Lɛvitikɔs 23:3 - Krio Fɔs Oli Baybul

³ Na siks de nɔmɔ dɛn fɔ wok; bɔt di de we mek sɛvin na de fɔ blo, na de we fɔ gɛda ɛn wɔship PAPA GƆD; nɔ fɔ du nɔn wok, na di de we mek sɛvin we na de fɔ PAPA GƆD, i lɛk usay dɛn de.

Lɛvitikɔs 23:3 Referans Kwoze

Lɛvitikɔs 19:3

I se ich wan pan dɛn fɔ rɛspɛkt in mama ɛn papa, du wetin in we na PAPA GƆD se fɔ du di de we mek sɛvin we na fɔ blo bikɔs nain na PAPA GƆD we na dɛn GƆD.

Ɛksodɔs 23:12

Na siks de nɔmɔ una fɔ wok fɔ, dɔn di de we mek sɛvin una fɔ blo. Una fɔ mek dɛn slev we de wok fɔ una, dɛn fɔrina ɛn dɛn animal dɛnsɛf blo.

Lyuk 13:14

Bɔt di bigman na di Ju mitin os bin vɛks bikɔs Jizɔs mɛn di sik uman di de we fɔ pre ɛn blo, so i tɛl di pipul dɛn we bin go fɔ pre se, “Na siks de pɔsin fɔ wok, so una fɔ kam wan pan dɛn de ya fɔ mek Jizɔs mɛn una; bɔt una nɔ fɔ kam di de fɔ pre ɛn blo fɔ mek i mɛn una.”

Ɛksodɔs 34:21

“Una gɛt siks de na di wik fɔ wok, bɔt di de we mek sɛvin una nɔ fɔ wok, i lɛk sɛf na di tɛm fɔ plant ɔ avɛst.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Apɔsul Dɛn Wok 15:21

I dɔn te we dɛn de rid di Lɔ we Gɔd gi Mozis, dɛn de go ɔlsay fɔ tɛl pipul wetin Mozis bin tɔk.”

Lyuk 23:56

dɛn tɔn bak fɔ go tek spays ɛn sɛnt fɔ kam put dɛn pan di bɔdi. Na bin di de fɔ pre ɛn blo, so dɛn du lɛkɛ aw di Ju Lɔ se, dɛn blo.

Ayzaya 58:13

If yu rɛspɛkt di de fɔ blo ɛn rɛst de ɛn nɔ du wetin yu lɛk fɔ du na mi oli de, ɛn kɔl di de fɔ blo ɛn rɛst we, de we yu gladi fɔ, ɛn kɔl di de fɔ blo ɛn rɛst, tɛn we una gladi fɔ ɛn PAPA GƆD in oli de, de we fɔ ɔna; if yu ɔna am, ɛn nɔ du wetin yu want fɔ du, ɔl fala yu yon ɛnjɔymɛnt, ɔ de tɔk aydul tɔk;

Ayzaya 56:6

“Ɛn di fɔrina dɛn we jɔyn dɛnsɛf to PAPA GƆD, fɔ sav am, fɔ lɛk PAPA GƆD in nem, ɛn fɔ bi in wokman dɛm, ɔlman we de kip di de fɔ blo ɛn rɛst ɛn nɔ de bamfa am, ɛn ol mi Kɔvinant tayt-

Ayzaya 56:2

Di man we de du dis go gɛt blɛsin, ɛn di mɔtalman we ol am tayt, dat na di wan we de kip di de fɔ blo ɛn rɛst, ɛn nɔ de bamfa am, ɛn nɔ put an pan ɛni bad tin.”

Ɛksodɔs 16:29

Dɛn go si se a dɔn gi dɛn wande fɔ blo, ɛn na dat mek di de we fɔ mek siks de, a kin gi dɛn it ɔltɛm we go las dɛn fɔ tu de. So di de we mek sɛvin, ɔlman fɔ de nain yon ples nɔbɔdi nɔ fɔ krɔs in domɔt.”

Ɛksodɔs 16:23

Mozis tɛl dɛn se, PAPA GƆD se di nɛks de na oli de to PAPA GƆD fɔ ɔna am ɛn fɔ blo. I se dɛn fɔ bek ɔ kuk bɔku it we go de fɔ it di nɛks de.

Ɛksodɔs 16:30

Di pipul dɛnsɛf blo di de we mek sɛvin, dɛn nɔ du nɔn wok.