Lɛvitikɔs 20:5 - Krio Fɔs Oli Baybul

⁵ dɛn nɔto di man nɔmɔ PAPA GƆD go dison, i go dison in famili ɛn ɔl udat de fala am pan wetin i de du we i de biev lɛk rare gyal to Molɛk we na ɔda gɔd.

Lɛvitikɔs 20:5 Referans Kwoze

Di Sam Dɛm 106:39

Dɛn nɔnsɛns dɛnsɛf bay wetin dɛn du, dat mek dɛn biev lɛk rare gyal.

Ozie 2:13

A go mek i sɔfa fɔ dɛn tɛm we i de mek gladi-gladi fɔ Beal we kin mek i bɔn insɛns to am ɛn drɛs wit riŋ ɛn ɔda aŋins ɛn shekins, go mit in man dɛn ɛn fɔgɛt bɔt mi. Na so PAPA GƆD se.

Ozie 2:5

Dɛn mama na bin rare gyal ɛn na wit da kayn shem de i bɔn dɛn. I se in go fala di man dɛn na we de gi mi it, klos, linin, pafyum ɛn rɔm.

Jɛrimaya 32:39

A go gi dɛm wan at ɛn wan we, so dat dɛn go fred mi sote go fɔ dɛn yon gud, ɛn fɔ dɛn pikin dɛn gud.

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Lɛvitikɔs 17:7

I se dat fɔ mek dɛn lɛf fɔ mek sakrifays to ɔda gɔd dɛn, lɛk dɛn got-dɛbul we de mek lɛ dɛn biev to am lɛk rare gyal. I se dis fɔ bi lɔ na ɔl di jɛnareshɔn sote go.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Lɛvitikɔs 20:4

I se if di ɔda Izrɛlayt dɛn mek nɔ no wetin di man du, ɛn nɔ gri fɔ kil am,

Lɛvitikɔs 20:6

I tɔk bak se if pɔsin biev lɛk rare gyal ɛn go to dɛn wan we kin wek dayman ɔ we kin tɔk bɔt wetin go apin bambay, i go dison da pɔsin de ɛn i nɔ go mek i miks wit in pipul igen

2 Kronikuls 21:11

Pantap dat, i mek ay ples dɛn na di il kɔntri we de na Juda, ɛn mek di pipul dɛn we tap na Jerusɛlɛm, nɔ waka tret wit PAPA GƆD, we mek Juda nɔ waka na PAPA GƆD in rod igen.

Jɛrimaya 44:11

“Fɔseka dat, na dis PAPA GƆD Ɔlmayti we na Izrɛl dɛn Gɔd se: A de tɛl una, a go tay mi at pan una ɛn du una bad ɛn nyakanyaka di wanol Juda.