Lɛvitikɔs 26:15 - Krio Fɔs Oli Baybul

¹⁵ if dɛn mek nɔ bizin bɔt in lɔ dɛn, we mek dɛn nɔ go wan du wetin dɛn se, ɛn nɔ kip in Kɔvinant wit dɛn,

Lɛvitikɔs 26:15 Referans Kwoze

2 Kiŋ 17:15

Dɛn nɔ gri fɔ du wetin PAPA GƆD se, ɛn nɔ kip di Kɔvinant we i sayn wit dɛn fɔstɛm-papa dɛn; bifo dat dɛn bigin de wɔship lay lay gɔd dɛn we nɔ min natin ɛn na so dɛnsɛf kam fiba mɔtalman dɛn we nɔ fit natin. Dɛn falamakata dɛn ɔda neshɔn dɛn we PAPA GƆD bin dɔn wɔn dɛn bɔt, ɛn du wetin PAPA GƆD tɛl dɛn nɔ fɔ du.

Ditarɔnɔmi 31:16

Nain PAPA GƆD tɛl Mozis se di tɛm dɔn de rich fɔ lɛ i day go mit in fɔstɛm-papa dɛn; I se, datɛnde, di Izrɛlayt dɛn go kɔmɔt biɛn am ɛn go bigin wɔship di trenja gɔd dɛn we de na di land we dɛn de kam go, ɛn bay dat, dɛn go pwɛl di Kɔvinant we de bitwin dɛn ɛn PAPA GƆD.

Izikɛl 16:59

“Yɛs, na dis Papa Gɔd we na Gɔd se: a go dil wit una bay aw una bin du, una we dɔn kɔmɔt biɛn di swɛ we una bin swɛ ɛn brok di Kɔvinant,

Jɛrimaya 11:10

Dɛn dɔn tɔn bak to dɛn fɔstɛmpapa dɛn we nɔ bin gri yɛri mi wɔd, dɛn sin; dɛn dɔn go fɔ go sav ɔda gɔd dɛm; Izrɛl ɛn Juda dɔn brok mi Kɔvinant we a bin mek wit dɛn fɔstɛmpapa dɛm.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Di Nɔmba Dɛm 15:31

Bikɔs i dɔn tɔn in bak pan wetin PAPA GƆD se ɛn nɔ obe in lɔ dɛn, da pɔsin de fɔ go ɛn tot in waala go wit am.

Di Ibru Pipul Dɛn 8:9

Dis nyu agrimɛnt ya nɔ go tan lɛkɛ di wan we a bin mek wit dɛn granpapa-papa dɛn, da tɛm we misɛf bin tek dɛn kɔmɔt na Ijipt. Dɛn bin pwɛl di agrimɛnt we a mek wit dɛn, so a bin lɛf dɛn to dɛnsɛf.

Fɔs Lɛta Fɔ Tɛsalonayka 4:8

So ɛnibɔdi we tɔn in bak pan dɛn tin ya we wi de lan dɛn, nɔto mɔtalman di pɔsin tɔn in bak pan, na Gɔd we gi wi in Spirit i tɔn in bak pan.

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Apɔsul Dɛn Wok 13:41

Di prɔfɛt dɛn bin se, ‘Una we de laf wetin Gɔd dɔn tɔk, una go luk, una go wɔnda, ɛn una go day! A go du big wok we una go si, ɛn ilɛk dɛn tɛl una di minin sɛf, una nɔ go biliv.’”

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Prɔvabs 5:12

na da tɛm de yu go se if a bin no. Yu aks yusɛf se, “Wetin mek a nɔ de lan lɛsin? Wetin mek a nɔ bin de yɛri wɔd?

Prɔvabs 1:30

dɔn una nɔ lisin to mi advays ɛn nɔ yɛri we a de kɔrɛkt una,

Prɔvabs 1:7

If yu want fɔ gɛt sɛns na layf, di fɔs tin we yu fɔ du na fɔ biliv PAPA GƆD ɛn fred am; fulman nɔ de tek advays ɛn kɔrɛkshɔn.

Di Sam Dɛm 50:17

Una et di tin dɛn we a de tɛl una fɔ du ɛn una nɔ tek mi wɔd mek natin.

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Lɛvitikɔs 26:43

Bɔt di pipul go gɛt fɔ lɛf di land mek i blo di blo we dɛn bin fɔ mek i blo di sɛvin ia we i bin fɔ blo bikɔs PAPA GƆD go dɔn pwɛl am kpatakpata; ɛn dɛn go aksɛpt di pɔnishmɛnt fɔ dɛn sin dɛn we na bikɔs dɛn nɔ bin bisin bɔt in lɔ dɛn.

Ɛksodɔs 24:7

Dɔn i tek di Kɔvinant buk we na de ɔl PAPA GƆD in lɔ rayt ɛn rid am lawd wan to di pipul dɛn. Dɛn ɔl ansa se dɛn go obe PAPA GƆD ɛn du wetin i se.

Ɛksodɔs 19:5

So naw, if dɛn obe mi ɛn go akɔdin to mi Kɔvinant, dɛn go bi mi bɔlyay pan ɔl dɛn neshɔn na di wɔl. Ɛn na mi gɛt di wanol wɔl. Na dɛn a dɔn pik,

Jɛnɛsis 17:14

Ɛni man we nɔ sakɔmsayz dɔn brok mi Kɔvinant. I nɔ fɔ de wit in pipul dɛn.”

Lɛvitikɔs 26:9

Ɛn PAPA GƆD go sho dɛn aw i gud ɛn mek dɛn bɔn bɔku pikin dɛn, fɔ mek dɛn go de ɔlsay na di wɔl, ɛn kip di Kɔvinant wit dɛn.

Lɛvitikɔs 26:11

PAPA GƆD se in go tap wit di Izrɛlayt dɛn ɛn nainsɛf go de wit dɛn ɔltɛm.

1 Samiɛl 12:15

Bɔt if una nɔ obe PAPA GƆD ɛn du wetin i se, na di sem we aw i trit una grampa dɛn, na so i go trit una.

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.