Lɛvitikɔs 26:25 - Krio Fɔs Oli Baybul

²⁵ I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.

Lɛvitikɔs 26:25 Referans Kwoze

Di Nɔmba Dɛm 14:12

Naw a go sɛn bad bad sik pan dɛn ɛn dɔnawe wit dɛn, bɔt yu, a go mek yu gɛt pikin dɛn we go bi wanol neshɔn ɛn yu go pawaful pas dɛn.

Izikɛl 5:17

A go sɛn bad bad aŋri pan una ɛn dɛn wayl animal dɛn pan una, ɛn dɛn go tek una pikin dɛm; una go gɛt bad bad sik dɛm, ɛn blɔd go de kɔmɔt pan una; ɛn a go mek wa de mit una. Na mi PAPA GƆD dɔn tɔk am.”

Izikɛl 33:2

“mɔtalman, tɔk to yu pipul ɛn tɛl dɛn se, if a briŋ di sɔd kam pan di kɔntri, ɛn di pipul na di kɔntri tek wan man pan dɛm, ɛn mek am wachman,

Izikɛl 29:8

fɔseka dat, na dis PAPA GƆD se; a go briŋ wan sɔd kam pan una, ɛn a go kil mɔtalman ɛn bist we de pan yu;

Izikɛl 20:37

A go rul una traŋa wan ɛn tren una lɛk soja, ɛn mek una rɛspɛkt mi Kɔvinant we a mek wit una.

Izikɛl 14:17

“Ɔ if a briŋ fɛt kan na di land, ɛn se lɛ di fɛt de ɔlsay na di land; ɛn mek nɔn mɔtalman ɔ animal nɔ tap de;

Izikɛl 6:3

ɛn tɛl dɛn se, una we na di mawnten dɛn na Izrɛl, lisin wetin Papa Gɔd we na Gɔd se! Na so Papa Gɔd we na Gɔd se fɔ tɛl una di mawnten ɛn il dɛn, di dip vali ɛn di shala vali dɛm se: a de tɛl una, mi, misɛf sɛf go briŋ wa kam pan una, ɛn a go pwɛl usay una de wɔship dɛn laylay gɔd dɛn kpatakpata.

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Ditarɔnɔmi 32:25

Wa go mek dɛn kil dɛn plɛnti, bad bad pipul dɛn go atak dɛn na dɛn os dɛn. Yɔŋ man ɛn uman dɛn go day yɔŋ bebi dɛn ɛn ol pipul dɛnsɛf go day.

Ditarɔnɔmi 28:21

PAPA GƆD go mek ɔlkayn siknɛs de mit dɛn, ɛn dɛn go fasin dɛn te dɛn kil dɛn ɔl. Wan pan dɛn nɔ go lɛf na di land we dɛn de kam go kapchɔ so.

Lyuk 21:11

Di grɔn go de trimbul bad, bad, bad aŋri go de ɔlɔbɔt, dɛn sik we de prɛd go de ɔlsay, plɛnti tin dɛn go bi we go mek pipul fred, ɛn Gɔd go sho plɛnti sayn na di klawd we go mek pipul fred.

Emɔs 4:10

“A sɛn bɔku bɔku waala pan una lɛk aw a bin du na Ijipt. A mek una yɔŋman dɛn day na wa ɛn mek dɛn kapchɔ una ɔs dɛn. Dɔn a mek una kamp dɛn de smɛl wit soso dedebɔdi. Pan ɔl dat, una nɔ klɔk mi.

Lamɛnteshɔn 2:21

Yɔŋ ɛn ol pipul dɛn lidɔm na di dɔst na trit; dɛn dɔn kil mi yɔŋgyal ɛn yɔŋman dɛn; na di de we yu vɛks yu kil dɛn, yu kil yu nɔ luk biɛn.

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Di Sam Dɛm 94:1

E PAPA GƆD, yu we na PAPA GƆD we de pɔnish, yu sabi pɔnish, so sho yusɛf.

2 Samiɛl 24:15

So PAPA GƆD mek sik we kin kil pipul de na di land frɔm da mɔnin de te di tɛm we i bin dɔn se i go dɔn: na sɛvinti tawzin pipul day insay ɔp na Dan te rich dɔŋ na Biashiba.

Ditarɔnɔmi 32:41

if a shap mi shayn sɔd we a bigin gi jɔjmɛnt, a go rivɛnj pan mi ɛnimi dɛn, ɛn pɔnish di wan dɛn we et mi.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Di Nɔmba Dɛm 16:49

Bɔt na 14,700 pipul dɛn di bad bad sik kil we ad to di nɔmba we bin dɔn day bikɔs ɔf wetin Kora bin du.

Lɛvitikɔs 26:6

Mozis se dɛn go gɛt kolat ɛn dɛn go go lidɔm slip ɛn nɔ gɛt natin fɔ wɔri bɔt; ɛn PAPA GƆD go mek dɛn bad bad animal dɛn nɔ de na di land ɛn dɛn nɔ go fred. I se wa nɔ go de de igen

Di Nɔmba Dɛm 31:3

So Mozis tɛl di pipul dɛn fɔ rɛdi dɛn wɛpɔn bikɔs sɔm pan dɛn de go fɛt di Midianayt dɛn fɔ sho se PAPA GƆD vɛks pan dɛn.

Di Jɔj Dɛm 15:11

So tri tawzin man na Juda go na di kev na di big ston na Itam go aks Samsin se if i nɔ no se na di Filistin dɛn de rul dɛn we i go du tin lɛk dat to dɛn. Nain Samsin tɛl dɛn se, na wetin dɛn du am insɛf du dɛn.

1 Kiŋ 8:33

“If yu pipul we na di Izrɛlayt dɛn lɔs wa bikɔs dɛn bin dɔn sin, if dɛn tɔn to yu ɛn kam na dis os ɛn ɔmbul dɛnsɛf ɛn pre to yu fɔ masi,

1 Kiŋ 8:37

“If wi plant dɛn ɔl pwɛl dɔn it nɔ de fɔ it, ɔ, if lokɔs it ɔl wetin wi plant, ɔ if ɛnimi atak yu pipul, ɔ, if ɛni bad bad sik sɛf bɔsawt fɔ kil ɔlman,

Jɛrimaya 50:28

“Una lisin! Dɛn de rɔnawe kɔmɔt Babilɔn, fɔ go anawns na Jerusɛlɛm bɔt di rivɛnj we PAPA GƆD we na wi Gɔd, wan rivɛnj fɔ in Tɛmpul.

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Ɛksodɔs 5:3

Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.

2 Kiŋ 17:3

Kiŋ Shalmanɛsa na Asiria go fɔ atak Oshia we bin de pe taks to am.

2 Kronikuls 24:24

Ɔlwe di Sirian ami nɔ kam wit bɛtɛ sojaman dɛm, PAPA GƆD mek dɛn kapchɔ big big ami, bikɔs dɛn dɔn tɔn dɛn bak pan PAPA GƆD we na dɛn fɔstɛmpapa dɛn Gɔd. Na so dɛn pas jɔjmɛnt pan Joash.

Ayzaya 1:20

Bɔt if una nɔ gri ɛn tɔn una bak pan mi, na wa una go day; bikɔs na PAPA GƆD sɛf sɛf tɔk so.”

Ayzaya 65:12

A go mek, fɔ lɛ dɛn kil una, bi yu dɛstini, ɛn una ɔl go gri lɛ dɛn kil una; bikɔs, wɛn a bin kɔl una, una nɔ bin ansa, we a bin tɔk, una nɔ bin lisin, bɔt una du bad bad tin dɛn na mi yay, ɛn pik fɔ du tin dɛn we a nɔ go gladi fɔ.”

Jɛrimaya 19:7

Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Ozie 11:6

Na soso fɛt dɛn go de pan. Dɛn go fɛt na di siti, dɛn go pwɛl di get dɛn ɛn ivin dɛn dɛn traŋa wɔl we dɛn bin bil kin pwɛl.

Abakɔk 3:5

I kin mek siknɛs lid am we i de go ɛn day fala am ɛnisay we i go.