Lɛvitikɔs 5:3 - Krio Fɔs Oli Baybul

³ Ɔ if pɔsin tɔch ɔda tin we na mɔtalman mek i nɔ klin na PAPA GƆD yay, i lɛk us kayn tin, ɛn if i nɔ no sɛf, wɛn i kam no, i go gɛt fɔ sɔfa fɔ dat.

Lɛvitikɔs 5:3 Referans Kwoze

Lɛvitikɔs 5:2

Ɔ if pɔsin tɔch ɛnitin we nɔ klin na PAPA GƆD yay, wɛda na wayl bist we dɔn day, ɔ nain animal we i de mɛn we day, ɔ na day arata ɔ insɛkt ɛn tin dɛn lɛk kondo we de waka na grɔn, ivin if i nɔ no, insɛf dɔn bi pɔsin we nɔ klin na PAPA GƆD yay so i gilti.

Lɛvitikɔs 5:4

Ɔ if pɔsin jɛs grap swɛ se in go du bad tin ɔ gud tin, dɛn kayn swɛ dɛn we pɔsin kin jɛs swɛ ɛn nɔ tink, ɛn mɛmba leta se in bin swɛ, i gilti fɔ ɛni swɛ we i swɛ..

Lɛvitikɔs 7:21

Ɛn if ɛnibɔdi tɔch tin we nɔ klin na PAPA GƆD yay, i kin bi mɔtalman ɔ animal ɔ ɛni ɔda tin we nɔ klin na PAPA GƆD yay, dɔn i kam it pan di bif we dɛn sakrifays to PAPA GƆD as pis ɔfrin, PAPA GƆD nɔ go kɔnt da pɔsin de as wan pan in pipul.

Di Nɔmba Dɛm 19:22

Ɛnitin we di pɔsin we nɔ klin tɔch, nɔ go klin ɛn ɛnibɔdi we tɔch da tin de insɛf nɔ go klin te ivintɛm.

Izikɛl 44:27

Ɛn di de we i go go na di oli ples, insay di insay kɔt, fɔ minista na di oli ples, i go ɔfa in sin ɔfrin, PAPA GƆD tɔk se.

Lɛvitikɔs 13:3

we go ɛgzamin am; ɛn if di ia we de gro usay di mak de dɔn wayt ɛn di mak dip te go insay in bɔdi, dat sho se na bad sik i gɛt nain bɔdi we i kin gi ɔda pɔsin; we di man we de mek sakrifays fɔ pipul sin dɔn ɛgzamin am dɔn, i go lɛ ɔlman no se i nɔ klin na PAPA GƆD yay.