Lɛvitikɔs 26:1 - Krio Fɔs Oli Baybul

¹ Mozis tɛl di Izrɛlayt dɛn se dɛn nɔ fɔ mek ɛni dɛn smɔl smɔl gɔd fɔ de pre to ɛn put ɛnitin we dɛn mek fɔ fiba tin we gɛt layf fɔ de pre to ɔ ɛni pila nɔ fɔ tinap fɔ de pre to, ɛn nɔ fɔ mek ɛnitin we fiba tin fɔ wɔship na di land we dɛn go gɛt fɔ baw to ɛn wɔship; i se bikɔs nain na PAPA GƆD we na dɛn GƆD.

Lɛvitikɔs 26:1 Referans Kwoze

Lɛvitikɔs 19:4

I se nɔ fɔ lɛf am go wɔship dɛn ɔda gɔd dɛn we nɔ min natin we dɛn mɛlt ayɛn fɔ mek bikɔs nain na PAPA GƆD we na dɛn GƆD.

Ditarɔnɔmi 27:15

“ ‘Ɛnibɔdi we go mek ɛnitin wit tik, ston ɔ ayɛn de wɔship am na kɔna, lɛ PAPA GƆD mek bad bad tin mit am. ‘Ɔlman fɔ ansa, Emɛn!’

Di Nɔmba Dɛm 33:52

dɛn fɔ drɛb ɔl udat bin dɔn tap de bifo dɛn. Dɛn fɔ mek shɔ se dɛn dɔnawe wit ɔl di lay lay gɔd dɛn we dɛn bin dɔn mek ɛn pwɛl ɔl di say dɛn we dɛn bin de wɔship dɛn.

Ɛksodɔs 23:24

Una nɔ fɔ butu to dɛn gɔd dɛn fɔ wɔship dɛn, ɛn una nɔ fɔ falamakata dɛn fɔ de wɔship lɛkɛ aw dɛn de wɔship. Una pwɛl pwɛl dɛn gɔd dɛn ɛn brok di ston pila dɛn we dɛn mek fɔ wɔship dɛn gɔd.

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Ɛksodɔs 34:17

“Una nɔ tek ɛni ayɛn mek gɔd dɛn ɛn wɔship dɛn.”

Ayzaya 2:20

Da tɛm de, pipul dɛn go trowe dɛn silva laylay gɔd ɛn gold laylay gɔd we dɛn mek fɔ dɛnsɛf fɔ wɔship, to dɛn grɔmpig ɛn dɛn bat,

Di Sam Dɛm 97:7

Ɔl udat de wɔship dɛn ɔda gɔd dɛn, go shem dɛn we de kak, bikɔs dɛn min se dɛn na sɔntin go shem as di ɔda gɔd dɛn go butu ɛn wɔship PAPA GƆD.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Lɛvitikɔs 25:55

Bikɔs di Izrɛlayt dɛn na PAPA GƆD in slev, slev dɛn we i pul kɔmɔt pan slev layf na Ijipt: I se nain na PAPA GƆD we na dɛn GƆD.

Ditarɔnɔmi 5:6

nain PAPA GƆD we na dɛn PAPA GƆD, we pul dɛn kɔmɔt na Ijipt usay dɛn bin tek dɛn mek slev ɛn dɛn bin de sɔfa bad bad wan.

Di Sam Dɛm 78:58

Dɛn mek ples dɛn na il fɔ wɔship pegan gɔd, ɛn PAPA GƆD vɛks pan dat as na jɛlɔs PAPA GƆD.

Lɛvitikɔs 7:33

Na di man we de mek sakrifays fɔ pipul sin, we de dyuti, we gi di blɔd frɔm di pis ɔfrin ɛn di fat go gɛt di rayt lɛg as prɛzɛnt.

Di Jɔj Dɛm 18:30

Di Dan fambul dɛn mek gɔd fɔ dɛnsɛf. Na Mozis in granpikin we nem Jonɛthan, we na Mozis in yon pikin we nem Gashɔm, bɔn, ɛn in bɔypikin dɛn, na bin di man dɛn we bin de mek sakrifays fɔ pipul sin na di Dan fambul te di tɛm we dɛn kapchɔ dɛn mek slev.

2 Kiŋ 17:8

ɛn du wetin dɛn ɔda neshɔn dɛn we PAPA GƆD drɛb kɔmɔt bifo dɛn bin de du; dɔn dɛn bin de du dɛn bad bad tin we di kiŋ dɛn na Izrɛl bin de du.

2 Kiŋ 17:10

Dɛn bil ples fɔ wɔship Ashɛra na ɔl dɛn il ɛn ɔnda dɛn tik.

2 Kiŋ 17:16

Dɛn lɛf fɔ du wetin PAPA GƆD tɛl dɛn fɔ du, bifo dat dɛn mek tu kaw lay lay gɔd ɛn wan ɔda wan lay lay gɔd we nem Ashɛra. Dɛn bigin fɔ wɔship ɔl dɛn lay lay gɔd ya ɛn dɛn sta wit Beal insɛf, dɛn se na dɛn gɔd dat.