Lɛvitikɔs 26:22 - Krio Fɔs Oli Baybul

²² I go mek dɛn bad bad animal kil dɛn pikin dɛn, dɛn animal dɛn we dɛn de mɛn na os ɛn dɛn nɔ go bɛtɛ igen we go mek dɛn trit dɛn dray bikɔs pipul nɔ go de fɔ de waka ɔp ɛn dɔŋ.

Lɛvitikɔs 26:22 Referans Kwoze

Izikɛl 14:15

If a mek dɛn wayl animal dɛn waka pas insay di land, ɛn dɛn pwɛl pwɛl am, we nɔbɔdi nɔ tap de, so dat nɔbɔdi nɔ go ebul pas de fɔseka di animal dɛn;

Ditarɔnɔmi 32:24

Na aŋri ɛn fiva ɛn ɔda bad bad sik dɛn go kil dɛn. A go sɛn bad bad animal dɛn pan dɛn ɛn dɛn bad bad snek dɛn go bɛt ɛn kil dɛn.

Di Jɔj Dɛm 5:6

Di tɛm we Shamga, Anath in bɔypikin dɛn bin de, di tɛm we Jeɛl bin de, dɛn gɛda we pipul dɛn bin de gɛda bɔku bɔku wande travul wit kamɛl na di land togɛda, bin tap; na dɛn kɔna kɔna rod dɛn bin de travul.

Zɛkaraya 7:14

I se in go mek dɛn skata lɛk we tinada de blo go usay dɛn nɔ no bɔt dɛn. Na so di land we dɛn lɛf tek ɛmti. Da fayn fayn ples de ɛmti so.

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

Ayzaya 33:8

Di men rod dɛn lɛf ɛmti, di wan dɛn we lɛk fɔ go patrol, dɔn tap fɔ go. Dɛn dɔn brok Kɔvinant dɛm, dɛn nɔ gɛt wan rɛspɛkt fɔ witnɛs igen, rɛspɛkt nɔ de igen fɔ mɔtalman.

2 Kiŋ 17:25

Wɛn dɛn jɛs go tap de, dɛn nɔ bin de wɔship PAPA GƆD, so i mek layɔn dɛn atak ɛn kil sɔm pan dɛn.

Lɛvitikɔs 26:6

Mozis se dɛn go gɛt kolat ɛn dɛn go go lidɔm slip ɛn nɔ gɛt natin fɔ wɔri bɔt; ɛn PAPA GƆD go mek dɛn bad bad animal dɛn nɔ de na di land ɛn dɛn nɔ go fred. I se wa nɔ go de de igen

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Izikɛl 33:28

Ɛn a go mek di kɔntri wan ples we nɔbɔdi ɛn natin nɔ de ɛn we yuslɛs; ɛn in prawd pawa go dɔn pata; ɛn Izrɛl in mawnten dɛm go so pwɛl pata pata wan dat nɔbɔdi nɔ go pas de

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Izikɛl 5:17

A go sɛn bad bad aŋri pan una ɛn dɛn wayl animal dɛn pan una, ɛn dɛn go tek una pikin dɛm; una go gɛt bad bad sik dɛm, ɛn blɔd go de kɔmɔt pan una; ɛn a go mek wa de mit una. Na mi PAPA GƆD dɔn tɔk am.”

Jɛrimaya 15:3

“PAPA GƆD se, a go pik fo kayn tin dɛn we go nyakanyaka dɛm; sɔd fɔ kil dɛm, dɔg dɛn fɔ chɛr chɛr dɛm, ɛn di bɔd dɛm na di skay, ɛn di wayl animal dɛn na wɔl fɔ it dɛm ɛn nyakanyaka dɛm.

Ayzaya 24:6

Fɔseka dat, swɛ de it di wɔl, ɛn di pipul we tap de, de sɔfa bikɔs dɛn gilti; so di wan dɛn we tap de, de bɔn, ɛn na tu tri man dɛn lɛf.

2 Kronikuls 15:5

Dɛn tɛm dɛn de, kol at nɔ bin de fɔ nɔbɔdi, bikɔs plɛnti plɛnti waala bin de ambɔg di pipul dɛn na di land.

2 Kiŋ 2:24

Ilaɛlsha tɔn wach dɛn ɛn yuz PAPA GƆD in nem swɛ dɛn. Na de tu wayl animal kɔmɔt na bush kil fɔti-tu pan dɛn.

Jɛrimaya 42:2

ɛn tɛl Jɛrimaya we na prɔfɛt se, “Lisin wi prɔblɛm dɛm ɛn pre to PAPA GƆD we na yu Gɔd fɔ wi, fɔseka ɔl di wan dɛm we lɛf (bikɔs wi we lɛf na jɛs tu tri pan di wanol nɔmba as yusɛf kin si)