Lɛvitikɔs 20:2 - Krio Fɔs Oli Baybul

² mek i tɛl di Izrɛlayt dɛn se, ɛni Izrɛlayt ɔ trenja we de na Izrɛl, we de gi in pikin fɔ sakrifays to Molɛk, dɛn fɔ kil am; di ɔda pipul fɔ ston am te i day.

Lɛvitikɔs 20:2 Referans Kwoze

Ditarɔnɔmi 21:21

As dɛn tɔk dat so, ɔl di man dɛn we de na di siti fɔ ston am te i day. I se, dat go mek dɛn go de pul di bad tin dɛn kɔmɔt na Izrɛl, bikɔs, we pipul dɛn yɛri se dɛn kayn tin dɛn de apin, dɛn go de fred fɔ du bad.

Lɛvitikɔs 24:23

So Mozis tɛl ɔl di ɔda Izrɛlayt dɛn wetin PAPA GƆD se; ɛn dɛn kɛr di man we bin tɔk bad bɔt PAPA GƆD, kɔmɔt insay di kamp ɛn ston am te i day. Na so di pipul dɛn tek du wetin PAPA GƆD se.

Lɛvitikɔs 24:14

fɔ tek di man kɔmɔt insay di kamp; dɔn ɔl udat yɛri am we i de swɛ fɔ le dɛn an pantap in ed ɛn di ɔda Izrɛlayt dɛn we de rawnd de fɔ ston am te i day.

Lɛvitikɔs 20:27

I se fɔ ston dɛn wan we kin wek dayman ɔ we kin tɔk bɔt wetin go apin bambay te dɛn day; na dɛn kɔmit sin.

Lɛvitikɔs 18:21

PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk bikɔs dat go mek dɛn put shem pan PAPA GƆD in nem. I se nain na PAPA GƆD.

Apɔsul Dɛn Wok 7:43

Una bin tot di bafa we dɛn kip da gɔd we nem Mɔlɔk ɛn di sta we una mek we fiba una gɔd, Refan in sta; una mek dɛn tin ya fɔ pre to dɛn; a go mek dɛn kɛr una go fawe pas Babilɔn sɛf.’

Izikɛl 23:39

Bikɔs dɛn dɔn kil dɛn pikin dɛm as sakrifays to dɛn lay lay gɔd dɛn, di sem de, dɛn de kam insay mi ples we dɛn de pre to mi kam dɔti am. Fɔ tru, na dis dɛn de du na mi os.

Izikɛl 23:37

Bikɔs dɛn dɔn kɔmit adɔltri, ɛn blɔd de na dɛn an; dɛn dɔn kɔmit adɔltri wit dɛn lay lay gɔd dɛm; sɛf dɔn gi mi bɔypikin dɛn we dɛn bɔn fɔ mi to lay lay gɔd fɔ it.

Izikɛl 20:31

We una gi una prɛzɛnt dɛm ɛn sakrifays una bɔypikin dɛn na faya, una de dɔti unasɛf na mi yay wit ɔl una laylay gɔd dɛn te tide. Na una fɔ kam fɛnɔt to mi, una Izrɛl? Papa Gɔd we na Gɔd se, wans a de, una nɔ go ebul fɛnɔt to mi.

Izikɛl 20:26

ɛn a bin dɔti dɛm na mi yay wit dɛn yon yon prɛzɛnt dɛm, dat na we a mek dɛn sakrifays ɔl dɛn fɔs pikin dɛn na faya, so dat dɛn go fred bad bad wan; a du so, so dat dɛn go no se na mi na PAPA GƆD.

Jɛrimaya 32:35

Dɛn bil ples dɛm fɔ wɔship Beal na Inɔm in bɔypikin in vali, fɔ sakrifays dɛn bɔy ɛn gyalpikin dɛm to molɛk, ɔlwe a nɔ kɔmand dɛn fɔ du dat, ɛn dat nɔ kam na mi maynd sɛf, fɔ mek dɛn du da tin we a et bad bad wan, fɔ mek Juda kɔmit sin.

Jɛrimaya 7:31

Ɛn dɛn dɔn bil wan ɔlta we nem Tɔfɛt, we de na Inɔm in bɔypikin in vali, fɔ bɔn dɛn bɔy ɛn gyal pikin dɛm na faya; tin we a nɔ tɛl dɛn fɔ du, ɛn dat nɔ bin kam na mi maynd sɛf.

Di Sam Dɛm 106:38

Dɛn shɛd dɛn bɔypikin ɛn gyal pikin dɛn blɔd fɔ natin, we dɛn tek dɛn pul sara to dɛn tin we dɛn mek fɔ pre to na Kenan; dɛn mek di ples nɔ fit fɔ mek pɔsin wɔship PAPA GƆD de bikɔs ɔf di blɔd dɛn we wes.

2 Kronikuls 33:6

Ɛn i tek in bɔypikin dɛm mek ɔfrin ɛn bɔn dɛm na faya na di vali we nem Vali ɔf di sɔns ɔf Inɔm, ɛn i bin de tɔk to dɛbul, ple magik ɛn du ɔlkayn wikɛdnɛs, ɛn i gɛt biznɛs wit ɔlkayn dɛbul ɛn dɛn wichman. I du bɔku wikɛdnɛs na PAPA GƆD in yay we mek i vɛks.

2 Kronikuls 28:3

ɛn i bin de bɔn insɛns na di Inɔn in bɔypikin dɛn Vali, ɛn bɔn in yon bɔypikin dɛn as bɔn sakrifays, we na sɔm pan di bad bad tin dɛn we di pipul dɛn we PAPA GƆD bin drɛb kɔmɔt na di land fɔseka Izrɛl, bin de du.

2 Kiŋ 23:10

Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.

2 Kiŋ 17:17

Dɔn igen, dɛn kil dɛn bɔy ɛn gyal pikin dɛn, ɛn bɔn dɛn na faya as sakrifays; dɛn de go to mɔreman, dɛn de lukgrɔn, ɔlkanaba bad tin nain dɛn du fɔ mek PAPA GƆD vɛks.

Ditarɔnɔmi 18:10

I se lɛ nɔn pan dɛn nɔ go miks fɔ sakrifays dɛn pikin dɛn na faya, ɔ go miks pan luk grɔn biznɛs, ɔ dɛn majik biznɛs

Ditarɔnɔmi 12:31

I se di Izrɛlayt dɛn nɔ fɔ wɔship PAPA GƆD we na dɛn GƆD di we we dɛn pipul dɛn de bin de wɔship dɛn yon gɔd, bikɔs dɛn bin de du ɔl di bad bad tin dɛn we PAPA GƆD et, fɔ dɛn gɔd dɛn; dɛn dɔn ivin bɔn dɛn pikin dɛn na faya gi dɛn gɔd dɛn.

Lɛvitikɔs 17:15

Ɛnibɔdi we it bif we day fɔ insɛf ɔ we wayl bist kil, wɛda na Izrɛlayt ɔ na fɔrina, fɔ was in klos, was insɛf ɛn nɔ klin na PAPA GƆD yay te ivintɛm, bifo i go klin na PAPA GƆD yay.

Lɛvitikɔs 17:13

I se ɛni Izrɛlayt ɔ fɔrina we tap wit dɛn we de go ɔntin ɔ kech bɔd fɔ it, fɔ dig ol, put di blɔd afta i dɔn kil di animal ɔ bɔd, ɛn kɔba am wit dɔti.

Lɛvitikɔs 17:8

I se Mozis fɔ tɛl dɛn bak se, ɛni Izrɛlayt ɔ fɔrina we tap wit dɛn, we mek bɔn ɔfrin ɔ bɔn sakrifays,

Lɛvitikɔs 20:1

PAPA GƆD tɛl Mozis se,

1 Kiŋ 11:7

Na pantap wan il na Jerusɛlɛm Sɔlɔmɔn bil ples fɔ de wɔship Kɛmɔsh, dat na di Moabayt dɛn yon gɔd, di ɔda gɔd we PAPA GƆD et bad bad wan. I bin bil ples bak fɔ di ɔda gɔd we nem Molɛk, di Amonayt dɛn gɔd we PAPA GƆD bin et insɛf bad bad wan.

Lɛvitikɔs 24:16

I se if na PAPA GƆD in nem i tɔk bad bɔt, dɛn fɔ kil am, ɔl di Izrɛlayt dɛn fɔ ston am te i day wɛda in na trenja ɔ na bɔn Izrɛlayt, i fɔ day fɔ we i tɔk bad bɔt PAPA GƆD.

Ditarɔnɔmi 17:2

I tɛl dɛn se if dɛn si ɛni uman ɔ man de na ɛni pan dɛn siti dɛn we PAPA GƆD we na dɛn PAPA GƆD go dɔn gi dɛn, de du dɛn bad bad tin dɛn we PAPA GƆD we na dɛn PAPA GƆD dɔn se dɛn nɔ fɔ du, we min se i dɔn brok di Kɔvinant,

Ditarɔnɔmi 22:21

dɛn fɔ pul am kɔmɔt insay in papa in os, briŋ am kam na do, ɛn ston am te i day, bikɔs na shemful tin i bin du we i bin dɔn lidɔm wit man insay Izrɛl we nɔ bin mared am. Mozis tɛl dɛn se na so dɛn go ebul mek di swɛ fɔ dɛn kayn tin dɛn de, kɔmɔt na Izrɛl.