Lɛvitikɔs 23:10 - Krio Fɔs Oli Baybul

¹⁰ mek i tɛl di Izrɛlayt dɛn se, wɛn dɛn rich na di land we i de gi dɛn, ɛn bigin avɛst di tin dɛn we dɛn plant, di fɔs bɔndul pan di bali we dɛn pul, na fɔ gi di man we de mek sakrifays fɔ pipul sin;

Lɛvitikɔs 23:10 Referans Kwoze

Ɛksodɔs 34:26

Una fɔ briŋ di fɔs tin we una avɛst na una fam ɛvri ia to una PAPA GƆD PAPA GƆD in os. Nɔ kil yɔŋ got ɔ ship we de sɔkul ɛn it am wit in milk.”

Ɛksodɔs 23:19

Na di bɛst pat pan wetin una avɛst na una gadin una fɔ briŋ kam to mi PAPA GƆD una PAPA GƆD as sakrifays. Una nɔ kuk got pikin we de sɔk bɔbi.

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Ditarɔnɔmi 16:9

Mozis tɛl di Izrɛlayt dɛn se dɛn fɔ kɔnt sɛvin wik frɔm di tɛm we dɛn bigin avɛst di tin dɛn we dɛn plant na dɛn fam.

Di Nɔmba Dɛm 28:26

“Wɛn dɛn de gi PAPA GƆD dɛn sakrifays, di de we dɛn avɛst di fɔs tin dɛn we gro, ɛn dɛn de mek fɛstival fɔseka dat, dɛn fɔ mek ɔlman gɛda ɛn du di tin dɛn we oli. Dɛn nɔ fɔ du nɔn wok, da de de.

Izikɛl 44:30

Ɛn di fɔs wan pan ɔl di fɔs frut dɛn, ɔl kayn, ɛn ɔl ɔfrin, ɔlkayn, pan ɔl una ɔfrin dɛn, go blant di man we de mek sakrifays fɔ pipul sin dɛm; sɛf una go gi di fɔs pat pan una kos mil to di man we de mek sakrifays fɔ pipul sin dɛm so dat blɛsin go lɛf na una os.

Di Nɔmba Dɛm 15:2

i se “Tɛl di Izrɛlayt dɛn se we dɛn dɔn go insay di land we a de gi dɛn fɔ tap

Lɛvitikɔs 23:17

Fɔ pul tu lof bred we dɛn mek wit sikstin kɔp fayn flawa ɛn we dɛn bek wit yist kɔmɔt ɛnisay we dɛn de, so dat di man we de mek sakrifays fɔ pipul sin go gi am as spɛshal prɛzɛnt to PAPA GƆD as di fɔs tin we dɛn avɛst.

Ɛksodɔs 34:22

“Una fɔ sɛlibret di avɛst fɛstival wɛn una bigin avɛst wit, dɔn una sɛlibret di las fɛstival we di ia de dɔn we una kin avɛst una frut ɛn di balans tin dɛn we una plant.

Ɛksodɔs 23:16

Di sɛkɛn ɔlide na di wan we briŋ di fɔs tin dɛn we una avɛst. Dat na dɛn sid we una plant. Di las wan na di ɔlide fɔ avɛst una frut dɛn we kin mek una slip na bafa.

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

Lɛta Fɔ Rom 11:16

If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Jɔshwa 3:15

Di tɛm we ɔl dis bin de bi, na bin di tɛm we pipul kin avɛst, ɛn na datɛnde Riva Jɔdan kin ful te i ovaflo. Di man dɛn we de mek sakrifays fɔ pipul sin we tot di Kɔvinant bɔks put dɛn fut insay di wata.

Lɛvitikɔs 14:34

wɛn dɛn rich na di land we i de gi dɛn na Kenan we nain i de gi dɛn as dɛn prɔpati, we i mek di wɔl dɛn na di os dɛn miliju,

Lɛvitikɔs 23:9

PAPA GƆD tɛl Mozis se,

Lɛvitikɔs 23:11

ɛn in naw fɔ gi am lɛk se na spɛshal prɛzɛnt i de gi PAPA GƆD, so dat i go tek am; na di mɔnin afta dɛn dɔn blo, di man we de mek sakrifays fɔ pipul sin fɔ gi am lɛk spɛshal prɛzɛnt.

Ruth 1:22

So Naomi tɔn bak wit Ruth we nain Moabayt dɔtɛnlɔ, kɔmɔt na Moab. Di tɛm we dɛn rich Bɛtliɛm, na di tɛm we dɛn bin de bigin fɔ avɛst bali.