Lɛvitikɔs 4:34 - Krio Fɔs Oli Baybul

³⁴ Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Lɛvitikɔs 4:34 Referans Kwoze

Lɛvitikɔs 4:30

Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Lɛvitikɔs 4:25

Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Lɛvitikɔs 4:7

Dɔn di man we de mek sakrifays fɔ pipul sin go put sɔm pan di blɔd pan di ɔn dɛn na di insɛns ɔlta bifo PAPA GƆD we de na di tɛnt usay dɛn kin mit PAPA GƆD, ɛn di wan we lɛf pan di man kaw in blɔd, i go put am bɔtɔm na di ɔlta we dɛn kin bɔn di sakrifays we de na di domɔt na di tɛnt usay dɛn kin mit PAPA GƆD.

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Di Ibru Pipul Dɛn 2:10

Bikɔs na Gɔd mek ɔltin ɛn nain de kip ɔltin, i rayt we i mek Jizɔs sɔfa aw i sɔfa fɔ dɔn di wok we i kam fɔ du, so dat plɛnti pipul go bi Gɔd in pikin dɛn, ɛn go na ɛvin. Na Krays de lid dɛn pipul de so dat i go sev dɛn.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛta Fɔ Rom 10:4

Krays dɔn kam, di Lɔ nɔ gɛt pawa igen, so Gɔd de mek ɔltin rayt bitwin in ɛn ɛnibɔdi we biliv pan Krays.

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Jɔn 17:19

Ɛn a gi yu mi layf fɔseka dɛn so dat dɛnsɛf go gi yu dɛn layf wit ɔl dɛn at.

Ayzaya 42:21

PAPA GƆD bin gladi fɔ di waka we i de waka tret wit am, fɔ mek in lɔ big na pipul yay ɛn mek dɛn rɛspɛkt am.

Lɛvitikɔs 4:18

Dɔn i go put sɔm pan di blɔd pan di ɔn dɛn na di ɔlta we de na di tɛnt usay dɛn kin mit PAPA GƆD usay PAPA GƆD de; ɛn di wan we lɛf pan di blɔd, i go put am bɔtɔm na di ɔlta we dɛn kin bɔn di sakrifays we de na di domɔt na di tɛnt usay dɛn kin mit PAPA GƆD.