Lɛvitikɔs 26:14 - Krio Fɔs Oli Baybul

¹⁴ Mozis tɛl di pipul dɛn se, lɛ dɛn lisin to wetin PAPA GƆD se. I se if dɛn nɔ rɛspɛkt ɛn biliv PAPA GƆD ɛn du ɔl wetin i dɔn tɛl dɛn fɔ du,

Lɛvitikɔs 26:14 Referans Kwoze

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Lɛvitikɔs 26:18

If pan ɔl dat, dɛn stil nɔ yɛri wɔd dɛn i go pɔnish dɛn at at wan fɔ dɛn sin dɛn,

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

Apɔsul Dɛn Wok 3:23

Ɛnibɔdi we nɔ tek wetin di prɔfɛt tɔk, Gɔd go pul am kɔmɔt to in pipul dɛn ɛn kil am!’

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.

Lamɛnteshɔn 1:18

“PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Jɔshwa 23:15

I se as we PAPA GƆD we na dɛn PAPA GƆD gi dɛn ɔl di gud tin dɛn we i prɔmis se in go du, na so if dɛn tɔn dɛn bak pan an, PAPA GƆD we na dɛn PAPA GƆD go briŋ bad bad tin dɛn pan dɛn we go nyakanyaka dɛn na di land we i gi dɛn.

Di Jɔj Dɛm 2:15

Ɛnitɛm dɛn go fɔ go fɛt, PAPA GƆD kin mek dɛn bit dɛn, jɛs lɛk wetin i bin dɔn wɔn dɛn ɛn swɛ se, in go du. Di Izrɛlayt dɛn bin de wit bad bad pwɛl at.

1 Samiɛl 12:15

Bɔt if una nɔ obe PAPA GƆD ɛn du wetin i se, na di sem we aw i trit una grampa dɛn, na so i go trit una.

2 Kronikuls 7:19

“Bɔt if yu tɔn yu bak pan mi, ɛn nɔ obe mi kɔmandmɛnt we a dɔn se una fɔ de obe, ɛn go fala ɔda gɔd dɛm ɛn wɔship dɛm,

Prɔvabs 3:33

PAPA GƆD de ib swɛ na bad pɔsin in os, ɛn udat raychɔs, na blɛs i de blɛs in os.

Jɛrimaya 11:8

Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

Jɛrimaya 26:4

Yu go tɛl dɛm se, ‘Na dis PAPA GƆD se: If una nɔ gri lisin to mi, ɛn du wetin mi lɔ dɛn we a gi una, se,

Jɛrimaya 28:8

Dɛn prɔfɛt dɛm we bin dɔn de lɔlɔntɛm bifo yu ɛn mi, bin prɔfisay bɔt wa, bad bad aŋri, ɛn siknɛs pan bɔku bɔku kɔntri dɛm ɛn big big kindɔm dɛm

Jɛrimaya 40:2

Di kapten tek Jɛrimaya go na kɔna ɛn tɛl am se, “Na PAPA GƆD we na una Gɔd tɔk wit in pawa se dis bad tin fɔ apin na ya;

Daniɛl 9:13

As i rayt na Mozis in lɔ, na so ɔl dis wahala dɔn mit wi. Pan ɔl dat, wi nɔ tɛl PAPA GƆD tɛnki fɔ di sɔri we PAPA GƆD we na wi Gɔd sɔri fɔ wi.

Ozie 7:12

Bɔt PAPA GƆD se, as dɛn de flay ɔlɔbɔt na so i go kech dɛn nain nɛt, dɔn i go briŋ dɛn kam dɔŋ ɛn pɔnish dɛn fɔ di bad we dɛn dɔn du.

2 Kiŋ 22:13

lɛ dɛn go fɛnɔt to PAPA GƆD fɔ in ɛn di pipul dɛn ɛn ɔlman na Juda bɔt wetin rayt na di buk we dɛn fɛn. I se PAPA GƆD dɔn vɛks bad bad wan pan dɛn bikɔs dɛn fɔstɛm-papa dɛn nɔ du wetin di buk se; i se dɛn nɔ de du wetin di buk se dɛn fɔ du.

2 Kronikuls 34:24

Luk a go briŋ bad bad tin pan dis ples ɛn pan di wan dɛn we tap de ɔl di swɛ dɛm we rayt na di buk we dɛn rid bifo Juda in kiŋ.

Di Sam Dɛm 81:12

So misɛf mek dɛn traŋayes fɔ du wetin dɛn want fɔ du.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.