Lɛvitikɔs 7:19 - Krio Fɔs Oli Baybul

¹⁹ If di bif we i de sakrifays tɔch tin we nɔ klin na PAPA GƆD yay, nɔ fɔ it am; na fɔ bɔn am na faya. Ɔl udat klin na PAPA GƆD yay kin it pan di bif,

Lɛvitikɔs 7:19 Referans Kwoze

Taytɔs 1:15

Ɔltin klin to pipul we gɛt klin at; bɔt natin nɔ klin to pipul we nɔ gɛt klin at ɛn we nɔ biliv Gɔd, bikɔs na dɔti tin dɛn de mɛmba ɛn na dat de na dɛn at.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Lɛta Fɔ Rom 14:20

Una nɔ mek di tin we Gɔd dɔn du pwɛl, fɔseka it. Una kin it ɔltin, bɔt una nɔ fɔ it ɛnitin we go mek ɔda pɔsin sin.

Lɛta Fɔ Rom 14:14

Di wanwɔd we a gɛt wit Masta Jizɔs mek a no gud gud se natin nɔ de we bad fɔ it, na bay aw pɔsin luk am nɔmɔ; bɔt if pɔsin biliv se sɔntin bad fɔ am fɔ it, dɛn di tin bad fɔ di pɔsin fɔ it.

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Lyuk 11:41

Una fɔ ɛp dɛn po pipul wit ɔl una at, dɛn ɔltin go klin fɔ una.

Lɛvitikɔs 6:27

Ɛnibɔdi ɔ ɛnitin we tɔch am go sɔfa fɔ dat; ɛn if blɔd go pan di klos we i wɛr, fɔ was di klos we di blɔd go pan, na di tɛnt in kɔmpawnd.

Lɛvitikɔs 7:18

If pɔsin it di bif we lɛf pan di pis ɔfrin di tɔd de, PAPA GƆD nɔ go aksɛpt in sakrifays ɛn i bin fɔ bɛtɛ i nɔ wes in tɛm; bifo dat i de mek insɛf lɛk udat nɔ klin na PAPA GƆD yay ɛn i go gɛt fɔ bia wetin go apin.

Lɛvitikɔs 7:20

bɔt if pɔsin it pan di bif wɛn i nɔ klin na PAPA GƆD yay, PAPA GƆD nɔ go kɔnt am as wan pan in pipul dɛn.