Lɛvitikɔs 8:2 - Krio Fɔs Oli Baybul

² mek i tek Erɔn ɛn in bɔypikin dɛn wit dɛn klos dɛn, ɛn di ɔyl we fɔ yuz fɔ anɔynt dɛn, ɛn di man kaw fɔ di sin ɔfrin, ɛn tu man ship wit wan blay ful wit bred we nɔ gɛt yist;

Lɛvitikɔs 8:2 Referans Kwoze

Di Ibru Pipul Dɛn 7:27

Dɛn ɔda edman we de mek sakrifays fɔ pipul sin, bin de mek sakrifays ɛvri de fɔseka dɛn yon sin, bifo dɛn mek sakrifays fɔ di ɔda pipul dɛn sin. Bɔt Jizɔs nɔ bin de mek dɛn kayn sakrifays de, bikɔs i bin dɔn mek wan sakrifays nɔmɔ we go de sote go, ɛn nain layf i tek mek da sakrifays de.

Ɛksodɔs 39:41

di fayn gawn dɛn fɔ di man dɛn we de mek sakrifays fɔ pipul sin we dɛn fɔ wɛr na di oli ples, di oli klos fɔ Erɔn ɛn in bɔypikin dɛn.

Ɛksodɔs 28:40

Mek chɛk kot, sash ɛn tɔban fɔ Erɔn in bɔypikin dɛn we go mek dɛnsɛf gɛt smɔl ɛyɛ.

Ɛksodɔs 28:1

PAPA GƆD tɔk to Mozis bak. I se, “Kɔl yu brɔda Erɔn wit in bɔypikin dɛn, we na Nadab, Abiu, Ɛlieza ɛn Ithama. Pul dɛn kɔmɔt to di Izrɛlayt dɛn. Dɛn yon wok fɔ mi na fɔ de mek sakrifays fɔ pipul sin.

Lɛvitikɔs 6:10

Di nɛks de, di man we de mek sakrifays fɔ pipul sin, go wɛr in linin klos wit in lɔŋfut drɔz, gɛda di ashis we kɔmɔt na di faya we bin de ɔnda di bɔn sakrifays na di ɔlta, ɛn put am kɔna say na di ɔlta.

Lɛvitikɔs 8:1

PAPA GƆD tɛl Mozis se,

Lɛvitikɔs 8:3

ɛn kɔl ɔl di Izrɛlayt dɛn fɔ go na di domɔt na di tɛnt usay dɛn kin mit PAPA GƆD.

Lɛvitikɔs 8:10

Dɛn Mozis tek di ɔyl we fɔ anɔynt, anɔynt di tɛnt usay dɛn kin mit PAPA GƆD wit ɔl wetin de de ɛn pre pan dɛn.

Lɛvitikɔs 8:18

Dɛn Mozis kɛr di man ship go bifo fɔ bɔn ɔfrin; ɛn Erɔn ɛn in bɔypikin dɛn le dɛn an dɛn pantap di man ship in ed.

Lɛvitikɔs 8:22

Mozis gi wan ɔda man ship. Dis wan na fɔ di ɔdineshɔn; ɛn Erɔn ɛn in bɔypikin dɛn le dɛn an dɛn pantap di man ship in ed.