Lɛvitikɔs 21:5 - Krio Fɔs Oli Baybul

⁵ I se dɛn nɔn nɔ fɔ krep wan pat pan dɛn ed fɔ mek bɔled, nɔ fɔ skrep pan di ia we de na dɛn dɛn fes in sayd ɔ shep dɛn biabia lɛk got ɔ mak mak idɛn bɔdi.

Lɛvitikɔs 21:5 Referans Kwoze

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Izikɛl 44:20

Dɛn nɔ go shev dɛn ed ɔ gro dɛn ia lɔŋ wan; dɛn go jis de trim di ia na dɛn ed.

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.

Emɔs 8:10

A go tɔn ɔl una gladi-gladi to bɛrin ɛn chenj una gladi siŋ to bɛrin siŋ. A go mek una krep una ed ɛn wɛr saklɔth, una go tan lɛk we man ɛn uman de kray fɔ dɛn waŋren pikin. Da de de go bita fɔ una sote go.”

Jɛrimaya 48:37

“Bikɔs dɛn dɔn krep ɔl dɛn ed ɛn shev ɔl dɛn bia bia; wund wund de na ɔl dɛn ed ɛn saklɔth de na dɛn wes.

Jɛrimaya 16:6

Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Ayzaya 15:2

Daybɔn in gyal pikin dɔn go ɔp na di ay ples dɛn fɔ go kray; Moab de kray fɔ Nibo ɛn Mɛdiba. Ɔlman krep in ed, ɛn ɔlman shev in bia bia;

Lɛvitikɔs 10:6

Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Lɛvitikɔs 21:4

If na bay mared dɛn fambul to di pɔsin, dɛn nɔ fɔ mek dɛnsɛf nɔ klin na PAPA GƆD yay.

Izikɛl 5:1

“Yu mɔtalman, tek wan shap sɔd, ɛn yuz am lɛk reza bled we baba dɛn kin yuz ɛn krep yu ed, ɛn yu bia bia; dɛn tek wan skel, we di ia ɛn sheb am.