Lɛvitikɔs 26:4 - Krio Fɔs Oli Baybul

⁴ dɛn PAPA GƆD go mek ren kam di tɛm we i fɔ kam so dat di tin dɛn we dɛn plant go gro.

Lɛvitikɔs 26:4 Referans Kwoze

Zɛkaraya 8:12

Bikɔs pipul dɛn go de plant ɛn avɛst ɛn dɛn nɔ go gɛt nɔn yagba, kolat go de ɔlsay ɛn ren sɛf go de kam bɔku wan. I se in go mek di balans we lɛf pan di pipul dɛn gɛt ɔl dɛn tin de fɔ ɛnjɔy.

Di Sam Dɛm 67:6

Dɛn di fam dɛn go gɛt bɔku tin fɔ avɛst ɛn PAPA GƆD we na di PAPA GƆD we wi de wɔship go blɛs wi.

Izikɛl 36:30

A go mek di tik dɛn bia bɔku bɔku frut, ɛn di fil dɛnsɛf go bia plɛnti plɛnti so dat una nɔ go bia di aŋri bɛlɛ disgres we una bin bia na di neshɔn dɛm igen igen.

Ayzaya 30:23

Ɛn PAPA GƆD go sɛn ren fɔ di sid we una plant, ɛn rɛs we go gro na di grɔn, go bɔku ɛn i go fayn. Da de de, una kaw dɛn go it na big ples we plɛnti gras de;

Job 5:10

nain de mek ren fɔdɔm na wɔl ɛn de wata dɛn bush;

Ditarɔnɔmi 28:12

PAPA GƆD go opin in sto we i de kip di ren ɔp di klawd, ɛn mek dɛn gɛt ren di rayt tɛm, so dɛn plant dɛn go gro fayn fayn wan. Ren ɛn san de na PAPA GƆD in an. I go so blɛs dɛn, dat na ɔda neshɔn dɛn go de go lɛnt to dɛn.

Ditarɔnɔmi 11:14

PAPA GƆD go mek ren de kam tu tɛm fɔ ia na di land, so dat dɛn go ebul gɛt plɛnti ɔyl, kɔn, rɛs en tin dɛn fɔ drink.

Lɛvitikɔs 25:21

PAPA GƆD se, in go mek di it we dɛn go gɛda di ia we mek siks so bɔku dat dɛn go ebul fɔ kip am fɔ tri mɔ ia.

Apɔsul Dɛn Wok 14:17

Bɔt stil i bin de sho ɔlman udat i bi bay di gud we i kin du fɔ dɛn ɔl. Gɔd kin gi una ren. Di ren kin fɔdɔm frɔm di klawd, ɛn mek wetin una plant bia wɛn di tɛm rich, so dat una go gladi.”

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Di Sam Dɛm 85:12

PAPA GƆD go mɔs gi wi wetin gud ɛn wi go avɛst bɔku.

Di Sam Dɛm 68:9

PAPA GƆD, yu mek ren fɔdɔm bɔku bɔku wan we mek wi gɛt bɔku it.

Rɛvɛleshɔn 11:6

Dɛn gɛt pawa fɔ ol di ren mek i nɔ fɔdɔm di tɛm we dɛn de tɛl pipul di mɛsej we Gɔd sɛn. Ɛn igen, dɛn gɛt pawa fɔ mek wata we bɔs na grɔn tɔn blɔd; dɛn gɛt pawa fɔ sɛn ɛni kayn bad bad tin kam na di wɔl, ɛnitɛm we dɛn lɛk.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Jɛrimaya 14:22

Ɛni pan dɛn neshɔn dɛn lay lay gɔd dɛn we de mek ren kam, de wit una? Ɔ di klawd insɛf ebul mek ren kam? Nɔto yu na di wan we de mek ɔl dat bi, PAPA GƆD we na wi Gɔd? Na yu wi abop pan, bikɔs na yu de du ɔl dɛn tin ya.

Ayzaya 5:6

A go mek i yuslɛs; dɛn nɔ go de trim am ɔ de put dɔti nain rut, so dat wayl bush ɛn chuk chuk go gro de; Dɔn a go kɔmand di klawd dɛm mek nɔn ren nɔ fɔdɔm pan an.

Di Sam Dɛm 104:13

I de sɛn ren kam frɔm usay i de na ɛvin; dɔn we i wata di grɔn, di ath de satisfay bikɔs na dat de mek i gɛt gud tin fɔ it.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Lɛvitikɔs 25:19

Di land go gi dɛn plɛnti tin fɔ it ɛn dɛn go satisfay wit wetin dɛn ebul pul de; ɛn dat go mek natin nɔ ambɔg dɛn.

Ditarɔnɔmi 11:13

Mozis tɛl dɛn se if dɛn lɛk PAPA GƆD we na dɛn GƆD ɛn wok fɔ am wit ɔl dɛn at ɛn dɛn sol, ɛn du ɔl wetin i se,

Di Sam Dɛm 67:7

PAPA GƆD go blɛs wi ɛn ɔlman na wɔl go fred ɛn rɛspɛkt am.

Di Sam Dɛm 85:13

We pɔsin lɛk fɔ du wetin de pliz PAPA GƆD, i de mek we fɔ in blɛsin.

Joɛl 2:22

I se dɛn wayl animal na bush nɔ fɔ fred, bikɔs di ples we dɛn kin it na di land we pɔsin nɔ go ebul tap, grin; di tik de bia frut, di fig tik ɛn di vayn tik de pul wetin dɛn fɔ pul.