Lɛvitikɔs 21:6 - Krio Fɔs Oli Baybul

⁶ Dɛn fɔ oli fɔ PAPA GƆD ɛn nɔ put shem pan PAPA GƆD in nem; dɛn de mek sakrifays na faya to PAPA GƆD, ɛn nain it so dɛn fɔ oli.

Lɛvitikɔs 21:6 Referans Kwoze

Lɛvitikɔs 18:21

PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk bikɔs dat go mek dɛn put shem pan PAPA GƆD in nem. I se nain na PAPA GƆD.

Lɛvitikɔs 3:11

Dɔn di man dɛn we de mek sakrifays fɔ pipul sin, go bɔn dɛn na di ɔlta as it we dɛn mek na faya to PAPA GƆD.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Izikɛl 44:7

dat na we una de mek fɔrena, dɛn wan dɛn we dɛn at ɛn flɛsh nɔ sakɔmsayz, fɔ kam na di ples we una de pre to mi, ɛn mek am dɔti na mi yay, we una de ɔfa mi it, di fat ɛn di blɔd. Una dɔn brok mi Kɔvinant ɛn dis ad to ɔl di tin dɛn we una de du we a et bad bad wan.

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

Ɛzra 8:28

A tɛl di man we de mek sakrifays fɔ pipul sin se, lɛkɛ we dɛn dɔn kɔnsikret dɛn ɛn dɛn tiŋs dɛn so, na fɔ lɛ dɛn de fɔ PAPA GƆD. A tɛl dɛn se di silva ɛn gold na tiŋs dɛn we dɛn gi PAPA GƆD bikɔs dɛn fil fɔ gi an de. PAPA GƆD we na dɛn fɔstɛm-papa dɛn GƆD.

Lɛvitikɔs 21:8

I se di pipul dɛnsɛf fɔ trit dɛn lɛkɛ se dɛn oli bikɔs na dɛn de gi PAPA GƆD it so dɛn fɔ oli as in PAPA GƆD we de mek dɛn oli, insɛf oli.

Lɛvitikɔs 19:12

Nɔ yuz PAPA GƆD in nem fɔ swɛ mek pɔsin biliv dɛn we dɛn de lay, bay dat dɛn de sho se dɛn nɔ rɛspɛkt PAPA GƆD: nain na PAPA GƆD we na dɛn GƆD.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Ɛksodɔs 29:44

“A go kɔnsikret di Tɛnt ɛn mek am oli; a go kɔnsikret Erɔn ɛn in bɔypikin dɛn ɛn mek dɛn de sav mi as man dɛn we de mek sakrifays fɔ pipul sin.

Ɛksodɔs 28:36

“Mek piɔ gold krawn ɛn rayt pan am. “Oli fɔ PAPA GƆD”.

Ɛksodɔs 19:22

Dɛn man dɛn we de mek sakrifays fɔ pipul sin we de kam nia mi fɔ mek shɔ se dɛn mek dɛnsɛf piɔ, ɔ nɔ so a go pɔnish dɛn.

Lɛvitikɔs 21:17

mek i tɛl Erɔn se nɔn pan in pipul na ɔl in jɛnareshɔn, we go gɛt bɔt pan am, nɔ go gi PAPA GƆD it.

Lɛvitikɔs 21:21

nɔbɔdi we na Erɔn in jɛnareshɔn we gɛt bɔt nɔ go go nia di ɔlta se i de mek ɔfrin na faya to PAPA GƆD; as i gɛt bɔt, i nɔ fɔ go nia di ɔlta fɔ gi PAPA GƆD it.

Lɛvitikɔs 20:3

I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.

Lɛvitikɔs 21:23

bɔt i nɔ fɔ go nia di klos we ɛŋ na di domɔt ɔ di ɔlta bikɔs i gɛt bɔt ɛn i go put shem pan di tɛnt usay dɛn kin mit PAPA GƆD wit ɔl wetin de de; bikɔs nain na PAPA GƆD we de mek dɛn oli.

Di Nɔmba Dɛm 16:5

tɛl Kora wit in gɛŋ se bay mɔnin PAPA GƆD go lɛ dɛn no udat na udat, we min se PAPA GƆD go sho dɛn udat nain yon ɛn udat oli. I tɛl dɛn se na da pɔsin de PAPA GƆD go drɔ klos am.

Di Nɔmba Dɛm 28:2

“Gi di Izrɛlayt dɛn dis ɔda. Tɛl dɛn se dɛn fɔ mek shɔ se di tɛm we a dɔn se, nain dɛn fɔ bɔn it as sakrifays to mi we go pul fayn sɛnt we go mek a gladi.