Lɛvitikɔs 4:19 - Krio Fɔs Oli Baybul

¹⁹ Ɛn i go pul ɔl di fat kɔmɔt pan am ɛn bɔn am na di ɔlta.

Lɛvitikɔs 4:19 Referans Kwoze

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Di Sam Dɛm 22:14

Dɛn mek a so wik mi jɔynt ɛn mi bon dɛn ɔl de at. A dɔn giv ɔp. A nɔ fit fɔ natin igen; A tan lɛk waks we de kɔmɔt pan kyandul we i de bɔn.

Di Nɔmba Dɛm 15:25

Di man we de mek sakrifays fɔ pipul sin fɔ beg padin fɔ di wanol Izrɛlayt kɔmyuniti ɛn a go fɔgiv dɛn, bikɔs nɔto bay wilful dɛn du am ɛn dɛn dɔn bɔn sakrifays to PAPA GƆD ɛn mek sin sakrifays.

Lɛvitikɔs 14:18

dɔn i go rɔb di wan we lɛf nain an na di pɔsin in ed ɛn beg padin fɔ am bifo PAPA GƆD.

Lɛvitikɔs 12:8

If i nɔ mitɔp fɔ bay di yɔŋ ship, dɛn i go kɛr tu yɔŋ bush pijin ɔ tu ɔdinari pijin, wan fɔ di bɔn ɔfrin ɛn di ɔda wan fɔ di sin ɔfrin; ɛn di man we de mek sakrifays fɔ pipul sin go beg padin fɔ am ɛn i go klin na PAPA GƆD yay.

Lɛvitikɔs 6:7

Di man we de mek sakrifays fɔ pipul sin go beg PAPA GƆD padin fɔ am ɛn PAPA GƆD go fɔgiv am fɔ di sin dɛn we i kɔmit.

Lɛvitikɔs 5:6

ɛn i fɔ gi sɔntin to PAPA GƆD fɔ di sin we i kɔmit. Dis tin fɔ bi wan uman yɔŋ ship ɔ got frɔm wetin i de mɛn, we fɔ bi sin ɔfrin; dɔn di man we de mek sakrifays fɔ pipul sin go beg padin fɔ am fɔ di sin we i sin.

Lɛvitikɔs 4:35

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di yɔŋ ship pan di pis ɔfrin ɛn di man we de mek sakrifays fɔ pipul sin go bɔn am na di ɔlta pantap di ɔfrin dɛn we dɛn de mek na faya to PAPA GƆD; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 4:26

Dɔn i go bɔn ɔl in fat na di ɔlta lɛkɛ aw i bɔn di pis ɔfrin in fat; di man we de mek sakrifays fɔ pipul sin go beg padin fɔ dis lida in sin ɛn PAPA GƆD go fɔgiv am.