Lɛvitikɔs 4:3 - Krio Fɔs Oli Baybul

³ If na di man we de mek sakrifays fɔ pipul sin we dɛn anɔynt, sin, ɛn mek di pipul dɛn sɔfa fɔ dat, i fɔ ɔfa wan yɔŋ man kaw we nɔ gɛt bɔt, to PAPA GƆD as sin ɔfrin.

Lɛvitikɔs 4:3 Referans Kwoze

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛvitikɔs 9:2

ɛn tɛl Erɔn se i fɔ mek sin ɔfrin wit wan yɔŋ man kaw we nɔ gɛt bɔt, ɛn bɔn ɔfrin wit wan man ship we insɛf nɔ fɔ gɛt bɔt to PAPA GƆD.

Lɛvitikɔs 4:14

wɛn ɔlman no bɔt di sin we dɛn bin kɔmit, di wanol kɔmyuniti fɔ ɔfa wan yɔŋ man kaw as sin ɔfrin ɛn dɛn fɔ kɛr am go bifo di tɛnt usay dɛn kin mit PAPA GƆD;

Di Ibru Pipul Dɛn 5:3

Na bikɔs insɛf na mɔtalman we kin du tin we nɔ rayt, mek i fɔ mek sakrifays fɔ in yon sin, jɛs lɛkɛ aw i de mek sakrifays fɔ di ɔda pipul dɛn sin.

Ɛzra 8:35

Di pipul dɛn we tɔn bak mek bɔn animal dɛn as sakrifays to Izrɛl dɛn GƆD. Dɛn kil twɛlv man kaw fɔ di wanol kɔntri Izrɛl, naynti-siks bigman ship ɛn sɛvinti-sɛvin yɔŋ man ship, ɛn twɛlv man got fɔ bɔn as sakrifays fɔ dɛn sin.

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Izikɛl 43:19

Yu go gi wan man kaw fɔ sin ɔfrin to di Lɛvitikal man we de mek sakrifays fɔ pipul sin dɛm we blant Zedɔk in famili, ɛn de go nia to mi PAPA GƆD fɔ minista to mi.

Ɛksodɔs 29:21

Tek sɔm pan di blɔd we de na di ɔlta ɛn di ɔyl we yu de tek Ɔden ɛn sprinkul am pan Erɔn lɛ i go pan in klos; dɔn sprinkul am bak pan in bɔypikin dɛn ɛn dɛn klos, so dat in ɛn in bɔypikin dɛn go oli we dɛn de sav mi.

Ɛksodɔs 29:14

As fɔ di kaw in bif, in kanda ɛn di it we de insay in gɔt, bɔn dɛn bɔt nɔto insay di kamp. Dis na sakrifays fɔ pul sin kɔmɔt pan di man dɛn we de mek sakrifays fɔ pipul sin.

Ɛksodɔs 29:7

Tek di ɔyl we yu de yuz fɔ Ɔden, tɔn am nain ed fɔ Ɔden am.

Di Nɔmba Dɛm 8:8

Lɛ dɛn tek wan yɔŋ man kaw wit fayn flawa we dɛn miks am wit ɔyl fɔ di gren sakrifays; dɛn fɔ tek wan ɔda yɔŋ man kaw we dɛn go sakrifays fɔ dɛn sin.

Lɛvitikɔs 16:11

I se na Erɔn insɛf fɔ gi di man kaw we na fɔ sin ɔfrin so i go beg padin fɔ insɛf ɛn fɔ in os; i go kil di man kaw fɔ insɛf.

Lɛvitikɔs 16:6

Dɔn Erɔn go gi PAPA GƆD di man kaw we i de mek fɔ sin ɔfrin fɔ insɛf ɛn beg PAPA GƆD padin fɔ insɛf ɛn in wanol os.

Lɛvitikɔs 8:12

I tɔn sɔm pan di ɔyl sɛf na Erɔn in ed fɔ sho se na PAPA GƆD gɛt insɛf.

Lɛvitikɔs 5:6

ɛn i fɔ gi sɔntin to PAPA GƆD fɔ di sin we i kɔmit. Dis tin fɔ bi wan uman yɔŋ ship ɔ got frɔm wetin i de mɛn, we fɔ bi sin ɔfrin; dɔn di man we de mek sakrifays fɔ pipul sin go beg padin fɔ am fɔ di sin we i sin.

Ɛksodɔs 30:10

Erɔn fɔ pafɔm sɛrimɔni fɔ mek di ɔlta klin wan tɛm fɔ ia; i fɔ put di blɔd we kɔmɔt pan di animal we dɛn sakrifays fɔ sin pan di ɔn dɛn na di ɔlta. Dis ɔlta oli ɛn ɛni jɛnareshɔn we kam fɔ de pafɔm dis sɛrimɔni.

Di Ibru Pipul Dɛn 9:12

Wɛn Krays bin go insay di ples we Gɔd de, na wan tɛm nɔmɔ i go insay de. Nɔto got ɛn man kaw blɔd i bin sakrifays de, nain yon blɔd. Na da blɔd de i tek gi wi layf we go de sote go.

Lɛvitikɔs 4:5

Dɛn di bigman pan di man dɛn we de mek sakrifays fɔ pipul sin go tek sɔm pan di man kaw in blɔd, briŋ am kam na di tɛnt usay dɛn kin mit PAPA GƆD;

Lɛvitikɔs 4:23

if i kam no se na sin i bin sin, i fɔ gi wan man got we nɔ gɛt bɔt as in yon ɔfrin,

Lɛvitikɔs 4:28

wɛn dɛn tɛl am bɔt di sin we i dɔn kɔmit, i fɔ gi wan uman got we nɔ gɛt bɔt fɔ di sin we i kɔmit.

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

2 Kronikuls 29:21

Ɛn dɛn briŋ sɛvin man kaw, sɛvin manship, sɛvin pikin ship ɛn sɛvin mangot fɔ mek sin ɔfrin fɔ di kindɔm ɛn fɔ di oli ples ɛn fɔ Juda. I kɔmand di man dɛm we de mek sakrifays fɔ pipul sin we kɔmɔt na Erɔn in layn, fɔ sakrifays dɛm na PAPA GƆD in ɔlta.

Lɛvitikɔs 1:3

If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Lɛvitikɔs 1:10

If di prɛzɛnt we i de gi na frɔm di got ɛn ship we i de mɛn, i fɔ bi man ɛn i nɔ fɔ gɛt bɔt;

Lɛvitikɔs 6:18

Ɔl di man pikin dɛn na Erɔn in fambul layn kin it pan am, dat na pan di ɔfrin we dɛn mek to PAPA GƆD na faya ɛn na so i fɔ bi na ɔl di jɛnareshɔn dɛn; ɛni ɔda pɔsin we tɔch dɛn go sɔfa fɔ dat

Lɛvitikɔs 9:3

I se Erɔn fɔ tɛl di Izrɛlayt mek dɛn gi wan man got as sin ɔfrin wit wan yɔŋ kaw ɛn wan yɔŋ ship we nɔ gɛt bɔt as bɔn ɔfrin,

Lɛvitikɔs 16:3

I se pas if Erɔn go de wit wan yɔŋ man kaw fɔ sin ɔfrin ɛn wan man ship fɔ bɔn ɔfrin.

Lɛvitikɔs 16:5

Dɛn di ɔda Izrɛlayt dɛn fɔ gi am tu man got fɔ sin ɔfrin ɛn wan man ship fɔ bɔn ɔfrin.

Izikɛl 40:39

Tu tebul bin de na di tu say dɛn na di pɔch na di get we na pan dɛn dɛn fɔ kil di bɔn sakrifays, sin ɔfrin ɛn di ɔfrin we yu fɔ mek lɛ yu nɔ sɔfa.

Izikɛl 44:27

Ɛn di de we i go go na di oli ples, insay di insay kɔt, fɔ minista na di oli ples, i go ɔfa in sin ɔfrin, PAPA GƆD tɔk se.