Lɛvitikɔs 8:25 - Krio Fɔs Oli Baybul

²⁵ Dɛn i tek di fat dat na di wanol tel ɛn ɔl di fat we de na di gɔt, wit di af af dɛn we ɛŋ na di liva, wit di tu kidni ɛn di fat we de pan dɛn ɛn di rayt lɛg;

Lɛvitikɔs 8:25 Referans Kwoze

Ayzaya 53:10

Bɔt ɔl dat, na bin PAPA GƆD in plan fɔ mek dɛn brus am; I mek i sɔfa; we i mek insɛf di sakrifays fɔ sin, I go si in pikin dɛn, I go mek i gɛt lɔŋ layf; PAPA GƆD in plan go sɔksid nain an;

Prɔvabs 23:26

Mi pikin, pe atɛnshɔn to wetin a de tɛl yu, tray fɔ de fala mi ɛgzampul.

Lɛvitikɔs 3:9

Frɔm di ɔfrin we i de mek fɔ gɛt wanwɔd wit PAPA GƆD na faya to PAPA GƆD, i fɔ gi di fat dat na di wanol tel we de nia di bakbon ɛn di fat we de pan di gɔt wit ɔl di fat,

Ɛksodɔs 12:9

Dɛn nɔ fɔ it di bif rɔ wan ɛn dɛn nɔ fɔ bwɛl am. Na ros nɔmɔ dɛn fɔ ros am ɛn dɛn fɔ ros di ed, di fut dɛn ɛn di gɔt ɔl.

Ɛksodɔs 29:13

Wɛn yu dɔn du dis, gɛda ɔl di fat we de rawnd di kaw bɛlɛ ɛn kaw gɔt, wit di bɛst pat pan di liva, ɛn di tu kidni wit dɛnsɛf yon fat ɛn bɔn ɔl na di ɔlta as sakrifays to mi.

Lɛvitikɔs 8:24

Afta dat, Mozis mek Erɔn in bɔypikin dɛn go bifo dɔn i put sɔm pan di blɔd na dɛnsɛf yon rayt yes kɔna, na di big fiŋa dɛn na dɛn raytan ɛn na di big to dɛn na dɛn rayt fut ɛn Mozis ib di blɔd rawnd di ɔlta.

Lɛvitikɔs 8:26

ɛn frɔm di blay we de bifo PAPA GƆD we gɛt bred we nɔ gɛt yist, i tek wan kek we nɔ gɛt yist, wan lof bred wit ɔyl, ɛn wan wefa ɛn put dɛn pan di fat ɛn di rayt lɛg;