Lɛvitikɔs 8:15 - Krio Fɔs Oli Baybul

¹⁵ Mozis kil am ɛn tek sɔm pan di blɔd wit in fiŋa ɛn put am pan di ɔn dɛn rawnd di ɔlta ɛn tɔn di balans blɔd na di bɔtɔm pat na di ɔlta fɔ sho se i dɔn pul di sin kɔmɔt de ɛn dɔn mek i fit fɔ de beg PAPA GƆD padin de.

Lɛvitikɔs 8:15 Referans Kwoze

Lɛvitikɔs 4:7

Dɔn di man we de mek sakrifays fɔ pipul sin go put sɔm pan di blɔd pan di ɔn dɛn na di insɛns ɔlta bifo PAPA GƆD we de na di tɛnt usay dɛn kin mit PAPA GƆD, ɛn di wan we lɛf pan di man kaw in blɔd, i go put am bɔtɔm na di ɔlta we dɛn kin bɔn di sakrifays we de na di domɔt na di tɛnt usay dɛn kin mit PAPA GƆD.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Lɛta Fɔ Ɛfisɔs 2:16

Krays gri fɔ mek pipul kil am na di krɔs so dat i go pwɛl di tin we mek di tu neshɔn dɛn nɔ lɛk dɛnsɛf. Di day we Krays day dɔn mek di tu neshɔn dɛn gɛt wanwɔd, ɛn i briŋ dɛn kam bak to Gɔd.

Lɛta Fɔ Rom 5:10

Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Izikɛl 45:20

Pan di sɛvin de na di mɔnt una go du di sem fɔ ɛnibɔdi we dɔn sin bay mistek ɔ ignorans; so una go mek atonmɛnt fɔ di tɛmpul.

2 Kronikuls 29:24

ɛn di man dɛm we de mek sakrifays fɔ pipul sin, kil dɛn ɛn mek sin ɔfrin wit dɛn blɔd na di ɔlta, fɔ pul sin kɔmɔt pan ɔlman na Izrɛl. Bikɔs di kiŋ bin dɔn tɛl dɛm paopa se, dɛn fɔ mek ɔfrin we dɛn de bɔn na faya, ɛn sin ɔfrin fɔ di wanol Izrɛl.

Lɛvitikɔs 16:20

Wɛn Erɔn dɔn mek di ples we oli pas ɔl, di tɛnt usay dɛn kin mit PAPA GƆD ɛn di ɔlta fit fɔ PAPA GƆD fɔ yus, i go gi di layf got;

Lɛvitikɔs 6:30

Bɔt if dɛn kɛr di blɔd go insay di tɛnt usay dɛn kin mit PAPA GƆD so dat dɛn kin beg padin na di ples we oli, nɔ fɔ it pan am; na bɔn dɛn fɔ bɔn dɛn na faya.

Lɛvitikɔs 4:30

Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Lɛvitikɔs 3:8

i fɔ le in an pantap di animal in ed ɛn kil am bifo di Tɛnt usay dɛn de mit PAPA GƆD; Erɔn in bɔypikin dɛn go ib di blɔd rawnd di ɔlta.

Lɛvitikɔs 3:2

I fɔ le in an pantap di animal we i de gi in ed, ɛn i fɔ kil am na di domɔt na di Tɛnt usay dɛn kin mit PAPA GƆD; dɔn Erɔn in bɔypikin dɛn we na di man dɛn we de mek sakrifays fɔ pipul sin, fɔ ib di blɔd rawnd di ɔlta.

Lɛvitikɔs 1:11

ɛn na di nɔth sayd pan di ɔlta i go kil am bifo PAPA GƆD ɛn Erɔn in bɔypikin dɛn we na man dɛn we de mek sakrifays fɔ pipul sin, go ib di blɔd rawnd di ɔlta.

Lɛvitikɔs 1:5

Na da tɛm de i go kil di man kaw bifo PAPA GƆD; dɔn Erɔn in bɔypikin we na man dɛn we de mek sakrifays fɔ pipul sin go gi di blɔd ɛn ib pan an rawnd di ɔlta we de na di domɔt na di Tɛnt usay dɛn kin mit PAPA GƆD.

Lɛvitikɔs 4:25

Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Di Nɔmba Dɛm 8:12

Afta di Livayt dɛn dɔn le dɛn an dɛn pan di man kaw dɛn ed, yu fɔ yuz wan pan dɛn as sin sakrifays to PAPA GƆD dɔn dɛn fɔ bɔn di ɔda wan. Dat go mekɔp fɔ ɛni bad we di Livayt dɛn dɔn du.