Lɛvitikɔs 8:13 - Krio Fɔs Oli Baybul

¹³ Dɔn Mozis mek Erɔn in bɔypikin dɛn go tinap bifo ɛn i wɛr vɛst dɛn pan dɛn ɛn put sɔm brɔd band rawnd dɛn wes dɛn, dɔn i wɛr kyap dɛn pan dɛn jɛs lɛkɛ aw PAPA GƆD tɛl Mozis.

Lɛvitikɔs 8:13 Referans Kwoze

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

Di Sam Dɛm 132:9

Lɛ yu man dɛn we de mek sakrifays fɔ di pipul sin, de du wetin rayt; ɛn lɛ di pipul de du wetin yu want ɛn ala wit gladi.

Ɛksodɔs 40:13

dɔn yu drɛs Erɔn wit di spɛshal gawn, ɛn anɔynt ɛn kɔnsikret am fɔ lɛ i go de sav mi as man we de mek sakrifays fɔ pipul sin.

Lɛvitikɔs 10:5

So dɛnsɛf go tot di dedebɔdi dɛn bay di kot we dɛn wɛr ɛn pul dɛn kɔmɔt na di kamp lɛkɛ aw Mozis bin se.

Izikɛl 42:14

Wɛn di man dɛn we de mek sakrifays fɔ pipul sin dɔn go insay di oli ples dɛn nɔ go kɔmɔt go na di awtsay kɔt, pas nɔmɔ, dɛn dɔn lɛf biyɛn dɛn klos we dɛn bin wɛr fɔ minista, bikɔs di klos dɛnsɛf oli; dɛn go wɛr ɔda klos dɛn bifo dɛn go go nia to di wan dɛn we na fɔ di pipul.”

Ɛksodɔs 40:16

Mozis du ɔl wetin PAPA GƆD tɛl am fɔ du.

Lɛvitikɔs 8:21

Wɛn dɛn dɔn was di gɔt ɛn lɛg dɛn, Mozis bɔn di wanol man ship na di ɔlta as bɔn ɔfrin; na ɔfrin we dɛn mek na faya, i go pul fayn sɛnt we go mek PAPA GƆD gladi lɛk aw i tɛl Mozis.