Lɛvitikɔs 26:6 - Krio Fɔs Oli Baybul

⁶ Mozis se dɛn go gɛt kolat ɛn dɛn go go lidɔm slip ɛn nɔ gɛt natin fɔ wɔri bɔt; ɛn PAPA GƆD go mek dɛn bad bad animal dɛn nɔ de na di land ɛn dɛn nɔ go fred. I se wa nɔ go de de igen

Lɛvitikɔs 26:6 Referans Kwoze

Ayzaya 35:9

Nɔn Layɔn nɔ go de de ɛn nɔn animal we kin aŋri bad bad wan, nɔ go go ɔp de; yu nɔ go si dɛn de, na di wan dɛn we PAPA GƆD dɔn ridim nɔmɔ go waka de.

Zɛfinaya 3:13

Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.

Di Sam Dɛm 147:14

I de mek pis de na di kɔntri ɛn ɔlman de gɛt wetin fɔ it.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Egay 2:9

I se aw PAPA GƆD in os go fayn go pas aw i bin fayn fɔs. PAPA GƆD Ɔlmayti se, i go mek shɔ se di pipul dɛn prɔspa, dɛn go ɛnjɔy gud gud tin dɛn ɛn liv wil kolat.

Ozie 2:18

I se da tɛm de in ɛn ɔl dɛn wayl animal na bush, dɛn bɔd we de flay ɛn dɛn tin sɛf we kin de krip na grɔn go tay bagin ɛn in go mek natin nɔ tɔch am wɛda na bo ɛn aro, ɔ sɔd ɛn if wa fɔdɔm na di kɔntri, so we go lidɔm, natin nɔ go mek i fred.

Izikɛl 34:25

A go mek wan pis Kɔvinant wit dɛm ɛn a go drɛb wayl bist dɛm kɔmɔt na di kɔntri so dat dɛn go tap sef wan, na di wayd wayd ples we ɛmti ɛn natin nɔ de, ɛn slip sɛf wan na di fɔrɛs dɛm.

Di Sam Dɛm 29:11

PAPA GƆD de gi trɛnk to in pipul; lɛ PAPA GƆD blɛs in pipul ɛn gi dɛn ɔl wetin dɛn want fɔ ɛnjɔy layf.

Izikɛl 14:15

If a mek dɛn wayl animal dɛn waka pas insay di land, ɛn dɛn pwɛl pwɛl am, we nɔbɔdi nɔ tap de, so dat nɔbɔdi nɔ go ebul pas de fɔseka di animal dɛn;

Job 11:19

Yu go de wit kolat ɛn natin nɔ go mek yu fred; bɔku pipul go want mek yu ɛp dɛn.

Ɛksodɔs 23:29

A nɔ go jɛs tek wan ia nɔmɔ fɔ drɛb dɛn bikɔs if a du so, di land go jɛs lɛf ɛmti wan, ɛn na soso wayl animal dɛn go de de.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Zɛkaraya 9:10

I se, i go tek di ɔs ɛn karej we Izrɛl bin de yuz ɛn ivin di ɔs dɛn we di pipul na Jerusɛlɛm bin de tek go wa. Di bo we dɛn kin de yuz we dɛn go wa, ɔl go pwɛl dɔn pis go de ɔlsay na wɔl. I go rul frɔm wan siti to di ɔda wan ɛn frɔm Riva Yufretis te rich usay di wɔl dɔn.

Mayka 4:4

Ɔlman go sidɔm nain fam ɔ in gadin, ɛn natin nɔ go mek dɛn de fred; na PAPA GƆD, PAPA GƆD Ɔlmayti insɛf dɔn tɔk.

Izikɛl 14:17

“Ɔ if a briŋ fɛt kan na di land, ɛn se lɛ di fɛt de ɔlsay na di land; ɛn mek nɔn mɔtalman ɔ animal nɔ tap de;

Izikɛl 5:17

A go sɛn bad bad aŋri pan una ɛn dɛn wayl animal dɛn pan una, ɛn dɛn go tek una pikin dɛm; una go gɛt bad bad sik dɛm, ɛn blɔd go de kɔmɔt pan una; ɛn a go mek wa de mit una. Na mi PAPA GƆD dɔn tɔk am.”

Di Sam Dɛm 85:8

A go lisin to wetin PAPA GƆD, wi PAPA GƆD gɛt fɔ se; i prɔmis fɔ gi wɛlbɔdi ɛn kolat to in pipul wans nɔmɔ dɛn nɔ go bak to dɛn fulishnɛs.

Di Sam Dɛm 4:8

We a lidɔm, a go slip fayn bikɔs na yu nɔmɔ PAPA GƆD de mek a fil sef.

1 Kronikuls 22:9

Wande, dɛn go bɔn bɔypikin fɔ yu; I go bi man we lɛk pis. A go gi am alafia to ɔl in ɛnimi we de rawnd am; i go nem Sɔlɔmɔn, ɛn ɔl di tɛm we i bi kiŋ, a go Izrɛl alafia.

2 Kiŋ 2:24

Ilaɛlsha tɔn wach dɛn ɛn yuz PAPA GƆD in nem swɛ dɛn. Na de tu wayl animal kɔmɔt na bush kil fɔti-tu pan dɛn.

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Apɔsul Dɛn Wok 12:6

Di nɛt bifo di mɔnin we Ɛrɔd bin mekɔp fɔ mek dɛn jɔj Pita, Pita bin de slip midul tu soja man dɛn. Dɛn bin tay am wit tu chen ɛn ɔda soja man dɛn bin tinap na di get de gyad di ples.

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Jɛrimaya 31:26

Na dat mek we a wek ɛn luk, a bin ɛnjɔy mi slip.

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Di Sam Dɛm 3:5

A lidɔm slip; a wek bak bikɔs PAPA GƆD mek a gɛt layf.

Prɔvabs 6:22

Wetin dɛn dɔn tɛl yu go de gayd yu we yu de waka na layf ɛn ivin wɛn yu de slip sɛf na nɛt, ɛn i go bi gud advays fɔ yu de tɛm.

Prɔvabs 3:24

Yu nɔ go fred sɛf we yu go lidɔm; ɛn na so yu go de drɔ slip.

Job 5:23

Ston ston nɔ go ambɔg yu plant, ɛn wayl animal sɛf nɔ go ambɔg yu.

Lɛvitikɔs 26:22

I go mek dɛn bad bad animal kil dɛn pikin dɛn, dɛn animal dɛn we dɛn de mɛn na os ɛn dɛn nɔ go bɛtɛ igen we go mek dɛn trit dɛn dray bikɔs pipul nɔ go de fɔ de waka ɔp ɛn dɔŋ.

Lɛvitikɔs 26:7

Dɛn go ebul dɛn ɛnimi dɛn ɛn win dɛn na wa.

Lɛvitikɔs 26:25

I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.

Lɛvitikɔs 25:18

I se, dɛn fɔ du ɔl wetin i tɛl dɛn fɔ du as na dat go mek natin nɔ ambɔg dɛn.

Lɛvitikɔs 25:19

Di land go gi dɛn plɛnti tin fɔ it ɛn dɛn go satisfay wit wetin dɛn ebul pul de; ɛn dat go mek natin nɔ ambɔg dɛn.

2 Kronikuls 20:30

Jeɛoshafat in kindɔm bin gɛt, bikɔs PAPA GƆD bin gi am kolat ɔlɔbɔt.

Di Sam Dɛm 144:14

ɛn wi kaw dɛn it gud fɔ gɛt trɛnk fɔ du ɔlkayn wok. Lɛ natin nɔ mek pipul wɔri, we dɛn go kech dɛn kɛr dɛn na ɔda man kɔntri, ɔ dɛn de kray na trit.

Ayzaya 35:8

Ɛn men rod go de de, ɛn dɛn go kɔl am di Oli Rod; pɔsin we nɔ klin na PAPA GƆD in yay nɔ go pas de ɛn fulman nɔ go mistek go insay de.

Izikɛl 34:27

Ɛn di tik dɛn na di fil go bia frut dɛm ɛn bɔku tin dɛn go gro na grɔn, ɛn dɛn go sef na dɛn kɔntri; ɛn dɛn go no se na mi na di PAPA GƆD, wɛn a go brok di ayɛn ba dɛm pan wetin chok dɛn, ɛn sev dɛn frɔm dɛn wan dɛn an, we mek dɛn slev;

Ozie 2:20

A go waka tret wit yu insay di mared am, dɔn yu go biliv se in na PAPA GƆD.