Lɛvitikɔs 26:41 - Krio Fɔs Oli Baybul

⁴¹ we bin mek PAPA GƆD insɛf mek traŋayes ɛn nɔ lisin to dɛn bifo dat i mek dɛn go ɛgzayl na dɛn ɛnimi dɛn land; if dɛn we lɛf nɔ mek traŋayes bɔt lisin to PAPA GƆD ɛn aksɛpt di pɔnishmɛnt fɔ dɛn sin;

Lɛvitikɔs 26:41 Referans Kwoze

Izikɛl 44:7

dat na we una de mek fɔrena, dɛn wan dɛn we dɛn at ɛn flɛsh nɔ sakɔmsayz, fɔ kam na di ples we una de pre to mi, ɛn mek am dɔti na mi yay, we una de ɔfa mi it, di fat ɛn di blɔd. Una dɔn brok mi Kɔvinant ɛn dis ad to ɔl di tin dɛn we una de du we a et bad bad wan.

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

2 Kronikuls 32:26

Bɔt Ɛzikaya ɔmbul insɛf fɔ di prawd we i prawd in ɛn di pipul dɛm we tap na Jerusɛlɛm dat mek PAPA GƆD in wamat nɔ lus pan dɛm Ɛzikaya in tɛm.

1 Kiŋ 21:29

“Yu nɔ si aw Eab dɔn ɔmbul insɛf to mi? Wɛl, bikɔs i dɔn ɔmbul insɛf so, ɔl wetin a dɔn tɔk se a go du, a nɔ go du am we i de alayv; nain pikin dɛn naw a go mek sɔfa ɛn na wɛn in bɔypikin de rul a go du dat.”

Lɛta Fɔ Kɔlɔse 2:11

We una gɛt wanwɔd wit Krays, una dɔn sakɔmsayz, ɛn di sakɔmsayz we una dɔn sakɔmsayz nɔto di sakɔmsayz we mɔtalman de sakɔmsayz, bɔt na di sakɔmsayz we Krays de sakɔmsayz, dat na we i de mek sin nɔ gɛt pawa oba una.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Izikɛl 20:43

Ɛn na de una go mɛmba una bievyɔ dɛm, ɛn ɔl di tin dɛn we una bin de du, we una bin tek fɔ dɔti unasɛf; ɛn una go et unasɛf fɔ ɔl di bad bad tin dɛn we una dɔn du.

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lyuk 18:14

A de tɛl una se, bifo dis man we de gɛda taks go bak nain os, Gɔd padin am; bɔt Gɔd nɔ padin di Faresi. Ɛnibɔdi we put insɛf ɔp, Gɔd go put am dɔŋ, bɔt pɔsin we put insɛf dɔŋ, Gɔd go es am ɔp.”

Lyuk 14:11

Da pɔsin we put insɛf ɔp, Gɔd go put am dɔŋ; ɛn da pɔsin we put insɛf dɔŋ, Gɔd go es am ɔp.”

Matyu 23:12

Ɛnibɔdi we put insɛf ɔp, Gɔd go put am dɔŋ, bɔt ɛnibɔdi we put insɛf dɔŋ, Gɔd go es am ɔp.

Izikɛl 44:9

Fɔseka dat na dis PAPA GƆD se: nɔn fɔrena, we in at ɛn flɛsh nɔ sakɔmsayz pan ɔl di fɔrena dɛn we de na Izrɛl nɔ fɔ go usay dɛn de pre to mi.

Izikɛl 6:9

dɛn una we rɔnawe go mɛmba mi, insay di difrɛn neshɔn dɛn we dɛn kech dɛn ɛn kɛr dɛn go as slev, wɛn a go dɔn pwɛl dɛn rare at we dɔn kɔmɔt pan mi, nɔ want mi igen, ɛn a dɔn blɛn dɛn yay we dɛn bin dɔn put bigyay wan pan dɛn laylay gɔd dɛn; dɔn dɛnsɛf go et dɛnsɛf fɔ ɔl di ivul tin dɛn we dɛn dɔn du, ɛn ɔl di bad bad tin dɛn we dɛn bin de du we a nɔ lɛk.

Di Sam Dɛm 39:9

A sɛt mi mɔt; A nɔ ebul kwɛshɔn yu as na mi fɛn am fɔ misɛf.

Nɛimaya 9:33

Ɔl wetin dɔn apin to wi bin rayt bikɔs yu bin dɔn fethful to wi wayls wi de du rɔŋ ɛn yu na pɔsin we de gi wi wetindu fɔ wi.

Ɛzra 9:15

E PAPA GƆD, Izrɛl dɛn GƆD, yu raychɔs! Wi ɔl de bifo yu naw gilti gilti wan, ɛn if nɔto fɔ yu masi, nɔn pan wi nɔ fit fɔ tinap bifo yu.”

Ɛzra 9:13

Naw wi de sɔfa bikɔs ɔf wi wikɛdnɛs ɛn wi dɔn sin. Di pɔnishmɛnt we wi de gɛt smɔl pas di bad we wi dɔn du, bɔt pan ɔl dat PAPA GƆD, yu mek we fɔ sɔm pan wi fɔ tɔn bak.

2 Kronikuls 33:23

Ɛn i nɔ ɔmbul insɛf bifo PAPA GƆD lɛk aw Manasɛ in dadi bin ɔmbul insɛf, bɔt dis Amɔn bin jɔs de pak mɔ ɛn mɔ tin dɛn pan insɛf we mek am gilti.

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

2 Kronikuls 12:12

We Kiŋ Rɛoboam put insɛf dɔŋ, PAPA GƆD lɛf fɔ vɛks pan am so dat in nɔ go nyakanyaka am kpatakpata, pantap tin bin fayn na Juda.

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Lɛvitikɔs 26:24

dɛn nainsɛf go pɔnish dɛn at at wan fɔ dɛn sin dɛn.

Lɛvitikɔs 26:28

dɛn insɛf go mek traŋayes ɛn nɔ lisin to dɛn bikɔs i vɛks bad ɛn nainsɛf go pɔnish dɛn fɔ dɛn sin dɛn.

Di Nɔmba Dɛm 5:7

fɔ kɔnfɛs di sin. I fɔ pe fɔseka dat ɛn put twɛnti pasɛnt mɔ pantap ɛn gi ɔl to di pɔsin we i du bad.

Ditarɔnɔmi 10:16

I se, dɛn fɔ mek ɔp dɛn maynd ɛn chenj ɛn lɛf fɔ traŋayes,

Ditarɔnɔmi 31:21

We di trɔbul dɛn go dɔn mit dɛn plɛnti plɛnti wan, na dis siŋ dɛn go de siŋ we go de kɔrej dɛn, bikɔs, we dɛn go mɛmba wetin di siŋ min, dɛn go no se nain PAPA GƆD de pɔnish dɛn, ɛn dɛn jɛnareshɔn dɛn nɔ go fɔgɛt da siŋ de. I se, in dɔn no dɛn plan bifo in de kɛr dɛn go na di land we in bin dɔn swɛ se, in go gi dɛn.

Izikɛl 14:23

We yu si aw dɛn tan ɛn wetin dɛn de du, yu at kol; datɛnde una go no se a nɔ du wetin a du na Jerusɛlɛm fɔ natin na so Papa Gɔd we na Gɔd se so.