Lɛvitikɔs 4:15 - Krio Fɔs Oli Baybul

¹⁵ ɛn di big wan dɛn pan di pipul dɛn go le dɛn an dɛn pantap di man kaw in ed bifo PAPA GƆD, dɔn dɛn go kil di man kaw bifo PAPA GƆD de.

Lɛvitikɔs 4:15 Referans Kwoze

Lɛvitikɔs 1:4

i fɔ put in an na di ɔfrin we i de bɔn in ed, ɛn dɛn i go tek am fɔ beg padin fɔ in sin.

Di Nɔmba Dɛm 11:25

Dɛn PAPA GƆD apia insay klawd ɛn tɔk to am, dɔn i tek di sem spirit we Mozis gɛt put am pan di sɛvinti bigman we i pik fɔ bi lida. Wɛn dɛn fil di Spirit, dɛn bigin tɔk PAPA GƆD wɔd bɔt dɛn nɔ du so igen afta da tɛm de.

Di Nɔmba Dɛm 11:16

PAPA GƆD ansa Mozis se, “Briŋ sɛvinti bigman we ɔlman no as bigman dɛn na Izrɛl. Lɛ yu ɛn dɛn ɔl go na di Tɛnt usay wi kin mit.

Di Nɔmba Dɛm 8:10

yu fɔ mek di Livayt dɛn tinap bifo PAPA GƆD ɛn ɔl di ɔda Izrɛlayt fɔ le dɛn an pan dɛn ɛn pre fɔ dɛn.

Lɛvitikɔs 16:21

we i go le in tu an pantap in ed, kɔnfɛs se di Izrɛlayt dɛn nɔ du wetin PAPA GƆD se dɛn fɔ du, di bad tin dɛn we dɛn dɔn du to dɛn kɔmpin, ɛn di tin dɛn we dɛn dɔn du we Papa nɔ lɛk, oba di got in ed. Dat min se na di got go tot ɔl di pipul dɛn sin. Dɛn go gi wan man we go kɛr am go na di dray ples we pipul nɔ go ebul tap.

Lɛvitikɔs 8:22

Mozis gi wan ɔda man ship. Dis wan na fɔ di ɔdineshɔn; ɛn Erɔn ɛn in bɔypikin dɛn le dɛn an dɛn pantap di man ship in ed.

Lɛvitikɔs 8:14

Dɔn igen, i mek dɛn briŋ di man kaw fɔ di sin ɔfrin kam; ɛn Erɔn wit in bɔypikin dɛn le dɛn an dɛn pantap di man kaw.

Lɛvitikɔs 4:4

I fɔ kɛr di man kaw go na di tɛnt domɔt usay dɛn kin mit PAPA GƆD frɔnt usay PAPA GƆD de, ɛn le in an pantap di man kaw in ed ɛn kil di man kaw frɔnt de bifo PAPA GƆD.

Ɛksodɔs 24:9

Mozis, Erɔn, Nadab, Abiu ɛn di sɛvinti edman dɛn na Izrɛl go ɔp di mawnten,

Ɛksodɔs 24:1

PAPA GƆD tɔk to Mozis. I se, “Tek Erɔn, Nadab, ɛn Abiu, wit di sɛvinti edman dɛn na Izrɛl. Kam ɔp di mawnten fɔ wɔship mi bɔt una fɔ de dɔŋ say lilibit.

Lɛvitikɔs 1:3

If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Lɛvitikɔs 4:16

Dɛn di bigman pan di man dɛn we de mek sakrifays fɔ pipul sin go tek sɔm pan di man kaw in blɔd go na di tɛnt usay dɛn kin mit PAPA GƆD,

Lɛvitikɔs 8:18

Dɛn Mozis kɛr di man ship go bifo fɔ bɔn ɔfrin; ɛn Erɔn ɛn in bɔypikin dɛn le dɛn an dɛn pantap di man ship in ed.

Di Nɔmba Dɛm 8:12

Afta di Livayt dɛn dɔn le dɛn an dɛn pan di man kaw dɛn ed, yu fɔ yuz wan pan dɛn as sin sakrifays to PAPA GƆD dɔn dɛn fɔ bɔn di ɔda wan. Dat go mekɔp fɔ ɛni bad we di Livayt dɛn dɔn du.

2 Kronikuls 29:23

Dɛn briŋ di mangot dɛm fɔ di sin ɔfrin kam to kiŋ ɛn di pipul dɛn we gɛda de, ɛn dɛn ɔl put dɛn an dɛm pan dɛm,