Lɛvitikɔs 8:19 - Krio Fɔs Oli Baybul

¹⁹ Mozis kil di man ship insɛf ɛn ib di blɔd rawnd di ɔlta.

Lɛvitikɔs 8:19 Referans Kwoze

Di Ibru Pipul Dɛn 9:21

Semwe so, Mozis bin ib ib di blɔd pan di Bafa we dɛn bin de mek sakrifays to Gɔd ɛn pan ɔl dɛn tin we dɛn kin yus wɛn dɛn de pre to Gɔd.

Lɛvitikɔs 1:11

ɛn na di nɔth sayd pan di ɔlta i go kil am bifo PAPA GƆD ɛn Erɔn in bɔypikin dɛn we na man dɛn we de mek sakrifays fɔ pipul sin, go ib di blɔd rawnd di ɔlta.

Lɛvitikɔs 8:18

Dɛn Mozis kɛr di man ship go bifo fɔ bɔn ɔfrin; ɛn Erɔn ɛn in bɔypikin dɛn le dɛn an dɛn pantap di man ship in ed.

Lɛvitikɔs 8:20

Ɛn wɛn dɛn dɔn kɔt kɔt di man ship, Mozis bɔn di ed, di pat dɛn we dɛn kɔt kɔt ɛn di fat.

2 Kronikuls 29:22

So dɛn kil di man kaw dɛm, ɛn di man dɛm we de mek sakrifays fɔ pipul sin, gɛda di blɔd, ɛn splash am pan di ɔlta; ɛn dɛn kil di manship dɛm ɛn splash dɛn blɔd pan di ɔlta; ɛn dɛn kil di pikinship dɛm ɛn splash dɛn blɔd pan di ɔlta.