Lɛvitikɔs 6:10 - Krio Fɔs Oli Baybul

¹⁰ Di nɛks de, di man we de mek sakrifays fɔ pipul sin, go wɛr in linin klos wit in lɔŋfut drɔz, gɛda di ashis we kɔmɔt na di faya we bin de ɔnda di bɔn sakrifays na di ɔlta, ɛn put am kɔna say na di ɔlta.

Lɛvitikɔs 6:10 Referans Kwoze

Lɛvitikɔs 16:4

PAPA GƆD se i fɔ wɛr gawn we i mek wit linin, lɔŋ fut drɔz, put brɔd band we dɛn mek wit linin rawnd in wes ɛn tay linin tɔban nain ed; na di we dis we i fɔ drɛs bɔt i fɔ was in bɔdi bifo i wɛr dɛn.

Rɛvɛleshɔn 19:14

Dɛn soja man na ɛvin bin de fala am, dɛnsɛf bin de rayd wayt ɔs ɛn dɛn bin wɛr klin wayt linin klos.

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)

Rɛvɛleshɔn 7:13

Wan pan di bigman dɛn aks mi se, “Yu no udat na dɛn pipul ya we wɛr wayt? Yu no usay dɛn kɔmɔt?”

Di Sam Dɛm 37:20

Lɛk aw briz de blo flawa na bush te natin nɔ lɛf, na so PAPA GƆD go skata in ɛnimi dɛn. I go skata dɛn lɛk smok.

Di Sam Dɛm 20:3

Lɛ PAPA GƆD mɛmba ɔl wetin yu dɔn gi am bɔt mɔ so, lɛ i gladi fɔ tek di animal dɛn we yu dɔn bɔn bifo am as sakrifays

Di Nɔmba Dɛm 16:35

PAPA GƆD sɛn faya we bɔn di tu ɔndrɛd ɛn fifti man we bin de bɔn insɛns to PAPA GƆD ɛn dɛn day.

Di Nɔmba Dɛm 16:21

“Una kɔmɔt nia dɛn pipul ya mek a dɔnawe wit dɛn wantɛm.”

Lɛvitikɔs 1:13

bɔt fɔ was di gɔt ɛn di lɛg wit wata. Dɔn di man we de mek sakrifays fɔ pipul sin go bɔn di wanol wan na di ɔlta; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 4:12

kɔmɔt na di kamp go na klin ples we dɛn dɔn mak, usay i go tɔn di ashis ɛn bɔn am pan di faya we gɛt wud; na usay i tɔn di ashis i fɔ bɔn am.

Lɛvitikɔs 6:11

We i dɔn, i go pul dɛn klos de ɛn wɛr ɔda klos we nain i go wɛr naw fɔ pul di ashis kɔmɔt na di kamp go na klin ples we dɛn dɔn mak.

Lɛvitikɔs 8:2

mek i tek Erɔn ɛn in bɔypikin dɛn wit dɛn klos dɛn, ɛn di ɔyl we fɔ yuz fɔ anɔynt dɛn, ɛn di man kaw fɔ di sin ɔfrin, ɛn tu man ship wit wan blay ful wit bred we nɔ gɛt yist;

Izikɛl 44:19

Ɛn wɛn dɛn go na do to di awtsay kɔt to di pipul, dɛn go dɔn pul dɛn klos we dɛn bin wɛr fɔ minista, ɛn le dɛm na di oli rum dɛm; ɛn dɛn go wɛr dɛn ɔda klos dɛm, bambay dɛn kam pas olinɛs to di pipul, wit dɛn klos.

Lɛvitikɔs 2:11

Nɔ fɔ gi PAPA GƆD ɛni sid ɔfrin we gɛt yist pan am, ɛn nɔ fɔ bɔn ɛni yist ɔ ɔni as sakrifays we fɔ bɔn to PAPA GƆD.

Lɛvitikɔs 6:18

Ɔl di man pikin dɛn na Erɔn in fambul layn kin it pan am, dat na pan di ɔfrin we dɛn mek to PAPA GƆD na faya ɛn na so i fɔ bi na ɔl di jɛnareshɔn dɛn; ɛni ɔda pɔsin we tɔch dɛn go sɔfa fɔ dat

Lɛvitikɔs 6:22

Di pɔsin we dɛn dɔn pre pan se nain fɔ de afta am, go ɔfa am to PAPA GƆD lɛkɛ aw dɛn bin dɔn se fɔ bi; na wanol wan fɔ bɔn am.

Lɛvitikɔs 21:22

I kin it pan it we dɛn de gi PAPA GƆD, dat na ɔl di it we oli,