Lɛvitikɔs 8:4 - Krio Fɔs Oli Baybul

⁴ Mozis du wetin PAPA GƆD tɛl am fɔ du; ɛn ɔl di Izrɛlayt dɛn gɛda na di tɛnt usay dɛn kin mit PAPA GƆD in domɔt.

Lɛvitikɔs 8:4 Referans Kwoze

1 Kɔrint 15:3

Di wɔd we misɛf yɛri, we bɛtɛ fawe pas ɛni ɔda wɔd nain a tɛl una we a se: Krays day fɔseka wi sin dɛn, lɛkɛ aw dɛn rayt na Gɔd in Buk;

1 Kɔrint 11:23

Na di Masta insɛf tɛl mi dɛn tin we a tɛl una we a se: di sem nɛt we dɛn kɛr Masta Jizɔs go to dɛn wan we bin want kil am, i tek bred, i tɛl Gɔd tɛnki fɔ am, i kɔt am, kɔt am, dɔn i se, “Na mi bɔdi dis, na fɔ una a brok brok am so. Una fɔ de du di sem tin fɔ mɛmba mi.”

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Ditarɔnɔmi 12:32

I se dɛn fɔ mek shɔ se dɛn du ɔl wetin i bin dɔn tɛl dɛn se PAPA GƆD se dɛn fɔ de du; dɛn nɔ fɔ put de, dɛn nɔ fɔ pul de.

Lɛvitikɔs 8:35

I se, na di tɛnt usay dɛn kin mit PAPA GƆD in domɔt dɛn fɔ de ol de ɛn nɛt fɔ sɛvin de, de du ɔl wetin PAPA GƆD dɔn gi dɛn fɔ du, ɔ nɔ so dɛn go day.

Lɛvitikɔs 8:29

Dɛn Mozis tek di chɛst ɛn wev am to PAPA GƆD as spɛshal prɛzɛnt; na bin Mozis in yon pan di man ship we na fɔ di ɔdineshɔn, lɛkɛ aw PAPA GƆD bin tɛl Mozis.

Lɛvitikɔs 8:17

I nɔ bɔn di ɔda pat dɛn pan di man kaw insay di kamp, i bɔn dɛn na do.

Lɛvitikɔs 8:13

Dɔn Mozis mek Erɔn in bɔypikin dɛn go tinap bifo ɛn i wɛr vɛst dɛn pan dɛn ɛn put sɔm brɔd band rawnd dɛn wes dɛn, dɔn i wɛr kyap dɛn pan dɛn jɛs lɛkɛ aw PAPA GƆD tɛl Mozis.

Lɛvitikɔs 8:9

Dɔn i wɛr tɔban nain ed ɛn pan di tɔban, dɛn put wan shayn tin we flat lɛk plet fɔ sho se in na pɔsin we dɛn dɔn gi to PAPA GƆD fɔ wok. Na so PAPA GƆD tɛl Mozis se fɔ du.

Ɛksodɔs 39:29

dɔn dɛn so gadul wit blu, pɔpul ɛn rɛd wul matirial, ɛn dɛkɔret am fayn jɛs lɛkɛ aw PAPA GƆD bin dɔn tɛl Mozis.

Ɛksodɔs 39:26

Dɛn put wan bɛl, wan pomigranet; wan bɛl, wan pomigranet rayt rawnd di gawn, jɛs lɛk aw PAPA GƆD bin dɔn tɛl Mozis.

Ɛksodɔs 39:21

Dɛn tay di riŋ dɛn pan di pawch to di riŋ dɛn pan di ifɔd wit blu kɔd, fɔ lɛ di pawch go rɛst pantap di bɛlt fɔ lɛ i nɔ lus jɛs lɛkɛ aw PAPA GƆD bin dɔn kɔmand Mozis.

Ɛksodɔs 39:7

Dɛn put ɔl dɛn tin ya pan di sholda strap pan di ifɔd fɔ rɛprizɛnt di twɛlv fambul dɛn na Izrɛl, jɛs lɛkɛ aw PAPA GƆD bin dɔn kɔmand Mozis.

Ɛksodɔs 39:5

Dɛn mek bɛlt wit di sem kayn matirial ɛn stich am pan di ifɔd, jɛs lɛkɛ aw PAPA GƆD bin tɛl Mozis fɔ du.

Ɛksodɔs 39:1

Dɛn yuz di blu, pɔpul ɛn rɛd wul matirial fɔ mek fayn gawn dɛn fɔ di man dɛn we de mek sakrifays fɔ pipul sin we dɛn de sav na di oli ples. Dɛn mek Erɔn in yon gawn jɛs lɛkɛ aw PAPA GƆD bin dɔn tɛl Mozis fɔ mek am.

Lɛvitikɔs 8:3

ɛn kɔl ɔl di Izrɛlayt dɛn fɔ go na di domɔt na di tɛnt usay dɛn kin mit PAPA GƆD.

Lɛvitikɔs 8:5

We dɛn ɔl dɔn gɛda, i tɛl dɛn se na wetin PAPA GƆD se fɔ du dɛn de kam du so.