Lɛvitikɔs 6:7 - Krio Fɔs Oli Baybul

⁷ Di man we de mek sakrifays fɔ pipul sin go beg PAPA GƆD padin fɔ am ɛn PAPA GƆD go fɔgiv am fɔ di sin dɛn we i kɔmit.

Lɛvitikɔs 6:7 Referans Kwoze

Lɛvitikɔs 4:26

Dɔn i go bɔn ɔl in fat na di ɔlta lɛkɛ aw i bɔn di pis ɔfrin in fat; di man we de mek sakrifays fɔ pipul sin go beg padin fɔ dis lida in sin ɛn PAPA GƆD go fɔgiv am.

Jɔn In Fɔs Lɛta 1:9

Bɔt if wi tɛl Gɔd bɔt wi sin dɛn, in we de du di rayt tin ɔltɛm ɛn ɔl wetin i prɔmis, wi kin abop se i go padin wi sin dɛn ɛn i go pul ɔltin we bad kɔmɔt na wi layf ɛn mek wi layf klin.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Matyu 12:31

Na dat mek a de tɛl una se, di de we Gɔd go jɔj ɔlman, i go padin ɛni bad tin we pɔsin du ɛn ɛni bad tɔk we i tɔk bɔt mi ɛn ɔda pipul; bɔt Gɔd nɔ go padin ɛnibɔdi we tɔk bad bɔt Gɔd in Spirit.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Izikɛl 33:19

Ɛn wɛn di wikɛd chenj pan in wikɛdnɛs, ɛn du wetin di lɔ se ɛn we rayt, i go liv fɔseka dat.

Ayzaya 1:18

PAPA Gɔd se, “Kam naw naw lɛ we ɛŋed togɛda, i lɛk una sin dɛn rɛd lɛk blɔd, dɛn go wayt lɛk shatin; i lɛk dɛn rɛd lɛk krimsin, dɛn go tan lɛk kɔtinwul.

Lɛvitikɔs 5:18

I fɔ kɛr wan manship we nɔ gɛt bɔt we i tek kɔmɔt pan di wan dɛn we i de mɛn as di ɔfrin we i fɔ mek we in valyu fɔ bi wetin di lɔ se; dɔn di man we de mek sakrifays fɔ pipul sin go beg padin fɔ am fɔ di mistek we i mistek sin, ɛn PAPA GƆD go fɔgiv am.

Lɛvitikɔs 5:13

Na so di man we de mek sakrifays fɔ pipul sin go beg padin fɔ di pɔsin in sin we i dɔn kɔmit we i du dɛn tin ya, ɛn PAPA GƆD go fɔgiv di man in sin. Di wan we lɛf go bi fɔ di man we de mek sakrifays fɔ pipul sin jɛs lɛkɛ wetin kin bi pan di sid ɔfrin.

Lɛvitikɔs 5:10

Dɛn di sɛkɛn wan go bi bɔn ɔfrin lɛkɛ aw di lɔ se; di man we de mek sakrifays fɔ pipul sin go beg padin fɔ di sin we di pɔsin bin kɔmit ɛn PAPA GƆD go fɔgiv am.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 4:20

Lɛkɛ aw i bin du di man kaw fɔ di sin ɔfrin, na so i fɔ du dis wan; di man we de mek sakrifays fɔ pipul sin go beg padin fɔ ɔlman ɛn PAPA GƆD go fɔgiv dɛn sin.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Lɛvitikɔs 6:8

PAPA GƆD tɛl Mozis se,

Lɛvitikɔs 7:2

na di sem ples we dɛn bin kil di animal fɔ di bɔn sakrifays na de fɔ kil di wan we pɔsin de mek fɔseka wetin i fɔ sɔfa ɛn fɔ ib di blɔd rawnd di ɔlta.

Lɛvitikɔs 2:1

We ɛnibɔdi de briŋ sid ɔfrin to PAPA GƆD, i fɔ bi fayn flawa ɛn dɛn fɔ put ɔyl ɛn frankinsɛns pan am,