Lɛvitikɔs 5:2 - Krio Fɔs Oli Baybul

² Ɔ if pɔsin tɔch ɛnitin we nɔ klin na PAPA GƆD yay, wɛda na wayl bist we dɔn day, ɔ nain animal we i de mɛn we day, ɔ na day arata ɔ insɛkt ɛn tin dɛn lɛk kondo we de waka na grɔn, ivin if i nɔ no, insɛf dɔn bi pɔsin we nɔ klin na PAPA GƆD yay so i gilti.

Lɛvitikɔs 5:2 Referans Kwoze

Lɛvitikɔs 5:17

If di sin we pɔsin kɔmit na fɔ du wetin PAPA GƆD se nɔ fɔ du, ivin if i nɔ no, na sin i sin ɛn i fɔ bia wetin go apin.

Ditarɔnɔmi 14:8

Ɔg na ɔda wan we PAPA GƆD se dɛn nɔ fɔ it bikɔs, ivin we in sus nain fut plit midul, i nɔ de pul it kɔmɔt nain bɛlɛ de cham; dɛn nɔ fɔ ivin tɔch in day wan.

Egay 2:13

Dɛn Egeay as dɛn se, if pɔsin we nɔ klin na PAPA GƆD yay bikɔs i dɔn tɔch dedebɔdi, tɔch dɛn tin ya, if di tin dɛnsɛf de tɔn tin dɛn we nɔ klin na PAPA GƆD yay. Di man dɛn we de mek sakrifays fɔ pipul sin ansa se, dɛn tin de dɛnsɛf nɔ go klin na PAPA GƆD yay.

Lɛvitikɔs 11:11

Fɔ et dɛn ɔl; nɔ fɔ it dɛn bif ɛn nɔ fɔ tɔch dɛn day wan.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Lyuk 11:44

I go bad fɔ una dɛn Faresi! Una tan lɛkɛ grev we pipul nɔ de si so dɛn de waka pan am ɛn dɛn nɔ no sɛf se na grev dɛn de mas.”

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

Di Sam Dɛm 19:12

Wi mistek dɛn tan lɛk we pɔsin gɛt ɔmbak i nɔ de si in ɔmbak. Fɔgiv mi fɔ di sin we a de sin ɛn a nɔ no se na sin.

Lɛvitikɔs 7:21

Ɛn if ɛnibɔdi tɔch tin we nɔ klin na PAPA GƆD yay, i kin bi mɔtalman ɔ animal ɔ ɛni ɔda tin we nɔ klin na PAPA GƆD yay, dɔn i kam it pan di bif we dɛn sakrifays to PAPA GƆD as pis ɔfrin, PAPA GƆD nɔ go kɔnt da pɔsin de as wan pan in pipul.

Lɛvitikɔs 5:4

Ɔ if pɔsin jɛs grap swɛ se in go du bad tin ɔ gud tin, dɛn kayn swɛ dɛn we pɔsin kin jɛs swɛ ɛn nɔ tink, ɛn mɛmba leta se in bin swɛ, i gilti fɔ ɛni swɛ we i swɛ..

Lɛvitikɔs 4:13

If na di wanol kɔmyuniti kɔmit di sin bɔt nɔto bay wilful ɛn sɔm pipul nɔ no se na sin, bɔt na tin we PAPA GƆD se nɔ fɔ du dɛn du, na dɛn ɔl fɔ sɔfa;

Lɛvitikɔs 5:3

Ɔ if pɔsin tɔch ɔda tin we na mɔtalman mek i nɔ klin na PAPA GƆD yay, i lɛk us kayn tin, ɛn if i nɔ no sɛf, wɛn i kam no, i go gɛt fɔ sɔfa fɔ dat.

Lɛvitikɔs 11:8

Nɔ fɔ it dɛn animal ya dɛn bif ɛn nɔ fɔ ivin tɔch di wan we dɔn day; dɛn nɔ klin na PAPA GƆD yay.

Di Nɔmba Dɛm 19:22

Ɛnitin we di pɔsin we nɔ klin tɔch, nɔ go klin ɛn ɛnibɔdi we tɔch da tin de insɛf nɔ go klin te ivintɛm.