Lɛvitikɔs 2:9 - Krio Fɔs Oli Baybul

⁹ Da tɛm de, di man we de mek sakrifays fɔ pipul sin go tek sɔm ɛn bɔn am na di ɔlta as wetin dɛn go sho to PAPA GƆD se nain yon; na ɔfrin we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 2:9 Referans Kwoze

Lɛvitikɔs 2:2

dɔn dɛn fɔ kɛr am go to Erɔn in bɔypikin dɛn we na man dɛn we de mek sakrifays fɔ pipul sin. Di wan pan dɛn we de mek dis patikla sakrifays fɔ tek wan an pan di flawa ɛn ɔyl wit ɔl di frankinsɛns ɛn bɔn am as wetin dɛn go sho to PAPA GƆD se nain yon; na ɔfrin we dɛn go bɔn na faya ɛn i go pul fayn sɛnt we go mek PAPA GƆD gladi.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Lɛvitikɔs 6:15

I go gi wan an pan di fayn flawa we de wit di sid ɔfrin wit di ɔyl ɛn ɔl di insɛns we de pan di sid ɔfrin ɛn bɔn am as di tin we fɔ sho se in na PAPA GƆD yon na di ɔlta so dat i go pul fayn sɛnt we go mek PAPA GƆD gladi.

Lɛta Fɔ Filipay 2:17

If dɛn gɛt fɔ kil mi sɛf ɛn di day we a day go tan lɛk sakrifays ɛn wit unasɛf yon sakrifays we una de mek to Gɔd dat na di biliv we una biliv pan Krays, a gladi ɛn a de mek una no se a gladi; so dat unasɛf go gladi wit mi.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Ɛksodɔs 29:18

Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Ayzaya 53:10

Bɔt ɔl dat, na bin PAPA GƆD in plan fɔ mek dɛn brus am; I mek i sɔfa; we i mek insɛf di sakrifays fɔ sin, I go si in pikin dɛn, I go mek i gɛt lɔŋ layf; PAPA GƆD in plan go sɔksid nain an;

Lɛvitikɔs 2:8

Dɔn yu go kɛr ɔl di tin dɛn we dɛn dɔn rɛdi fɔ di ɔfrin go to PAPA GƆD, nain os bɔt fɔ gi di man we de mek sakrifays fɔ pipul sin, we go kɛr am go na di ɔlta.

Lɛvitikɔs 2:16

Da tɛm de, di man we de mek sakrifays fɔ pipul sin go bɔn sɔm pan di sid ɔfrin we dɛn dɔn gren, wit di ɔyl ɛn ɔl di insɛns as wetin dɛn go sho to PAPA GƆD se nain yon; na ɔfrin we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 5:12

Ɛn i fɔ kɛr am go to di man we de mek sakrifays fɔ pipul sin we go tek wan an kɔmɔt de fɔ wetin i go sho to PAPA GƆD se di pɔsin na PAPA GƆD yon, ɛn i go bɔn am na di ɔlta pantap di ɔda sakrifays dɛn we dɛn mek na faya to PAPA GƆD; na sin ɔfrin.

Lɛvitikɔs 24:7

Dɔn fɔ put frankinsɛns na di ro dɛn so dat i go tek di bred in ples as wetin dɛn go sho to PAPA GƆD se nain yon; na ɔfrin we dɛn go bɔn na faya.

Di Nɔmba Dɛm 5:26

Naw i fɔ tek in an tek sɔm we i go bɔn na di ɔlta fɔ mɛmba wetin bi so. PAPA GƆD se, i fɔ mek di uman drink pan di wata bak.

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.