Lɛvitikɔs 22:10 - Krio Fɔs Oli Baybul

¹⁰ Na udat de na di man dɛn we de mek sakrifays fɔ pipul sin dɛn jɛnareshɔn nɔmɔ, fɔ it pan di oli tin dɛn. Ɛnibɔdi we na trenja nain os ɔ we de wok fɔ pe, nɔ fɔ it pan di oli tin dɛn;

Lɛvitikɔs 22:10 Referans Kwoze

Matyu 12:4

I go insay Gɔd in Os ɛn tek di bred we dɛn kin put bifo Gɔd, dɔn i ɛn di man dɛn we bin de wit am it di bred, pan ɔl we di Ju Lɔ se nɔbɔdi nɔ fɔ it da bred de pas dɛn man we de mek sakrifays fɔ pipul sin.

1 Samiɛl 21:6

So Abimɛlɛk insɛf gi am di bred we dɛn kin gi as sakrifays to PAPA GƆD as nain nɔmɔ bin de. Di wan we i gi Devid, na wan we dɛn bin dɔn pul na di tebul fɔ put frɛsh wan.

Ɛksodɔs 29:33

Dɛn fɔ it ɔl wetin dɛn yuz fɔ di sakrifays we dɛn mek fɔ lɛ a fɔgiv dɛn sin di tɛm we dɛn bin de Ɔden. Bikɔs dis it yaso na it we dɔn kɔnsikret, na man dɛn we de mek sakrifays fɔ pipul sin nɔmɔ fɔ it am.

Ɛksodɔs 12:45

bɔt ɛni trenja we kam tap to una fɔ shɔt tɛm nɔmɔ ɔ ɛni wokman we una gɛt nɔ fɔ it pan am.

Lɛvitikɔs 22:13

Bɔt if di gyal pikin in man dɔn day, ɔ i dɔn drɛb am na os ɔ i nɔ bɔn pikin we go kia fɔ am, we mek i go bak nain papa in os, lɛkɛ se in na pikin stil, i kin it pan in papa in it bɔt nɔn ɔda pɔsin na di os we na trenja nɔ fɔ it de.

Di Nɔmba Dɛm 3:10

Erɔn ɛn in bɔypikin dɛn, na dɛn Mozis fɔ pik fɔ bi di wan dɛn we go de mek sakrifays fɔ di pipul dɛn sin; PAPA GƆD se if ɛni ɔda pɔsin du dis wok i fɔ day.

Ɛksodɔs 12:43

PAPA GƆD tɔk to Mozis ɛn Erɔn. I se, “Na dɛn lɔ yaso una fɔ kip we una fɔ sɛlibret pasova: Nɔn fɔrina nɔ fɔ it pan am.

Lɛvitikɔs 21:22

I kin it pan it we dɛn de gi PAPA GƆD, dat na ɔl di it we oli,

1 Samiɛl 21:7

Doɛg we na di bigman fɔ dɛn man dɛn we bin de mɛn Sɔl in ship dɛn, bin de de. Na bin Idɔmayt ɛn i bin de wet na PAPA GƆD in os fɔ sɔntin.

Ɛzra 2:63

So di gɔvna tɛl dɛn se dɛn nɔ fɔ it pan di sakrifays te wan ɔda man de we de sakrifays fɔ pipul sin. In go yuz di Yurim ɛn Thumim, dat na di tin we dɛn kin yuz lɛkɛ yu de luk grɔn.

Izikɛl 44:8

Ɛn una nɔ tek kia ɔf mi oli tin dɛm; bɔt una put fɔrina dɛm fɔ kia fɔ di ples we una de pre to mi.