Lɛvitikɔs 26:39 - Krio Fɔs Oli Baybul

³⁹ Di wan dɛn we lɛf go jɛs wes na di ɛnimi dɛn land bikɔs ɔf dɛn sin dɛn ɛn bikɔs dɛn fɔstɛm-papa dɛnsɛf bin dɔn sin.

Lɛvitikɔs 26:39 Referans Kwoze

Izikɛl 4:17

A go du ɔl dis so dat dɛn nɔ go gɛt bred ɛn wata, ɛn dɛn go de luk dɛn kɔmpin wit pwɛl at ɛn dɛn go de day smɔl smɔl pan dɛn pɔnishmɛnt.

Izikɛl 33:10

“Ɛn yu mɔtalman in bɔypikin, tɔk to di Izrɛl pipul se, na dis una bin se: wi bad tin dɛn we wi de du, ɛn wi wikɛdnɛs dɛn, de pan wi, ɛn wi de day slo wan fɔseka dɛm; so aw wi go ebul fɔ liv?’

Izikɛl 24:23

Una tɔban dɛn go de na una ed ɛn una sus dɛn go de na una fut; una nɔ go munin ɔ kray, bɔt una go munin fɔ una sin ɛn pini na una chɛst to una kɔmpin.

Izikɛl 6:9

dɛn una we rɔnawe go mɛmba mi, insay di difrɛn neshɔn dɛn we dɛn kech dɛn ɛn kɛr dɛn go as slev, wɛn a go dɔn pwɛl dɛn rare at we dɔn kɔmɔt pan mi, nɔ want mi igen, ɛn a dɔn blɛn dɛn yay we dɛn bin dɔn put bigyay wan pan dɛn laylay gɔd dɛn; dɔn dɛnsɛf go et dɛnsɛf fɔ ɔl di ivul tin dɛn we dɛn dɔn du, ɛn ɔl di bad bad tin dɛn we dɛn bin de du we a nɔ lɛk.

Ditarɔnɔmi 28:65

Dɛn nɔ go gɛt kol at na fɔren land, ɛn dɛn nɔ go gɛt ples we dɛn go se na dɛn yon. PAPA GƆD go mek dɛn nɔ gɛt wan kolat. Dɛn nɔ go gɛt tɛm fɔ blo, dɛn bɔdi dɛn nɔ go fayn, ɛn na kɔtat ɛn pwɛlat nɔmɔ dɛn go de pan;

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Zɛkaraya 10:9

I se, pan ɔl we i dɔn mek dɛn de ɔlɔbɔt na di neshɔn dɛn, dɛn go stil de mɛmba am na di fawe kɔntri we dɛn de. Dɔn dɛn ɛn dɛn pikin dɛn nɔ go day dɛn go tɔn bak wit di pikin dɛn.

Ozie 5:15

A go kam bak na ya sote dɛn ebul fɔ gri se dɛn dɔn sin ɛn lɛf fɔ du bad ɛn kam bak to mi wɛn tin dɔn mɔna dɛn na da tɛm de dɛn go want fɔ kam bak.

Izikɛl 36:31

Dɛn una go mɛmba una ivul bievyɔ ɛn di tin dɛn we una bin de du we nɔ gud, ɛn una go et unasɛf fɔ una bad bad wikɛdnɛs ɛn di wikɛd tin dɛn we una bin de du we de briŋ etrɛd ɛn bad bad fred fred.

Izikɛl 20:43

Ɛn na de una go mɛmba una bievyɔ dɛm, ɛn ɔl di tin dɛn we una bin de du, we una bin tek fɔ dɔti unasɛf; ɛn una go et unasɛf fɔ ɔl di bad bad tin dɛn we una dɔn du.

Izikɛl 18:19

“Bɔt una de aks se, ‘wetin fɔ mek di bɔypikin nɔ sɔfa fɔ in papa in sin dɛm?’ Wɛn di bɔypikin dɔn du wetin tret ɛn rayt na di lɔ, ɛn i bin kiaful fɔ du ɔl wetin mi lɔ dɛn se, fɔ tru tru i go liv.

Lamɛnteshɔn 4:9

Di wan dɛn we dɛn bin kil na di wa bɛtɛ pas di wan dɛn we aŋri kil, we aŋri mɔna te dɛn day bikɔs dɛn nɔ gɛt it fɔ it.

Jɛrimaya 31:29

Dɛn tɛm dɛn de, dɛn nɔ go de se: ‘Di dadi dɛm dɔn it sawa greps, ɛn di pikin dɛn tit de kramp.’

Jɛrimaya 29:12

Datɛnde, una go kɔl mi ɛn pre to mi, ɛn a go yɛri una.

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Nɛimaya 1:9

bɔt if wi kam bak to yu ɛn rɛdi fɔ de du wetin yu want, ivin we wi go de ɔlɔbɔt, yu go gɛda wi ɔl ɛn briŋ wi bak na wan ples. Da ples de go bi di say we yu bin dɔn pik fɔ wi fɔ de ɛn yusɛf go de de wit wi.

Ditarɔnɔmi 30:1

Mozis tɛl di Izrɛlayt dɛn se in de gi dɛn chans fɔ pik di gud tin dɛn we PAPA GƆD go du fɔ dɛn, ɔ di pɔnish we PAPA GƆD go pɔnish dɛn if dɛn nɔ biliv am. I tɛl dɛn se, we ɔl dɛn tin dɛn de we i bin dɔn tɛl dɛn bɔt go apin to dɛn na di fawe kɔntri dɛn we PAPA GƆD we na dɛn PAPA GƆD go skata dɛn, dɛn go mɛmba se in bin tɛl dɛn fɔ mek dɛn mekɔp dɛn maynd.

Ditarɔnɔmi 5:9

fɔ de wɔship, ɔ ivin butu, bikɔs in PAPA GƆD we na dɛn GƆD de jɛlɔs bad bad wan. I nɔ want nɔn rayval. We i dɔn jɛlɔs, i kin pɔnish di grampikin fɔ di grampa in sin. I kin ivin pɔnish gret grampikin ɔl, we i kam to di wan dɛn we et am,

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Ayzaya 14:21

Rɛdi fɔ kil in bɔypikin dɛn bikɔs ɔf di gilti we dɛn papa dɛn gilti lɛ dɛn nɔ go grap tek di wanol wɔl ɛn fulɔp ɔlsay na di wɔl wit siti dɛn.”

Ayzaya 24:16

Wi de yɛri prez siŋ dɛn de kɔmɔt usay di wɔl tap, siŋ dɛn we de glorifay PAPA GƆD. Bɔt a se “a sik ɛn de lɔs wet, a sik ɛn de lɔs wet. Swɛ dɔn kech mi! Bikɔs rikishi pipul dɛn de du rikishi tin dɛm, rikishi pipul dɛn, de du dɛn bad bad rikishi tin dɛm.

Lamɛnteshɔn 1:3

Juda dɔn go ɛgzayl bikɔs dɛn trit am bad ɛn gi am traŋa traŋa wok; naw i tap wit fɔrin pipul dɛn, bɔt nɔ gɛt blo blo; ɛnimi dɛn de ɔlsay ɔl we i de sɔfa so.

Ditarɔnɔmi 8:20

Lɛkɛ aw dɛn bin si PAPA GƆD kil dɛn ɔda neshɔn dɛn fɔseka dɛn, na so i go mek dɛnsɛf day biks dɛn nɔ obe PAPA GƆD we na dɛn PAPA GƆD, in lɔ dɛn.

2 Kronikuls 34:24

Luk a go briŋ bad bad tin pan dis ples ɛn pan di wan dɛn we tap de ɔl di swɛ dɛm we rayt na di buk we dɛn rid bifo Juda in kiŋ.

Ɛzra 9:7

Frɔm di tɛm we wi grampa dɛn de na wɔl te tide, wi we se wi na yu pipul dɛn jɛs de du bad nɔmɔ. Ɛn bikɔs ɔf wi sin, wi o, wi kiŋ dɛn o, ɛn wi man dɛn we de mek sakrifays fɔ pipul sin dɛn fɔdɔm na dɛn pegan kiŋ dɛn trap. Dɛn kil wi, dɛn tif wi, dɛn kapchɔ wi, ɛn kɛr wi go trit wi lɛkɛ jelman. Dɛn disgres wi ɛn na da disgres de de pan wi te tide.