Lɛvitikɔs 3:2 - Krio Fɔs Oli Baybul

² I fɔ le in an pantap di animal we i de gi in ed, ɛn i fɔ kil am na di domɔt na di Tɛnt usay dɛn kin mit PAPA GƆD; dɔn Erɔn in bɔypikin dɛn we na di man dɛn we de mek sakrifays fɔ pipul sin, fɔ ib di blɔd rawnd di ɔlta.

Lɛvitikɔs 3:2 Referans Kwoze

Ɛksodɔs 29:10

“We yu dɔn dɔn, briŋ di yɔŋ man kaw kam bifo di Tɛnt in domɔt ɛn mek Erɔn ɛn in bɔypikin dɛn le dɛn an pan di kaw in ed;

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Apɔsul Dɛn Wok 3:15

So, una kil Jizɔs we gɛt pawa fɔ gi tru layf, bɔt Gɔd mek i rayz frɔm di grev. Wi, we nain apɔsul dɛn, si Jizɔs wit wi yon yay afta i rayz frɔm di grev.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Lɛvitikɔs 8:22

Mozis gi wan ɔda man ship. Dis wan na fɔ di ɔdineshɔn; ɛn Erɔn ɛn in bɔypikin dɛn le dɛn an dɛn pantap di man ship in ed.

Lɛvitikɔs 1:11

ɛn na di nɔth sayd pan di ɔlta i go kil am bifo PAPA GƆD ɛn Erɔn in bɔypikin dɛn we na man dɛn we de mek sakrifays fɔ pipul sin, go ib di blɔd rawnd di ɔlta.

Ɛksodɔs 29:11

kil di kaw bifo mi PAPA GƆD in yay na di Tɛnt in domɔt.

Ɛksodɔs 29:16

dɔn kil am ɛn skata in blɔd na di ɔlta in fo kɔna dɛn ɛn ɔlɔbɔt.

Lɛvitikɔs 3:3

Frɔm di ɔfrin we i de mek fɔ gɛt wanwɔd wit PAPA GƆD na faya to PAPA GƆD, di fat we de pan di gɔt wit ɔl di fat,

Lɛvitikɔs 3:8

i fɔ le in an pantap di animal in ed ɛn kil am bifo di Tɛnt usay dɛn de mit PAPA GƆD; Erɔn in bɔypikin dɛn go ib di blɔd rawnd di ɔlta.

Di Nɔmba Dɛm 18:17

Una nɔ fɔ bay di fɔs kaw pikin, di fɔs ship pikin ɔ di fɔs got pikin dɛn bak, bikɔs dɛn oli. Una fɔ sprinkul dɛn blɔd na di ɔlta ɛn bɔn dɛn fat na faya so dat i go pul sɛnt we go mek PAPA GƆD gladi.

Ɛksodɔs 29:15

“Tek wan pan di man ship dɛn ɛn tɛl Erɔn ɛn in bɔypikin dɛn fɔ put dɛn an nain ed,

Ɛksodɔs 29:19

“Tek di ɔda man ship ɛn mek Erɔn ɛn in bɔypikin dɛn le dɛn an pantap in ed.

Lɛvitikɔs 17:3

Nɔn Izrɛlayt nɔ fɔ kil man kaw ɔ yɔŋ ship ɔ got ɛnisay na di kamp wɛda nainsay ɔ na do,

Lɛvitikɔs 17:4

pas i kɛr am go na di tɛnt usay dɛn kin mit PAPA GƆD in domɔt, ɛn gi PAPA GƆD de ɔ nɔ so dɛn go se di pɔsin dɔn kil ɛn i nɔ go miks wit di ɔda Izrɛlayt dɛn igen