Lɛvitikɔs 20:3 - Krio Fɔs Oli Baybul

³ I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.

Lɛvitikɔs 20:3 Referans Kwoze

Lɛvitikɔs 18:21

PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk bikɔs dat go mek dɛn put shem pan PAPA GƆD in nem. I se nain na PAPA GƆD.

Izikɛl 5:11

Papa Gɔd we na Gɔd se, wans mi na Gɔd, mi de tɛl una se, fɔ tru tru, bikɔs una dɔn mek di ples we pipul dɛn de pre to mi, dɔti na mi yay, wit ɔl una swɛ swɛ tin dɛn ɛn di bad bad tin dɛn we PAPA GƆD nɔ lɛk, na so a go kil una, a nɔ go luk biɛn sɛf, ɛn a nɔ go sɔri sɛf fɔ una.

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Izikɛl 20:39

“As fɔ una, una Izrɛl, na dis Papa Gɔd we na Gɔd se: if una nɔ de lisin to mi, lɛ ɔlman go sav in laylay gɔd frɔm naw sote go, bɔt una nɔ go ebul fityay mi nem igen wit una prɛzɛnt dɛn ɛn laylay gɔd dɛm.

Di Nɔmba Dɛm 19:20

Bɔt if di pɔsin we nɔ klin ɔ nɔ mek insɛf klin, dɛn fɔ drɛb am kɔmɔt na di kɔmyuniti bikɔs i dɔn bamfa PAPA GƆD in Tɛnt. Dɛn nɔ sprinkul di wata we fɔ mek am klin pan am so i nɔ klin na PAPA GƆD yay.

Lɛvitikɔs 15:31

PAPA GƆD tɛl Mozis ɛn Erɔn se na so dɛn fɔ mek di Izrɛlayt dɛn nɔ day tɛm we dɛn nɔ klin na PAPA GƆD yay bikɔs dɛn nɔ go go na di tɛnt we PAPA GƆD kin mit dɛn na di kamp ɛn pwɛl de.

Pita In Fɔs Lɛta 3:12

Gɔd, we na wi Masta, in yay de pan dɛn pipul we de du rayt ɛn i de yɛri dɛn wɛn dɛn de pre; bɔt i nɔ go mek bɛtɛ fala dɛn wikɛd pipul.”

Lɛvitikɔs 20:4

I se if di ɔda Izrɛlayt dɛn mek nɔ no wetin di man du, ɛn nɔ gri fɔ kil am,

Di Nɔmba Dɛm 19:13

Ɛniwan we nɔ gri fɔ was insɛf fɔ klin na PAPA GƆD yay afta we i ol dedebɔdi, de bamfa PAPA GƆD in Tɛnt. Dɛn fɔ drɛb da pɔsin de mek i kɔmɔt na Izrɛl. Bikɔs dɛn nɔ sprinkul da wata we fɔ mek am klin pan am, i nɔ klin ɛn na so i go de as pɔsin we nɔ klin.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

Lɛvitikɔs 7:20

bɔt if pɔsin it pan di bif wɛn i nɔ klin na PAPA GƆD yay, PAPA GƆD nɔ go kɔnt am as wan pan in pipul dɛn.

Lɛvitikɔs 7:21

Ɛn if ɛnibɔdi tɔch tin we nɔ klin na PAPA GƆD yay, i kin bi mɔtalman ɔ animal ɔ ɛni ɔda tin we nɔ klin na PAPA GƆD yay, dɔn i kam it pan di bif we dɛn sakrifays to PAPA GƆD as pis ɔfrin, PAPA GƆD nɔ go kɔnt da pɔsin de as wan pan in pipul.

Lɛvitikɔs 19:12

Nɔ yuz PAPA GƆD in nem fɔ swɛ mek pɔsin biliv dɛn we dɛn de lay, bay dat dɛn de sho se dɛn nɔ rɛspɛkt PAPA GƆD: nain na PAPA GƆD we na dɛn GƆD.

Lɛvitikɔs 21:6

Dɛn fɔ oli fɔ PAPA GƆD ɛn nɔ put shem pan PAPA GƆD in nem; dɛn de mek sakrifays na faya to PAPA GƆD, ɛn nain it so dɛn fɔ oli.