Lɛvitikɔs 24:11 - Krio Fɔs Oli Baybul

¹¹ we mek di wan we nɔto piɔ Izrɛlayt tɔk bad bɔt da Nem ɛn yuz am fɔ swɛ. Sɔm pipul we yɛri am kɛr am go to Mozis. In mama bin nem Shelomit we na bin Dibri in gyal pikin ɛn i kɔmɔt na Dan fambul.

Lɛvitikɔs 24:11 Referans Kwoze

Ayzaya 8:21

Dɛn go pas insay di land wit bad bad pwɛl at ɛn aŋri; we dɛn aŋri, dɛn kin vɛks bad bad wan ɛn kin kɔs dɛn kiŋ dɛn ɛn dɛn Gɔd, ɛn dɛn kin es dɛn fes ɔp;

Job 2:5

I se if PAPA GƆD go jɛs tret in an ɛn mek i sik, i mɔs kɔs am nain fes.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Ɛksodɔs 18:26

Na dɛn man dɛn yaso naw bin de jɔj dɛn smɔl smɔl kes. Na dɛn traŋa kes nɔmɔ dɛn bin de kɛr to Mozis.

Ɛksodɔs 18:22

I se na dɛn lida dɛn de go de jɔj dɛn smɔl, smɔl kes dɛn. Nɔ dɛn big big kes nɔmɔ dɛn go kɛr go to Mozis. I se da tɛm de di wok go layt ɛn izi fɔ am bikɔs dɛn go de ɛp am.

Ɛksodɔs 3:15

PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”

Rɛvɛleshɔn 16:21

Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Rɛvɛleshɔn 16:11

dɛn bigin kɔs Gɔd na ɛvin fɔ di pen we dɛn bin de sɔfa ɛn dɛn so we bɔs pan dɛn. Pan ɔl dat, dɛn nɔ gri lɛf di bad bad tin dɛn we dɛn bin de du.

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

Lɛta Fɔ Rom 2:24

Gɔd in Buk se, “Na una dɛn Ju pipul de mek dɛn pipul we nɔto Ju tɔk bad bɔt Gɔd.”

Matyu 26:65

Wɛn di edman fɔ dɛn man we de mek sakrifays fɔ pipul sin yɛri wetin Jizɔs tɔk, i vɛks ɛn chɛr in klos, i se, “Dis man dɔn tɔk bad bɔt Gɔd. Wi nɔ want mɔ witnɛs fɔ tɔk wetin i du! Una ɔl jɛs yɛri we i tɔk bad bɔt Gɔd!

Di Sam Dɛm 74:22

Grap nɔ PAPA GƆD, mek yu fɛt fɔ yusɛf; mɛmba aw dɛn wan we nɔ no dɛn lɛf frɔm dɛn rayt de laf yu ol de.

Di Sam Dɛm 74:18

PAPA GƆD mɔs mɛmba aw yu ɛnimi dɛn dɔn de provok yu, aw ivin di fulish pipul de laf yu nem.

Job 1:22

Pan ɔl wetin bi, Job nɔ sin ɛn i nɔ blem PAPA GƆD.

Job 1:11

Setan se, if PAPA GƆD go jɛs tret in an ɛn tek ɔl wetin i bin dɔn gi Job, i go mɔs tɔk bad bɔt am bifo in fes.

Job 1:5

Ɛvri mɔnin afta di pati kin dɔn, Job kin mek shɔ se i sɛn go was dɛn; spɛshal was fɔ mek shɔ se dɛn klin na PAPA GƆD yay; i kin grap ali mɔnin mek bɔn ɔfrin fɔseka dɛn ɔl. I kin tink se sɔntɛm we dɛn de na di pati, dɛn dɔn du ɔ se sɔntin we go dɔn mek PAPA GƆD vɛks pan dɛn. Na so Job bin de du ɔltɛm.

2 Kiŋ 19:22

Na udat yu tink se yu de kɔs ɛn fityay? Na udat yu tink se yu de tɔk bad bɔt ɛn de kak pan? Na pan mi we na Izrɛl dɛn PAPA GƆD?

2 Kiŋ 19:10

lɛ i nɔ abop pan di gɔd we de mek am ful se Jerusɛlɛm nɔ go fɔdɔm na di kiŋ na Asiria in trap bikɔs in no se

2 Kiŋ 19:6

i tɛl dɛn se lɛ dɛn tɛl di kiŋ se PAPA GƆD se lɛ i nɔ fred, lɛ i nɔ yɛk sɛf, pan ɔl we di kiŋ na Asiria in bɔbɔ dɔn tɔk bad bɔt am.

2 Kiŋ 18:37

Ilkaya in bɔypikin we na di administretɔ na di kiŋ in os in bɔypikin we na Ilayakim wit Shɛbna we na sɛktri ɛn Joa we na Esaf we de rayt in bɔypikin go to Kiŋ Ɛzikaya wit chɛr-chɛr klos ɛn tɛl am ɔl wetin di fil kɔmanda na Asiria se.

2 Kiŋ 18:35

Uswan pan ɔl dɛn gɔd dɛn na dɛn kɔntri dɛn de dɔn ebul fɔ pul in kɔntri na mi an? Wetin mek una tink se PAPA GƆD go ebul pul Jerusɛlɛm kɔmɔt na mi an?”

2 Kiŋ 18:30

Una nɔ lɛ Ɛzikaya mek una chenj una maynd fɔ trɔs pan PAPA GƆD we i de tɛl una se PAPA GƆD go mɔs pul una na di kiŋ in an, i nɔ go mek di kiŋ na Asiria kapchɔ di siti.

1 Kiŋ 21:13

Di tu badman dɛnsɛf go sidɔm bifo Nebɔth ɛn lay pan am se dɛn yɛri we i de tɔk bad bɔt PAPA GƆD ɛn di kiŋ. Di pipul dɛn pul Nebɔth kɔmɔt na di siti ɛn ston am te i day.

1 Kiŋ 21:10

Dɔn lɛ dɛn fɛn tu bad man dɛn we go lay pan Nebɔth se i tɔk bad bɔt PAPA GƆD ɛn di kiŋ, dɔn lɛ dɛn pul am kɔmɔt de ɛn ston am te i day.

2 Samiɛl 12:14

Bɔt bikɔs i du so, i dɔn mek PAPA GƆD in ɛnimi dɛn nɔ de luk am wit bɛtɛ yay ɛn di pikin we Bathshiba go bɔn go day.

Ɛksodɔs 22:28

“Una nɔ fɔ tɔk bad bɔt PAPA GƆD ɔ di wan dɛn we de lid una.

Lɛvitikɔs 24:10

Wande wan man we in mama na Izrɛlayt bɔt in papa na Ijipshian go mit di wan dɛn we dɛn mama ɛn papa na Izrɛlayt; dɔn in ɛn wan pan dɛn mek plaba,