Lɛvitikɔs 26:26 - Krio Fɔs Oli Baybul

²⁶ Wɛn i go mek una nɔ gɛt it fɔ it, tɛn uman go ebul bek na waŋren ovin, di uman dɛn go gɛt fɔ sheb it bay wet, we pan ɔl we dɛn go it, dɛn nɔ go ɛva satisfay.

Lɛvitikɔs 26:26 Referans Kwoze

Mayka 6:14

Una go it bɔt dat nɔ go min natin to una bikɔs una go stil aŋri, una go kip tin dɛn bɔt i go bi fɔ natin bikɔs ɔl wetin una kip go pwɛl na wa.

Ayzaya 3:1

PAPA GƆD, we na PAPA GƆD Ɔlmayti, de pul kɔmɔt Jerusɛlɛm ɛn Juda, dɛn sɔplay ɛn dɛn sɔpɔt, di it we dɛn fɔ it, ɛn di wata we dɛn fɔ drink,

Izikɛl 5:16

Wɛn a go lus mi bad bad aro dɛm pan una, we de mek it nɔ de atɔl, aro dɛn fɔ nyakanyaka, we a go tek dɔn una kpatakpata, ɛn wɛn a mek mɔ aŋri mit una ɛn tap di men tin we una de it.

Di Sam Dɛm 105:16

PAPA GƆD mek bad bad aŋri fɔdɔm na Kenan we mek dɛn nɔ gɛt natin fɔ it;

Egay 1:6

Dɛn de plant bɔku sid bɔt nɔto ɔl de bia, dɛn de it, bɔt dɛn nɔ de bɛlful; we dɛn wɛr klos sɛf, kol stil de kech dɛn ɛn i tan lɛk we dɛn pe dɛn na bɔs bag dɛn de put di mɔni.

Izikɛl 14:13

“Mɔtalman, wɛn wan kɔntri kɔmit sin to mi, bay we dɛn nɔ bin de du tin ɛn nɔ biliv mi, ɛn a dil wit dɛn ɛn mek dɛn nɔ gɛt natin fɔ it, ɛn a go sɛn bad bad aŋri pan am; ɛn a go mek nɔn mɔtalman ɔ animal nɔ tap de,

Izikɛl 4:16

Pantap dat, i tɛl mi se, “Mɔtalman, a go tap it sɔplay na Jerusɛlɛm; na we dɛn go de we bred fɔ it, ɛn dɛn go de fred we dɛn de it am; na mɛnshɔ dɛn go de mɛnshɔ wata fɔ drink ɛn na wit pwɛl at.

Ayzaya 9:20

Dɛn de jɔg tin dɛn ya, bɔt dɛn stil aŋri, yu tɔn yanda, dɛn de de de kapu kapu, bɔt dɛn stil nɔ de satisfay; ɔlman de it in neba pikin.

Ozie 4:10

I se dɛn go it bɔt dɛn nɔ go ɛva satisfay wit wetin dɛn gɛt, dɛn go wɔship ɔda gɔd dɛn bɔt natin nɔ go kɔmɔt biɛn dat; bikɔs dɛn lɛf PAPA GƆD, we na dɛn Gɔd fɔ wɔship ɔda gɔd dɛn.

Izikɛl 4:10

Yu gɛt fɔ we di it we yu go de it, we go bi tu ɔndrɛd ɛn tati gram fɔ wande; na wantɛm fɔ de yu go de it.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Lɛvitikɔs 26:27

Ɛn if wit ɔl dɛn tin ya, dɛn stil mek traŋayes ɛn nɔ lisin to am,

2 Kiŋ 6:25

Da tɛm de, bad bad aŋri bin de na Sameria. Di aŋri bin so mɔna dat dɛn bin de sɛl wan dɔŋki ed eti silva kɔpɔ ɛn smɔl vɛjitebul fayv silva kɔpɔ.

Ayzaya 5:10

Na et lita wayn nɔmɔ go kɔmɔt pan tɛn eka greps fam, tri ɛn af bag sid nɔ go bia rich af bag sɛf.”

Izikɛl 4:17

A go du ɔl dis so dat dɛn nɔ go gɛt bred ɛn wata, ɛn dɛn go de luk dɛn kɔmpin wit pwɛl at ɛn dɛn go de day smɔl smɔl pan dɛn pɔnishmɛnt.

Ayzaya 9:19

Fɔseka PAPA GƆD Ɔlmayti in vɛksteshɔn, di land dɔn bɔn, ɛn di pipul dɛn na lɛk dray lif fɔ di faya; nɔbɔdi nɔ de sɔri lɛf in brɔda sɛf.