Lɛvitikɔs 5:16 - Krio Fɔs Oli Baybul

¹⁶ I fɔ gi di man we de mek sakrifays fɔ pipul sin wetin i fɔ gibɔt i fɔ ad twɛnti pasɛnt pantap; ɛn di man we de mek sakrifays fɔ pipul sin go tek di manship we na di ɔfrin we i mek fɔseka wetin fɔ apin, fɔ beg padin fɔ am ɛn PAPA GƆD go fɔgiv am.

Lɛvitikɔs 5:16 Referans Kwoze

Di Nɔmba Dɛm 5:7

fɔ kɔnfɛs di sin. I fɔ pe fɔseka dat ɛn put twɛnti pasɛnt mɔ pantap ɛn gi ɔl to di pɔsin we i du bad.

Lɛvitikɔs 22:14

If pɔsin it pan di oli tin dɛn we i nɔ no se nain i de it, i fɔ gi di man we de mek sakrifays fɔ pipul sin di it bak ɛn ad twɛnti pasɛnt pan di it.

Lɛvitikɔs 27:31

If pɔsin want, i kin bay in tayth bak bɔt i fɔ pe twɛnti pasɛnt pantap.

Lɛvitikɔs 27:27

Ɛn if i de pan dɛn animal we nɔ klin na PAPA GƆD yay, da tɛm de di wan we bin gɛt am fɔ bay am bak na di prayz we dɛn valyu am, ɛn ad twɛnti pasɛnt pantap; ɔ, if i nɔ bay am bak, fɔ sɛl am.

Lɛvitikɔs 27:15

If di man we gɛt di os want fɔ bay am bak, i fɔ pe twɛnti pasɛnt mɔ to di os in valyu ɛn i go gɛt di os.

Lɛvitikɔs 27:13

Bɔt if di man wan fɔ bay am bak, i fɔ pe twɛnti pasɛnt pantap.

Lɛvitikɔs 5:10

Dɛn di sɛkɛn wan go bi bɔn ɔfrin lɛkɛ aw di lɔ se; di man we de mek sakrifays fɔ pipul sin go beg padin fɔ di sin we di pɔsin bin kɔmit ɛn PAPA GƆD go fɔgiv am.

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Lyuk 19:8

Zakiɔs tɛl Jizɔs bifo ɔlman se, “Masta, a go sheb mi prɔpati tu ɛn gi dɛn po pipul wan pat, ɛn ɛnitin we a bin tek na pɔsin an we a nɔ bin fɔ tek a go gi di pɔsin fo tɛm pas wetin a bin tek nain an.”

Di Sam Dɛm 69:4

Dɛn wan dɛn we stil et mi pan ɔl we dɛn nɔ gɛt rizin fɔ et mi, bɔku pas di ia na mi ed; di pipul we jɛs luk mi, ɛn dɛn tek mi mek ɛnimi dɛn so bɔku ɛn dɛn de afta mi blɔd. Dɛn de lay pan mi ɛn fos mi fɔ sɔfa fɔ tin we a nɔ tif ɛn se a fɔ pe.

Lɛvitikɔs 5:13

Na so di man we de mek sakrifays fɔ pipul sin go beg padin fɔ di pɔsin in sin we i dɔn kɔmit we i du dɛn tin ya, ɛn PAPA GƆD go fɔgiv di man in sin. Di wan we lɛf go bi fɔ di man we de mek sakrifays fɔ pipul sin jɛs lɛkɛ wetin kin bi pan di sid ɔfrin.

Lɛvitikɔs 5:6

ɛn i fɔ gi sɔntin to PAPA GƆD fɔ di sin we i kɔmit. Dis tin fɔ bi wan uman yɔŋ ship ɔ got frɔm wetin i de mɛn, we fɔ bi sin ɔfrin; dɔn di man we de mek sakrifays fɔ pipul sin go beg padin fɔ am fɔ di sin we i sin.

Lɛvitikɔs 4:26

Dɔn i go bɔn ɔl in fat na di ɔlta lɛkɛ aw i bɔn di pis ɔfrin in fat; di man we de mek sakrifays fɔ pipul sin go beg padin fɔ dis lida in sin ɛn PAPA GƆD go fɔgiv am.

Ɛksodɔs 22:1

“If pɔsin tif kaw ɔ ship ɛn kil am ɔ sɛl am, i fɔ pe fayv kaw fɔ wan kaw, ɛn fo ship fɔ wan ship.

Lɛvitikɔs 7:2

na di sem ples we dɛn bin kil di animal fɔ di bɔn sakrifays na de fɔ kil di wan we pɔsin de mek fɔseka wetin i fɔ sɔfa ɛn fɔ ib di blɔd rawnd di ɔlta.

Di Nɔmba Dɛm 5:8

Bɔt if di wan we i du bad nɔ gɛt ɛni klos fambul we i fɔ pe to, na PAPA GƆD gɛt am so i fɔ pe am to di man we de mek sakrifays fɔ pipul sin. I fɔ pe to am ɛn gi am di manship we bay rayt nain di man fɔ yuz fɔ mek pis wit PAPA GƆD fɔ am.

1 Samiɛl 6:3

Dɛn ansa se we dɛn de sɛn di ak bak we na Izrɛl dɛn PAPA GƆD gɛt am, dɛn nɔ fɔ sɛn am go ɛmti wan. Dɛn fɔ mek shɔ se, we dɛn de sɛn am, dɛn sɛn am wit sɔntin fɔ sho se dɛn sɔri fɔ wetin dɛn du. Dɛn se dat go mek PAPA GƆD mek dɛn wɛl bak, ɛn dɛn go ebul fɔ no wetin bin mek dɛn de gɛt bɔku waala so.

Lɛvitikɔs 4:20

Lɛkɛ aw i bin du di man kaw fɔ di sin ɔfrin, na so i fɔ du dis wan; di man we de mek sakrifays fɔ pipul sin go beg padin fɔ ɔlman ɛn PAPA GƆD go fɔgiv dɛn sin.