Lɛvitikɔs 26:16 - Krio Fɔs Oli Baybul

¹⁶ na dɛn tin ya i go du: i go mek siriɔs waala mit dɛn we go mek dɛn sik bad wit ay ay fiva we go mek dɛn yay de rɔn wata ɔltɛm ɛn dɛn bɔdi de wes. Ɛn dɛn go plant fɔ natin bikɔs na dɛn ɛnimi dɛn go gɛt fɔ it wetin dɛn plant.

Lɛvitikɔs 26:16 Referans Kwoze

Job 31:8

lɛ ɔda pɔsin it ɔl wetin a wok fɔ na layf; ɛn lɛ dɛn nyakanyaka mi fam.

1 Samiɛl 2:33

PAPA GƆD tɛl di man fɔ tɛl am se, di pɔsin dɛn we i nɔ go dɔnawe wit bɔt we go de fɔ wok nain ɔlta, go blɛn ɛn go de kray ɔltɛm bikɔs dɛn at nɔ go swit, ɛn dɛn go kil ɔl di ɔda wan dɛn.

Mayka 6:15

We una plant ɛnitin i nɔ go gro, una nɔ go ivin ebul fɔ yuz di ɔyl we una kwis dɔn una nɔ go drink di wayn we una mek.

Izikɛl 33:10

“Ɛn yu mɔtalman in bɔypikin, tɔk to di Izrɛl pipul se, na dis una bin se: wi bad tin dɛn we wi de du, ɛn wi wikɛdnɛs dɛn, de pan wi, ɛn wi de day slo wan fɔseka dɛm; so aw wi go ebul fɔ liv?’

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Di Sam Dɛm 78:33

So PAPA GƆD insɛf dɔnawe wit dɛn i mek dɛn ɔl day.

Ditarɔnɔmi 28:51

Na aŋri go kil di Izrɛlayt dɛn bikɔs, di pipul dɛn go tek ɔl dɛn animal dɛn we dɛn de mɛn, dɛn pikin dɛn, ɛn ɔl wetin go gro na dɛn fam dɛn. Dɛn go tek dɛn sid dɛn we dɛn kip fɔ it, ɛn dɛn wayn, dɛn ɔyl ɛn dɛn kaw ship ɛn got dɛn; natin dɛn nɔ go lɛf fɔ dɛn.

Di Ibru Pipul Dɛn 10:31

I go bad fɔ di pɔsin we Gɔd we gɛt layf sote go, go kɔndɛm so.

Zɛkaraya 14:12

PAPA GƆD go mek bad sik mit di pipul dɛn we bin go fɛt Jerusɛlɛm. Dɛn go de layf wan bɔt dɛn bɔdi go rɔtin, dɛn yay sɛf go rɔtin ɛn ivin dɛn siti go rɔtin na dɛn mɔt.

Egay 1:6

Dɛn de plant bɔku sid bɔt nɔto ɔl de bia, dɛn de it, bɔt dɛn nɔ de bɛlful; we dɛn wɛr klos sɛf, kol stil de kech dɛn ɛn i tan lɛk we dɛn pe dɛn na bɔs bag dɛn de put di mɔni.

Jɛrimaya 20:4

Bikɔs na dis PAPA GƆD se: Lisin, a go mek yu tɛrɔ to yusɛf ɛn to ɔl yu padi dɛm. Yu go de luk so dɛn de kil dɛn na wa. Ɛn a go mek di kiŋ na Babilɔn kapchɔ Juda; i go kɛr dɛn go Babilɔn go mek dɛn slev, ɛn go kil dɛm wit sɔd.

Jɛrimaya 15:8

A dɔn mek di uman dɛn we dɛn man dɔn day dɔn plɛnti pas di sansan na si; a dɔn briŋ kilman kam sansantɛm kam kil kombra dɛn bɔypikin dɛn; A dɔn mek pen ɛn fred kam pan dɛm wantɛm wantɛm.

Jɛrimaya 12:13

Dɛn dɔn plant wit, ɛn dɛn avɛst chuk chuk, dɛn dɔn yagba dɛnsɛf te dɛn dɔn taya, bɔt nɔ prɔfit natin. Dɛn go shem fɔseka dɛn avɛst fɔseka PAPA GƆD in bad bad vɛksteshɔn.”

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

Ayzaya 7:2

Wɛn wɔd rich Devid in os se, “Siria dɔn mek wan wɔd wit Ifrem,” in ɛn in pipul dɛn ɔl at shek lɛk aw dɛn tik na bush kin shek we briz de blo.

Di Sam Dɛm 109:6

Fɛn udat go du di sem tin to am we i du to mi; lɛ in yon yon pɔsin pwɛl in nem.

Di Sam Dɛm 73:19

Ɔltin go dɔn fɔ dɛn kwik wan. I go bad fɔ dɛn we dɛn rich dɛn Watalo

Job 20:25

Aro go bɔs in bɔdi, Di shap pat we de shayn bɔs kɔmɔt nain bita bita; i go trimbul wit fred.

Job 18:11

Ɔltɛm bad bad tin dɛn de skyad am, dɛn de rɔnata am ɛnisay i go.

Di Jɔj Dɛm 6:11

PAPA GƆD in enjɛl go sidɔm ɔnda wan big tik na Ofra, we na Joash we na Abizayt, gɛt am. Joash in bɔypikin, Gidiɔn bin ayd de de pul wit kɔmɔt na di tik, na di ples usay dɛn de pul wayn, so di Midianayt dɛn nɔ go si di wit.

Ditarɔnɔmi 32:25

Wa go mek dɛn kil dɛn plɛnti, bad bad pipul dɛn go atak dɛn na dɛn os dɛn. Yɔŋ man ɛn uman dɛn go day yɔŋ bebi dɛn ɛn ol pipul dɛnsɛf go day.

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

1 Kiŋ 8:37

“If wi plant dɛn ɔl pwɛl dɔn it nɔ de fɔ it, ɔ, if lokɔs it ɔl wetin wi plant, ɔ if ɛnimi atak yu pipul, ɔ, if ɛni bad bad sik sɛf bɔsawt fɔ kil ɔlman,

Prɔvabs 3:33

PAPA GƆD de ib swɛ na bad pɔsin in os, ɛn udat raychɔs, na blɛs i de blɛs in os.

Ayzaya 62:8

PAPA GƆD dɔn swɛ wit in raytan ɛn wit in pawaful an se: “A nɔ go give una ɛnimi dɛn yu it fɔ it igen, ɛn fɔrina dɛn nɔ go drink una wayn we yu lebɔ fɔ;

Jɛrimaya 15:3

“PAPA GƆD se, a go pik fo kayn tin dɛn we go nyakanyaka dɛm; sɔd fɔ kil dɛm, dɔg dɛn fɔ chɛr chɛr dɛm, ɛn di bɔd dɛm na di skay, ɛn di wayl animal dɛn na wɔl fɔ it dɛm ɛn nyakanyaka dɛm.

Izikɛl 24:23

Una tɔban dɛn go de na una ed ɛn una sus dɛn go de na una fut; una nɔ go munin ɔ kray, bɔt una go munin fɔ una sin ɛn pini na una chɛst to una kɔmpin.

Malakay 2:3

I se, in go ala pan dɛn pikin dɛn dɔn di shit we di animal dɛn de pul na dɛn wes, we dɛn de gi am, nain i go put na dɛn fes so dat dɛn nɔ go go bifo am.

Emɔs 5:11

Una de tek aramu na poman an ɛn fos dɛn fɔ gi una rɔ wit; fɔ da aramu we una dɔn tek fɔ bil ston os, so una nɔ go slip insay di os. Da vayn gadin sɛf we una dɔn mek, una nɔ go tes di wayn.