Lɛvitikɔs 20:8 - Krio Fɔs Oli Baybul

⁸ Dɛn fɔ du wetin i se bikɔs nain na PAPA GƆD ɛn i go mek dɛn oli.

Lɛvitikɔs 20:8 Referans Kwoze

Ɛksodɔs 31:13

“Tɛl di Izrɛlayt dɛn se, dɛn ɔl fɔ sho rɛspɛkt fɔ di de fɔ pre ɛn blo, na dat go mek ɔl di jɛnareshɔn we go kam afta una no se sɔntin de bitwin mi ɛn una, ɛn sho igen se na mi PAPA GƆD dɔn pik una as mi yon pipul.

Jems 1:22

Una fɔ du wetin Gɔd in wɔd se. Pɔsin we jɛs de lisin Gɔd in wɔd nɔmɔ, bɔt i nɔ de du wetin i se, de mek insɛf ful.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Lɛvitikɔs 21:8

I se di pipul dɛnsɛf fɔ trit dɛn lɛkɛ se dɛn oli bikɔs na dɛn de gi PAPA GƆD it so dɛn fɔ oli as in PAPA GƆD we de mek dɛn oli, insɛf oli.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Jɔn 13:17

Naw we una dɔn no dat, una go gɛt big blɛsin if una du wetin a tɛl una fɔ du.

Matyu 12:50

Ɛnibɔdi we du wetin mi Papa we de na ɛvin want am fɔ du, nain na mi tru sista ɛn brɔda ɛn mama!”

Matyu 7:24

“Ɛnibɔdi we de yɛri mi wɔd ɛn du wetin a tɛl am, da pɔsin de tan lɛk pɔsin we gɛt sɛns ɛn bil in os pan rɔk.

Matyu 5:19

Ɛnibɔdi we brok wan pan di lɔ dɛn we Gɔd gi wi, ɛn lan ɔda pipul fɔ brok dɛn, Gɔd go mek da pɔsin de gɛt lo ples pas plɛnti pipul dɛn we i de rul; bɔt ɛnibɔdi we du wetin di Lɔ se ɛn lan ɔda pipul fɔ du di sem tin, Gɔd go mek da pɔsin de gɛt ay ples pas plɛnti pipul dɛn we i de rul.

Izikɛl 37:28

Dɛn di neshɔn dɛm go no se na mi di PAPA GƆD mek Izrɛl oli, wɛn mi ples we dɛn de pre to mi de midul dɛm fɔ ɛva ɛn ɛva, so te go.

Izikɛl 20:12

Pantap dat, a bin gi dɛm mi de fɔ blo ɛn rɛst as sayn bitwin mi ɛn dɛn, so dat dɛn go no se na mi PAPA GƆD de mek dɛn oli.

Lɛvitikɔs 19:37

I se dɛn nɔ fɔ fɔgɛt fɔ du ɔl wetin in dɔn se bikɔs nain na PAPA GƆD.

Matyu 23:17

Una na blɛnyay pipul we ful! Na Gɔd in Os impɔtant pas di gold, bikɔs na Gɔd in Os mek di gold bi Gɔd yon.

Lɛvitikɔs 19:19

I se na fɔ du wetin in se. Nɔ fɔ mek tu difrɛn animal we pɔsin de mɛn bɔn pikin togɛda; nɔ fɔ plant tu difrɛn sid na di sem fil; ɛn nɔ fɔ wɛr klos we na tu difrɛn kayn matirial dɛn tek fɔ so am.

Lɛvitikɔs 20:26

I se dɛn gɛt fɔ oli lɛkɛ aw PAPA GƆD oli ɛn dɛn na PAPA GƆD yon pipul we mek dɛn difrɛn frɔm di ɔda wan dɛn.

Lɛvitikɔs 22:32

Ɛn nɔ fɔ du ɛnitin we go put in nem pan shem bɔt we go mek di Izrɛlayt dɛn si se i oli; I se nain na PAPA GƆD we de mek dɛn oli,