Lɛvitikɔs 2:4 - Krio Fɔs Oli Baybul

⁴ Wɛn di sid ɔfrin we dɛn de briŋ na wan we dɛn bek na pɔt, fɔ miks di bred we nɔ gɛt yist wit ɔyl ɔ rɔb ɔyl pan di flat kek lɛk biskit we yu mek.

Lɛvitikɔs 2:4 Referans Kwoze

Ɛksodɔs 29:2

Bek bred we nɔ gɛt yist, ɛn kek wit ɔliv ɔyl we insɛf nɔ gɛt yist, dɔn mek wefa ɛn put ɔyl pan am. Na fayn wit flawa yu fɔ yuz bek dɛn.

Di Sam Dɛm 22:14

Dɛn mek a so wik mi jɔynt ɛn mi bon dɛn ɔl de at. A dɔn giv ɔp. A nɔ fit fɔ natin igen; A tan lɛk waks we de kɔmɔt pan kyandul we i de bɔn.

Pita In Fɔs Lɛta 2:22

Wande Krays nɔ sin, ɛn i nɔ lay.

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Jɔn 12:27

“Mi at wɔri naw, ɛn wetin a go se? Mek a se, ‘Papa, duya, nɔ mek da awa de mit mi?’ Bɔt na dat mek a kam na wɔl, a kam na wɔl fɔ sɔfa lɛkɛ aw a go sɔfa.

Jɔn 3:34

Di wan we Gɔd dɔn sɛn de tɛl pipul di mɛsej we Gɔd gi am, bikɔs Gɔd mek ɔl di pawa we in Spirit gɛt de wit am.

Matyu 26:38

Nain i se, “Mi at so ebi dat a fil fɔ day. Una wet na ya, una wek ɛn pre wit mi.”

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Lɛvitikɔs 10:12

Dɛn Mozis tɛl Erɔn, Ɛlieza ɛn Ithama we na Erɔn in tu bɔypikin we lɛf se dɛn fɔ tek di sid ɔfrin we lɛf pan di ɔfrin dɛn we dɛn bin mek na faya to PAPA GƆD, mek bred we nɔ gɛt yist de ɛn it am de na di ɔlta bikɔs na pat we oli pas ɔltin.

Izikɛl 46:20

Ɛn i tɛl mi se, “dis na di ples we di man dɛn we de mek sakrifays fɔ pipul sin go bwɛl di gilt ɔfrin ɛn di sin ɔfrin, ɛn usay dɛn go bek oli sirial ɔfrin, so dat dɛn nɔ go briŋ dɛm kam na di awtsay kɔt, ɛn de pas olinɛs to di pipul as dɛn de du so.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Lɛvitikɔs 7:12

If i de du am bikɔs i wan fɔ tɛl PAPA GƆD tɛnki, dɛn i fɔ miks ɔyl wit kek we nɔ gɛt yist, wefa we insɛf nɔ gɛt yist bɔt we dɛn put ɔyl pan, ɛn ɔda kek we dɛn mek wit fayn flawa we dɛn miks gud wan wit ɔyl.

Lɛvitikɔs 6:17

Nɔ fɔ put yist pan am we dɛn de bek am. PAPA GƆD se nain i dɔn gi dɛn fɔ dɛn yon pan di ɔfrin dɛn we dɛn de mek na faya; na dɛn oli pas di ɔda tin dɛn. Dɛn tan lɛk di sin ɔfrin ɛn di ɔfrin we dɛn de mek fɔseka wetin dɛn fɔ sɔfa.

Lɛvitikɔs 1:11

ɛn na di nɔth sayd pan di ɔlta i go kil am bifo PAPA GƆD ɛn Erɔn in bɔypikin dɛn we na man dɛn we de mek sakrifays fɔ pipul sin, go ib di blɔd rawnd di ɔlta.

Ɛksodɔs 16:31

Di Izrɛlayt dɛn gi di it nem “mana.” Di mana wayt lɛkɛ korianda sid. I tes lɛkɛ wefa we dɛn tek ɔni mek.

Ɛksodɔs 12:8

Da sem nɛt de dɛn fɔ ros di animal we dɛn dɔn kil ɛn it in bif wit bita tin dɛn ɛn bred we nɔ gɛt yist.

Di Nɔmba Dɛm 6:15

togɛda wit di tin dɛn fɔ gren sakrifays ɛn drink sakrifays, wan baskit wit bred we nɔ gɛt yist dat na kek we dɛn tek gud flawa mek dɔn dɛn miks am wit ɔyl ɛn wefa we dɛn put ɔyl pantap.