te go, di man dɛn we de mek sakrifays fɔ pipul sin go ɔfa pan di ɔlta una ɔfrin dɛn we na fɔ bɔn, ɛn una pis ɔfrin dɛn; ɛn a go gri fɔ una, PAPA GƆD tɔk se.