Lɛvitikɔs 26:44 - Krio Fɔs Oli Baybul

⁴⁴ Bɔt pan ɔl dat, we dɛn de na dɛn land, PAPA GƆD, in, go bisin bɔt dɛn, ɛn in nɔ go dɔnawe wit dɛn we go mek i brok di Kɔvinant bikɔs nain na PAPA GƆD we na dɛn GƆD;

Lɛvitikɔs 26:44 Referans Kwoze

Lɛta Fɔ Rom 11:2

Nɔ, Gɔd nɔ se in nɔ want in yon pipul dɛn we i bin dɔn pik lɔntɛm. Una no wetin rayt na Gɔd in Buk, da say we Ilayja tɔk traŋa wan bɔt di Ju pipul dɛn, we i tɔk to Gɔd se:

Nɛimaya 9:31

Bɔt yu nɔ kɔmɔt biɛn dɛn ɔ lɛf dɛn to dɛnsɛf, bikɔs yu na gud PAPA GƆD ɛn yu de sho masi ɔltɛm.

Di Sam Dɛm 94:14

bikɔs PAPA GƆD nɔ de kɔmɔt biɛn in pipul; i nɔ go ɛva dison in yon, yon pipul.

2 Kiŋ 13:23

Bɔt PAPA GƆD bin de sɔri fɔ Izrɛl ɛn bin de ɛp dɛn bikɔs ɔf di Kɔvinant we i bin dɔn sayn wit Ebraam, Ayzak ɛn Jekɔb. Ɔp to da tɛm de, i nɔ bin mekɔp fɔ dɔnawe wit di Izrɛlayt dɛn.

Lɛta Fɔ Rom 11:26

Na di we dis we Gɔd go sev ɔl dɛn Izrɛl pipul. Lɛkɛ aw dɛn rayt na Gɔd in Buk we dɛn se, “Di pɔsin we de sev pipul go kɔmɔt na Zayɔn, ɛn i go pul bad kɔmɔt na Jekɔb in granpikin-pikin dɛn at.”

Izikɛl 16:60

pan ɔl dat a go stil mɛmba mi Kɔvinant wit una dat na di tɛm we una bin yɔŋ, ɛn a go mek Kɔvinant wit una we go de so te go.

Jɛrimaya 33:26

datɛnde, a bin fɔ pul an pan Jekob ɛn Devid we na mi wokman dɛn disɛndant dɛm, ɛn a nɔ go pik wan pan in disɛndant dɛn fɔ rul Ebram, Ayzak ɛn Jekob dɛn sid. Bikɔs a go gi dɛm dɛn jɛntri bak, ɛn a go sho dɛn masi.”

Jɛrimaya 30:11

PAPA GƆD se, bikɔs a de wit yu fɔ sev yu; A go nyakanyaka ɔl di neshɔn dɛm we a skata una, bɔt as fɔ una, a nɔ go nyakanyaka una. A go disiplin una bay aw una de biev, ɛn natin nɔ go mek a nɔ pɔnish una.

Jɛrimaya 14:21

Nɔ luk usay yu nem de bad yay, nɔ disɔna yu tron we ɔlman de prez; duya, mɛmba o ɛn nɔ brok di Kɔvinant we yu mek wit wi.

Di Sam Dɛm 89:33

bɔt dat nɔ go mek a lɛf fɔ lɛk dɛn, ɛn dat nɔ go mek a nɔ kip to mi wɔd.”

Lɛvitikɔs 26:11

PAPA GƆD se in go tap wit di Izrɛlayt dɛn ɛn nainsɛf go de wit dɛn ɔltɛm.

Di Jɔj Dɛm 2:1

PAPA GƆD in enjɛl bin kɔmɔt Gilgal go Bochim go tɛl di Izrɛlayt dɛn se, nain pul dɛn kɔmɔt Ijipt go put dɛn na di land we in bin dɔn prɔmis dɛn fɔstɛm-papa dɛn se, in go gi dɛn, ɛn in nɔ go ɛva pwɛl di wanwɔd we dɛn gɛt.

Jɛnɛsis 17:7

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Di Sam Dɛm 103:13

Lɛkɛ aw papa kin sɔri fɔ in pikin, na so PAPA GƆD de sɔri fɔ pɔsin we gɛt fred ɛn rɛspɛkt fɔ am;

Jɛrimaya 24:5

“Na dis PAPA GƆD we na Izrɛl dɛn Gɔd se: A go si di wan dɛn we kɔmɔt Juda go ɛgzayl, we a pul kɔmɔt ya sɛn go na di Babilonian dɛn land, lɛkɛ dɛn gud fignɔt dɛm ya.

Jɛrimaya 31:20

Na Ifrem na mi bɔypikin we we a lɛk? Naim na mi pikin we a lɛk bad bad wan? Bikɔs, ɔltɛm we a de tɔk bad bɔt am, A stil de mɛmba am. Fɔseka dat, mi at stil de fil fɔ am; A go sɔri fɔ am fɔ tru tru. Na so PAPA GƆD se.