Lɛvitikɔs 6:4 - Krio Fɔs Oli Baybul

⁴ wɛn i no bɔt di sin, i fɔ gi in kɔmpin wetin i tif ɔ ple rikishi fɔ gɛt, wetin in kɛmpin bin se i lɔs we in fɛn,

Lɛvitikɔs 6:4 Referans Kwoze

Zɛfinaya 1:9

Da sem de de, i go pɔnish ɔl udat jomp go insay pipul yad ɛn we de ful dɛn bɔs dɛn os wit tif tin we dɛn buli pipul fɔ gɛt.

Mayka 2:2

Dɛn kin kapu pipul dɛn fil ɛn os dɛn ɛn pul dɛn kɔmɔt na dɛn an. Dɛn jɛs de fɔ buli pipul dɛn ɛn pul dɛn os ɛn ɔda prɔpati kɔmɔt na dɛn an.

Emɔs 3:10

PAPA GƆD se, dɛn nɔ no aw fɔ du natin di rayt we. Dat na dɛn wan dɛn we de kip dɛn bad bad ɛn tif tif tin dɛn na dɛn os

Izikɛl 18:18

As fɔ in papa, bikɔs i de tek tin na pɔsin an bay pawa, i de tif in brɔda, ɔ nɔ de du wetin gud to in pipul dɛn, fɔ tru, i go day fɔseka in sin dɛm.

Izikɛl 18:12

de sɔprɛs po man ɛn di wan dɛn we de in nid, i de tif, i nɔ de gi bak wetin dɛn plɛj to am, i de wɔship dɛn laylay gɔd dɛm; i de du dɛn bad bad tin dɛn we PAPA GƆD nɔ lɛk,

Izikɛl 18:7

i nɔ de sɔprɛs nɔbɔdi, bɔt de gi bak wetin dɛn plɛj to am, i nɔ de tif, i de fid udat aŋri ɛn gi klos to di wan we nekɛd;

Ayzaya 59:6

Pɔsin nɔ go ebul wɛr spaydawɛb fɔ klos ɛn mɔtalman nɔ go ebul kɔba insɛf wit wetin dɛn kin mek. Dɛn wok dɛn na sinful wok ɛn na fɔ du bad de na dɛn an.

Job 24:2

Pipul dɛn de shub bekin na land; dɛn de tif dɛn kɔmpin ship ɛn mɛn dɛn.

Job 20:19

Bikɔs i dɔn nyakanyaka po man ɛn fɔgɛt bɔt am, i dɔn siz os we nɔto in bil.

Jɛnɛsis 21:25

Na de Ebraam le kɔmplen bɔt di wɛl we Abimɛlɛk in wokman dɛn siz nain an.

Lɛvitikɔs 24:18

If pɔsin kil ɔda pɔsin in animal, i fɔ gi am layf animal bak, na layf fɔ pe fɔ layf.

Lɛvitikɔs 24:21

If pɔsin kil ɔda pɔsin in animal, i fɔ gi am layf animal bak; ɛn dɛn fɔ kil ɛnibɔdi we kil in kɔmpin mɔtalman.

Di Nɔmba Dɛm 5:7

fɔ kɔnfɛs di sin. I fɔ pe fɔseka dat ɛn put twɛnti pasɛnt mɔ pantap ɛn gi ɔl to di pɔsin we i du bad.

Izikɛl 33:15

if di wikɛd gi bak di plɛj ɛn wetin i bin dɔn tif, ɛn i waka bay di lɔ dɛn we de gi layf, ɛn i nɔ de du ɛni bad bad wikɛdnɛs; fɔ tru tru, i go liv, i nɔ go day.

Malakay 1:13

I se, dɛn kin mek se dɛn taya ɛn mek fes pan am, ɛn dɛn kin gi am animal bay we dɛn tek bay fos, ɔ wan we nɔ de waka ɔ i sik as dɛn sakrifays bɔt in nɔ go tek am na dɛn an.

Lɛvitikɔs 4:12

kɔmɔt na di kamp go na klin ples we dɛn dɔn mak, usay i go tɔn di ashis ɛn bɔn am pan di faya we gɛt wud; na usay i tɔn di ashis i fɔ bɔn am.

Nɛimaya 5:11

A tɛl dɛn fɔ gi di pipul dɛn bak wantɛm wantɛm, ɔl wetin dɛn bin dɔn olɔp na dɛn an: dɛn fam dɛn, dɛn greps ɛn ɔliv fam ɛn dɛn os dɛn. A tɛl dɛn igen se dɛn fɔ gi di pipul dɛn ɔl di pasmak mɔni we dɛn dɔn tek na dɛn an fɔ tin fɔ it, fɔ wayn ɛn fɔ ɔyl.

Izikɛl 44:19

Ɛn wɛn dɛn go na do to di awtsay kɔt to di pipul, dɛn go dɔn pul dɛn klos we dɛn bin wɛr fɔ minista, ɛn le dɛm na di oli rum dɛm; ɛn dɛn go wɛr dɛn ɔda klos dɛm, bambay dɛn kam pas olinɛs to di pipul, wit dɛn klos.