Lɛvitikɔs 24:8 - Krio Fɔs Oli Baybul

⁸ Ɛni sɛvin de we na fɔ blo, Erɔn fɔ mek am fayn bifo PAPA GƆD ɔltɛm fɔseka di Izrɛlayt fɔ sho se dɛn dɔn gri fɔ du am sote go.

Lɛvitikɔs 24:8 Referans Kwoze

2 Kronikuls 2:4

Una lisin, a de kam bil os fɔ ɔna PAPA GƆD we na mi Gɔd, in nem, ɛn dɛdiket am to am fɔ de bɔn insɛns dɛn we gɛt fayn sɛnt to am, ɛn fɔ de ɔfa bred we fɔ ɔfa to am, ɛn fɔ de mek bɔn sakrifays mɔnin ɛn ivin, di sabat de dɛm ɛn di nyu mun fɛstival dɛm, ɛn di fist dɛn we PAPA GƆD we na wi Gɔd dɔn pik, fɔ Izrɛl fɔ de mek, sote go.

Di Nɔmba Dɛm 4:7

Pan di tebul we dɛn kin put bred fɔ sakrifays to PAPA GƆD, dɛn fɔ prɛd blu tebulklos bifo dɛn put di plet dɛn, di pan ɛn bol dɛn wit di jɔg we fɔ yuz fɔ ɔfa di drink; di bred nɔ fɔ ɛva kɔmɔt de.

1 Kronikuls 9:32

Igen, na sɔm pan dɛn Koaatayt fambul dɛm wok fɔ mek di oli bred ɛvri de fɔ blo ɛn rɛst de.

Nɛimaya 10:33

dis go mek bred de na di tebul; dɛn go ebul mek dɛn sakrifays we dɛn de pul gren ɛn dɛn sakrifays we na fɔ bɔn, fɔ dɛn sakrifays we dɛn kin mek di de we mek sɛvin we na fɔ blo, di Nyu Mun Fɛstival ɛn dɛn ɔda de dɛn we dɛn dɔn pik, fɔ dɛn sin sakrifays we na fɔ beg fɔ Izrɛl ɛn fɔ ɔl di ɔda tin dɛn we dɛn go gɛt fɔ de du na PAPA GƆD in os.

1 Kronikuls 23:29

fɔ ɛp fɔ de mek di oli bred, fɔ ɛp bit di flawa fɔ di sid ɔfrin, fɔ ɛp mek di bred we nɔ gɛt yist, di ɔfrin we dɛn de bek ɛn di ɔfrin dɛn we miks wit, ɛn fɔ de mɛnshɔ tin dɛn bay dɛn kwantiti, wet ɛn sayz.

Ɛksodɔs 25:30

Yu fɔ put di bred we fɔ ɔfa to PAPA GƆD na di tebul fɔ mi ɛvri de, ɛn di tebul nɔ fɔ kɔmɔt bifo di Kɔvinant bɔks.

1 Samiɛl 21:7

Doɛg we na di bigman fɔ dɛn man dɛn we bin de mɛn Sɔl in ship dɛn, bin de de. Na bin Idɔmayt ɛn i bin de wet na PAPA GƆD in os fɔ sɔntin.

2 Kronikuls 13:11

Dɛn de mek mek bɔn sakrifays ɛn bɔn insɛns dɛn we de smɛl swit fɔ PAPA GƆD, put put di sho bred na di tebul we dɛn tek piɔ gold ɛn sibɔt di gold lamp stand so dat in lamp dɛm go de dɔn ɛvri ivin; wi de du wetin PAPA GƆD we na wi Gɔd se, bɔt una dɔn tɔn una bak pan am.