Lɛvitikɔs 27:8 - Krio Fɔs Oli Baybul

⁸ If man tu po fɔ pe wetin na di valyu, fɔ kɛr di pɔsin we dɛn bin prɔmis to di man we de mek sakrifays fɔ pipul sin ɛn in naw go gi am valyu we smɔl pas di fɔs wan bay aw di man we de mek sakrifays fɔ pipul sin si se i go ebul pe.

Lɛvitikɔs 27:8 Referans Kwoze

Mak 14:7

Dɛn pipul we nɔ gɛt natin de wit una ɔltɛm, ɛn una kin du gud fɔ dɛn ɛnitɛm we una want. Bɔt mi nɔ go de wit una ɔltɛm.

2 Kɔrint 8:12

If una gɛt tin we una want gi bad bad, Gɔd go gri fɔ wetin una gi bay wetin una gɛt, nɔto bay wetin una nɔ gɛt.

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Lɛvitikɔs 12:8

If i nɔ mitɔp fɔ bay di yɔŋ ship, dɛn i go kɛr tu yɔŋ bush pijin ɔ tu ɔdinari pijin, wan fɔ di bɔn ɔfrin ɛn di ɔda wan fɔ di sin ɔfrin; ɛn di man we de mek sakrifays fɔ pipul sin go beg padin fɔ am ɛn i go klin na PAPA GƆD yay.

Lɛvitikɔs 5:11

Bɔt if i nɔ mitɔp sɛf fɔ gi di tu bush pijin ɔ tu yɔŋ ɔdinari pijin, dɛn i go gi et kɔp fayn flawa as sin ɔfrin fɔ di sin we i kɔmit; i nɔ fɔ put ɔyl ɔ frankinsɛns pan am bikɔs na sin ɔfrin.

Lɛvitikɔs 5:7

Bɔt if i nɔ mitɔp fɔ gi yɔŋ ship, dɛn i fɔ gi tu bush pijin ɔ tu yɔŋ ɔdinari pijin as in yon ɔfrin we i de gi to PAPA GƆD, wan as sin ɔfrin ɛn di ɔda wan as bɔn ɔfrin.

Lɛvitikɔs 27:7

If di pɔsin dɔn pas siksti ia, fɔ man i fɔ bi fiftin silva kɔpɔ bɔt fɔ uman na tɛn silva kɔpɔ.

Lɛvitikɔs 27:9

If na animal we pɔsin kin tek mek sakrifays i fɔ gi PAPA GƆD, ɛni dɛn kayn de oli.

2 Kiŋ 7:5

So ivintɛm dɛn go na di Sirian dɛn kamp. Wɛn dɛn rich na di kamp domɔt, dɛn nɔ si nɔbɔdi,