Lɛvitikɔs 23:2 - Krio Fɔs Oli Baybul

² mek i tɛl di Izrɛlayt dɛn se, na dɛn de dɛn we in PAPA GƆD dɔn pik fɔ mit am, we dɛn go gɛda fɔ wɔship PAPA GƆD, i de kam tɛl dɛn so.

Lɛvitikɔs 23:2 Referans Kwoze

Lɛvitikɔs 23:37

I se na di de dɛn we PAPA GƆD dɔn pik fɔ mit am, we dɛn go gɛda fɔ wɔship GƆD ɛn we dɛn go gi ɔfrin to PAPA GƆD na faya wɛda na bɔn ɔfrin ɔ na sid ɔfrin, ɔda sakrifays dɛn ɛn drink ɔfrin di de we dɛn fɔ du am.

Lɛvitikɔs 23:4

Na di fist dɛn dɛnwanya fɔ PAPA GƆD; di tɛm dɛn we dɛn fɔ gɛda bifo PAPA GƆD, we una sɔpoz fɔ du we di tɛm rich.

Joɛl 2:15

Blo di trɔmpɛt na Zayɔn; mek lɛ ɔlman fast; I se fɔ lɛ dɛn ɔl gɛda wan ples fɔ pre,

Ozie 2:11

Na so a go tek tɛm tap ɔl in ladida we i kin mek fɔ di ful mun fɛstival dɛn, di sɛvin de we na fɔ pre ɛn blo ɛn ɔl dɛn ɔda ɔlide dɛn.

Di Sam Dɛm 81:3

Blo di trɔmpɛt we mun ful, fɔ sho se tɛm dɔn rich fɔ bigin di sɛlibreshɔn;

Di Nɔmba Dɛm 29:39

Dɛn fɔ mek dɛn sakrifays ya to PAPA GƆD wɛn dɛn gɛt dɛn spɛshal gladi-gladi. Di wan we na fɔ bɔn, di sid sakrifays, di drink sakrifays ɛn di pis sakrifays. Dɛn ɔl fɔ ad to wetin dɛn bin dɔn se dɛn go du ɛn ɛni ɔda wan we dɛn fil fɔ mek.

Di Nɔmba Dɛm 10:10

Dɛn igen, ɛnitɛm we una gɛt gladi-gladi, dɛn tɛm we una kin gɛt ɔlide ɛn we una kin mek smɔl tin fɔ sɛlibret di Nyu Mun, una blo di trɔmpɛt dɛn we una de bɔn animal as sakrifays ɛn mek pis sakrifays, so dat a go de mɛmba una. Na mi na PAPA GƆD we na una GƆD.

Jɔn 5:1

Wɛn dat dɔn, Jizɔs go na Jerusɛlɛm wan Ju ɔlide.

Neum 1:15

Lɔd o! Na wi tɛm dɔn kam so. Sɔmbɔdi de pantap di mawnten de ala se di Asirian dɛn yon dɔn dɔn, so una fɔ kɔntinyu wit una sɛlibreshɔn ɛn gi PAPA GƆD wetin una bin dɔn se una go gi am bikɔs i go nyamanyama di Asirian ɛn dɛn nɔ go ambɔg una igen

Joɛl 1:14

I se dɛn fɔ mek dɛn fast, dɛn ɔl gɛda wan ples, Fɔ gɛda ɔl di bigman dɛn ɛn ɔlman we tap na di land, dɛn fɔ mit na PAPA GƆD we na dɛn GƆD in os; ɛn kray to PAPA GƆD.

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

Ayzaya 33:20

Luk Zayɔn, di siti we PAPA GƆD dɔn pik fɔ de sɛlibret wi fist dɛm! Una yay dɛm go si Jerusɛlɛm, kwayɛt say fɔ tap, tɛnt we nɔ de muf, we dɛn nɔ go ɛva rut in in pɛg dɛn na grɔn, ɛn dɛn nɔ go ebul kɔt nɔn pan in rop dɛm.

2 Kronikuls 30:5

So mek dikri se fɔ anawns ɔlsay na Izrɛl frɔm Biashiba te rich Dan, mek di pipul dɛm go kam ɛn kip di pasova to PAPA GƆD in Gɔd na Jerusɛlɛm; bikɔs dɛn nɔ bin kip am wit bɔku pipul dɛm akɔdin to aw di lɔ se if ɔ bi.

2 Kiŋ 10:20

Jeu gi ɔda se lɛ dɛn mek anawnsmɛnt se na big big okezhɔn dɛn de mek fɔ ɔna Beal. Dɛnsɛf du dat.

Lɛvitikɔs 23:44

Na so Mozis tek tɛl di Izrɛlayt dɛn wetin fɔ du di tɛm dɛn we PAPA GƆD pik fɔ mit wit am.

Lɛvitikɔs 23:21

Fɔ mek anawnsmɛnt da sem de de so dat pipul dɛn go gɛda fɔ wɔship PAPA GƆD; dɛn nɔ fɔ du dɛn nɔmal wok we dɛn kin du ɛvride; na tin dis we na lɔ ɛn i fɔ bi na ɔl di jɛnareshɔn, i lɛk usay dɛn de.

Ɛksodɔs 32:5

Erɔn bil ɔlta bifo di lay lay gɔd ɛn tɔk se di nɛks de dɛn go mek big sɛlibreshɔn fɔ ɔna PAPA GƆD.

Lɛta Fɔ Kɔlɔse 2:1

A want mek una no aw a wok traŋa fɔ una ɛn fɔ dɛn Kristiɛn na Laodisya ɛn fɔ ɔl dɛn ɔda pipul we nɔ no mi yet bikɔs dɛn nɔ mit mi yet.

Lɛta Fɔ Kɔlɔse 2:16

So una nɔ mek ɛnibɔdi tɛl una wetin una fɔ it ɔ wetin una fɔ drink; us pati kla de dɛn pan di ia fɔ pre to Gɔd; us de pan di mɔnt fɔ mek sɔntin fɔ mɛmba di nyu mun; us de pan di wik fɔ pre ɛn blo.

Lɛvitikɔs 23:1

PAPA GƆD tɛl Mozis se,

1 Kronikuls 23:31

ɛn ɛnitɛm we dɛn de ɔfa bɔn sakrifays to PAPA GƆD, di oli de we dɛn kɔl de fɔ blo ɛn rɛst, dɛn nyu mun fɛstival ɛn di de dɛn we dɛn kin mek dɛn fist dɛn, bay ɔmɔs pipul dɛn go want, ɔltɛm bifo PAPA GƆD.

Izikɛl 44:24

Wɛn plaba de, na dɛn go bi di jɔj, ɛn dɛn go jɔj bay aw mi jɔjmɛnt dɛn se. Dɛn go kip mi lɔ dɛn ɛn mi kɔmand dɛm pan ɔl mi fist dɛn we a dɔn chuz, ɛn dɛn go kip mi de fɔ blo ɛn rɛst oli.

2 Kronikuls 2:3

Ɛn Sɔlɔmɔn sɛn wɔd to Uram di kiŋ na Taya, Lɛk aw yu du fɔ mi papa ɛn sɛn sida tik fɔ am fɔ bil os fɔ insɛf fɔ tap insay, du so to mi.”

Ɛzra 3:5

Dɔn igen dɛn mek di yuzhwal sakrifays we dɛn kin mek, dat na fɔ bɔn animal as sakrifays na faya ɛn di nyu mun fɛstival in yon sakrifays. Bak igen dɛn bin mek di ɔda sakrifays dɛn we dɛn bin de du ɛvri ia. Tɛm kin de we dɛn kin jɛs gi sakrifays to PAPA GƆD ɛnitɛm we dɛn fil fɔ.