Lɛvitikɔs 26:3 - Krio Fɔs Oli Baybul

³ Mozis se if dɛn obe di lɔ dɛn ɛn du ɔl wetin i se fɔ du,

Lɛvitikɔs 26:3 Referans Kwoze

Ayzaya 1:19

If una gri fɔ du wetin a se ɛn obe mi, una go ɛnjɔy ɔl di gud tin dɛn na di land.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Ditarɔnɔmi 7:12

Mozis tɛl di Izrɛlayt dɛn se if dɛn kɔntinyu fɔ yɛri wɔd ɛn de du ɔl wetin PAPA GƆD we na dɛn PAPA GƆD se, PAPA GƆD nɔ go fɔgɛt di Kɔvinant ɛn di lɛk we i bin dɔn swɛ to dɛn fɔstɛm-papa dɛn se, i go lɛk dɛn.

Ɛksodɔs 23:25

Na mi PAPA GƆD una fɔ wɔship, ɛn if una wɔship mi, a go blɛs una wit bɔku it ɛn wata, ɛn a nɔ go mek wan sik ol una.

Jɛrimaya 11:4

we a bin kɔmand una fɔstɛmpapa dɛn fɔ du, we a bin briŋ dɛm kɔmɔt Ijipt, kɔmɔt na di ayɛn fayasay, de tɛl dɛn se, Una lisin mi ɛn du ɔl wetin a kɔmand una fɔ du. Na dat go mek una bi mi pipul dɛn ɛn mi go bi una Gɔd,

Zɛkaraya 8:12

Bikɔs pipul dɛn go de plant ɛn avɛst ɛn dɛn nɔ go gɛt nɔn yagba, kolat go de ɔlsay ɛn ren sɛf go de kam bɔku wan. I se in go mek di balans we lɛf pan di pipul dɛn gɛt ɔl dɛn tin de fɔ ɛnjɔy.

Malakay 3:10

I se dɛn fɔ briŋ ɔl dɛn tayth kam na PAPA GƆD in os ɛn natin nɔ fɔ lɛf, so dat it go de de fɔ pipul dɛn; ɛn we dɛn du so, dat go bi fɔ si if PAPA GƆD Ɔlmayti nɔ go opin di winda dɛn na ɛvin ɛn sɛn blɛsin kam dɔŋ.

Lɛvitikɔs 19:25

Bɔt na te di ia we mek fayv, dɛn fɔ it pan dɛn frut. If dɛn du ɔl wetin PAPA GƆD se, dɛn frut dɛn we dɛn plant go bia bɔku.

Nɛimaya 1:9

bɔt if wi kam bak to yu ɛn rɛdi fɔ de du wetin yu want, ivin we wi go de ɔlɔbɔt, yu go gɛda wi ɔl ɛn briŋ wi bak na wan ples. Da ples de go bi di say we yu bin dɔn pik fɔ wi fɔ de ɛn yusɛf go de de wit wi.

Ayzaya 30:23

Ɛn PAPA GƆD go sɛn ren fɔ di sid we una plant, ɛn rɛs we go gro na di grɔn, go bɔku ɛn i go fayn. Da de de, una kaw dɛn go it na big ples we plɛnti gras de;