Lɛvitikɔs 26:19 - Krio Fɔs Oli Baybul

¹⁹ ɛn di gbiŋbin we dɛn de mek fɔ dɛn pawa dɔn, ɛn PAPA GƆD nɔ go mek ren kam we go mek di land bia tin fɔ it. Dɛn ɔl go traŋa lɛk ayɛn;

Lɛvitikɔs 26:19 Referans Kwoze

Ditarɔnɔmi 28:23

Wan ren nɔ go kam ɛn dat go mek di grɔn trɔŋ lɛk ayɛn.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Lyuk 4:25

“Una lisin mi; di tɛm we Ilayja bin de na Izrɛl, ren nɔ kam fɔ tri ia ɛn siks mɔnt ɛn bad aŋri bin de na di kɔntri, ɛn plɛnti uman we dɛn man bin dɔn day bin de na Izrɛl.

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Izikɛl 30:6

“Na dis PAPA GƆD se dɛn wan dɛn we de fɔ Ijipt go fɔdɔm, ɛn in pawa we i prawd bɔt, go kam dɔn; frɔm Midɔl to Sayrini dɛn go fɔdɔm insay am bay di sɔd na so PAPA GƆD se.

Jɛrimaya 13:9

Na dis PAPA GƆD se: na semweso a go pwɛl Juda in prawd we i de mek ɛn di tin we mek Jerusɛlɛm de kak.

Ayzaya 25:11

Ɛn i go prɛd in an midul de, lɛk we pɔsin we de swim de skata in an we i de swim. Bɔt PAPA GƆD go brok in prayd ɛn in skil we i gɛt nain an.

1 Samiɛl 4:11

Dɛn siz di ak ɔf di Kɔvinant ɛn kil Ofni ɛn Finɛas.

Izikɛl 7:24

a go briŋ di neshɔn dɛn we bad pas ɔl fɔ tek ɔl dɛn os dɛm; a go tap ɔl dɛn pawa we mek dɛn de mek prawd, ɛn dɛn oli ples dɛm nɔ go gɛt nɔn rɛspɛkt.

Ayzaya 26:5

I dɔn briŋ di pipul dɛn we bin de ɔp di ay siti, kan dɔŋ. I briŋ am kan dɔŋ, dɔŋ na grɔn ɛn ib am na dɔti.

Ayzaya 2:12

PAPA GƆD Ɔlmayti gɛt in yon de fɔ dil wit ɔl dɛn prawd wan dɛn ɛn dɛn wan we tink tumɔs bɔt dɛnsɛf, ɛn ɔl di wan dɛn we de es dɛnsɛf ɔp ɛn de kak;

1 Samiɛl 4:3

Wɛn di balans Izrɛlayt sojaman dɛn go bak usay dɛn de kamp, di bigman dɛn aks dɛnsɛf wetindu PAPA GƆD mek di Filistin dɛn win dɛn bad wan so. Dɛn se dɛn fɔ go tek di ak ɔf di Kɔvinant na Shaylɔ kam de wit dɛn. Dɛn se, di ak we go sho se PAPA GƆD de wit dɛn, go ɛp dɛn fɔ win di Filistin dɛn.

1 Kiŋ 8:35

“If yu ol di ren fɔ lɛ i nɔ kam bikɔs dɛn sin, if dɛn kam na dis os ɛn ɔmbul dɛnsɛf, kɔnfɛs dɛn sin ɛn beg yu fɔ masi,

Ayzaya 28:1

Swɛ go fɔdɔm pan di rula na Ifrem we prawd ɛn de drɔŋɔ, ɛn di flawa we de wida, we bin de mek i luk shayn ɛn fayn, we de na di wan dɛn we jɛntri ɛn we rɔm dɔn ambɔg, dɛn ed.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Ditarɔnɔmi 11:17

bikɔs PAPA GƆD go vɛks pan dɛn, ɛn i nɔ go mek ren kam. Da tɛm de, di land go dray ɛn natin nɔ go gro ɛn dɛn nɔ go gɛt natin fɔ it, so dɛn ɔl go day day lɛk dɔg na di gud gud land we PAPA GƆD gi dɛn.

Izikɛl 33:28

Ɛn a go mek di kɔntri wan ples we nɔbɔdi ɛn natin nɔ de ɛn we yuslɛs; ɛn in prawd pawa go dɔn pata; ɛn Izrɛl in mawnten dɛm go so pwɛl pata pata wan dat nɔbɔdi nɔ go pas de