Lɛvitikɔs 8:23 - Krio Fɔs Oli Baybul

²³ Mozis kil dis man ship insɛf ɛn put sɔm pan di blɔd kɔna say na Erɔn in rayt yes ɛn na di big fiŋa nain raytan ɛn in big to nain rayt fut.

Lɛvitikɔs 8:23 Referans Kwoze

Ɛksodɔs 29:20

Kil di ship, tek sɔm pan di blɔd ɛn rɔb am na di bɔtɔm pat pan Erɔn ɛn in bɔypikin dɛn rayt yes, di big fiŋa na dɛn raytan, ɛn di big to dɛn na dɛn rayt fut; dɔn yu skata di balans blɔd na di ɔlta in fo kɔna dɛn ɛn ɔlɔbɔt.

Lɛvitikɔs 14:17

I put sɔm pan di ɔyl we lɛf nain an ɛn di blɔd pan di ɔfrin kɔna di pɔsin in rayt yes, ɛn nain big fiŋa nain raytan wit in big to nain rayt fut;

Lɛvitikɔs 14:14

Di man we de mek sakrifays fɔ pipul sin go tek sɔm pan di blɔd frɔm di ɔfrin we na fɔseka wetin i fɔ sɔfa ɛn put am na di pɔsin in rayt yes kɔna, na di big fiŋa nain raytan ɛn na di big to nain rayt fut.

Lɛta Fɔ Filipay 2:17

If dɛn gɛt fɔ kil mi sɛf ɛn di day we a day go tan lɛk sakrifays ɛn wit unasɛf yon sakrifays we una de mek to Gɔd dat na di biliv we una biliv pan Krays, a gladi ɛn a de mek una no se a gladi; so dat unasɛf go gladi wit mi.

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

1 Kɔrint 6:20

Gɔd pe dia fɔ una we Krays day na di krɔs. So una fɔ mek Gɔd gɛt di prez bay aw una de yus una bɔdi.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

1 Kɔrint 1:2

de rayt to una ɔl we na Kristiɛn na Kɔrint, we Gɔd kɔl fɔ bi in yon ɛn we dɔn bi in yon, bikɔs una gɛt wanwɔd wit Jizɔs Krays, ɛn a de rayt igen to ɔl dɛn pipul ɔlɔbɔt na wɔl we de pre wit Jizɔs Krays in nem. Na wi Masta ɛn dɛn Masta.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Lɛta Fɔ Rom 6:19

Na dɛn tin we mɔtalman ɔndastand, a de tek fɔ ɛksplen to una fɔ mek una go ɔndastand. Tɛm bin de we una na bin slev fɔ du ɔl kayn wikɛd ɛn dɔti tin we bin de na una at. Bɔt naw una fɔ givɔp ɔl una layf fɔ bi lɛkɛ Gɔd in slev dɛn fɔ du wetin rayt, so dat una go bi Gɔd in pipul dɛn, fɔ tru.

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Lɛvitikɔs 14:28

dɔn i put sɔm pan di ɔyl we lɛf nain an na di pɔsin in rayt yes kɔna, ɛn nain big fiŋa nain raytan wit in big to nain rayt fut na di sem ples we i bin put di blɔd we kɔmɔt pan di ɔfrin we i gi fɔseka wetin fɔ bi;

Di Ibru Pipul Dɛn 5:8

Bɔt ivin we Jizɔs na bin Gɔd in Pikin, di sɔfa we i sɔfa mek i no gud wan wetin i min fɔ du wetin Gɔd se.

Di Ibru Pipul Dɛn 2:10

Bikɔs na Gɔd mek ɔltin ɛn nain de kip ɔltin, i rayt we i mek Jizɔs sɔfa aw i sɔfa fɔ dɔn di wok we i kam fɔ du, so dat plɛnti pipul go bi Gɔd in pikin dɛn, ɛn go na ɛvin. Na Krays de lid dɛn pipul de so dat i go sev dɛn.

Fɔs Lɛta Fɔ Tɛsalonayka 5:22

Una nɔ fɔ du ɛnitin we bad.

Ɛksodɔs 29:21

Tek sɔm pan di blɔd we de na di ɔlta ɛn di ɔyl we yu de tek Ɔden ɛn sprinkul am pan Erɔn lɛ i go pan in klos; dɔn sprinkul am bak pan in bɔypikin dɛn ɛn dɛn klos, so dat in ɛn in bɔypikin dɛn go oli we dɛn de sav mi.

Lɛvitikɔs 7:37

Na di lɔ dɛn dis we fɔ fala we pɔsin de mek bɔn ɔfrin, sid ɔfrin, sin ɔfrin, ɔfrin we na fɔseka wetin i fɔ sɔfa, di ɔfrin we dɛn man dɛn we de mek sakrifays fɔ pipul sin fɔ mek di de we dɛn de pre pan dɛn, ɛn di ɔfrin we pɔsin de mek if i want gɛt wanwɔd wit PAPA GƆD;

Lɛvitikɔs 14:25

Ɛn i go kil di yɔŋ man ship we i gi fɔseka wetin i fɔ sɔfa; ɛn di man we de mek sakrifays fɔ sin we de dyuti go tek sɔm pan di ɔfrin we na fɔseka wetin pɔsin fɔ sɔfa in blɔd ɛn put am na di man in rayt yes kɔna, na di big fiŋa nain raytan ɛn na di big to nain rayt fut.