Lɛvitikɔs 6:12 - Krio Fɔs Oli Baybul

¹² Di faya we de na di ɔlta go stil de bɔn, i nɔ fɔ ɛva ɔt; di man we de mek sakrifays fɔ pipul sin fɔ de put wud na di faya ɛvri mɔnin ɛn le di bɔn ɔfrin aw i fɔ de pantap ɛn i go bɔn di fat fɔ di pis ɔfrin sɛf pan am.

Lɛvitikɔs 6:12 Referans Kwoze

Lɛvitikɔs 9:24

Wantɛm, wantɛm, nain PAPA GƆD sɛn faya we bɔn di bɔn ɔfrin ɛn di fat we bin de na di ɔlta. Wɛn di Izrɛlayt dɛn si dat, dɛn ala ɛn butu dɛn fes na grɔn.

Nɛimaya 13:31

A igen mek shɔ bak se di wan dɛn we fɔ kɔntribyut wud dɛn du am di tɛm we dɛn fɔ du am ɛn di wan dɛn we fɔ gi di fɔs frut dɛn we dɛn avɛst de du am. PAPA GƆD, duya, gi mi fevɔ.

Di Ibru Pipul Dɛn 10:27

If ɛnibɔdi de du dɛn bad tin de, i fɔ fred, bikɔs Gɔd go jɔj am ɛn se i dɔn du bad, ɛn big big faya go kam bɔn ɔl dɛn pipul we nɔ de du wetin Gɔd tɛl dɛn fɔ du.

Lɛvitikɔs 6:9

mek i tɛl Erɔn ɛn in bɔypikin dɛn wetin i se fɔ bi we dɛn de mek bɔn sakrifays. I se di bɔn sakrifays fɔ de na di faya ples na di ɔlta ol nɛt te do klin, ɛn di faya na di ɔlta fɔ de kech.

Lɛvitikɔs 6:11

We i dɔn, i go pul dɛn klos de ɛn wɛr ɔda klos we nain i go wɛr naw fɔ pul di ashis kɔmɔt na di kamp go na klin ples we dɛn dɔn mak.

Lɛvitikɔs 6:13

Di faya fɔ de kech ɔltɛm; i nɔ fɔ ɔt.

Izikɛl 40:46

ɛn di rum we de luk nɔt na fɔ di man dɛn we de mek sakrifays fɔ pipul sin we de inchaj ɔf di ɔlta. Dɛn na Zedɔk in bɔypikin dɛn, ɛn na dɛn nɔmɔ pan bɔypikin dɛn we kɔmɔt na Livay in layn fɔ go nia PAPA GƆD fɔ go minista to am.